ԱՍՀՆ-ն դիմել է դատախազություն. «ադեկվադ»-ները գիշերօթիկ հաստատություններից մեկում խաբեությամբ նկարահանում են իրականացրել

14/11/2019 schedule21:45

ՀՀ աշխատանքի և սոցիալական հարցերի նախարարությունը դիմել է Դատախազություն՝ խնդրելով ստուգել «Ադեկվադ» կուսակցության անունից ներկայացող քաղաքացիների գործողությունների իրավաչափությունը և, անհրաժեշտության դեպքում,  համապատասխան ընթացք տալ դրանց: Այդ մասին տեղեկացնում է ԱՍՀ նախարարության պաշտոնական կայքէջը:

Նշենք, որ վերջին ամիսներին, երբ Կառավարությունը՝ ի դեմս ՀՀ աշխատանքի և սոցիալական հարցերի նախարարության, իրականացնում է Հայաստանի Հանրապետությունում գործող գիշերօթիկ հաստատությունների լուծարման գործընթացը, տարբեր ուժեր, այդ թվում՝ քաղաքական, փորձում են շահարկել թեման՝ թիրախավորելով ոչ միայն Նախարարությունը, այլև՝ հաստատություններում գտնվող երեխաներին, նրանց ընտանիքներին և հաստատությունների աշխատակիցներին:

Այսպիսով, վերոնշյալ կուսակցության անունից հանդես եկող քաղաքացիներից մեկը այցելել էր գիշերօթիկ հաստատությունների սաների ընտանիքներ, սնունդ և կանխիկ գումար տվել ծնողներին: Մինչդեռ «Սոցիալական աջակցության մասին» ՀՀ օրենքի 6-րդ հոդվածի 4-րդ ենթակետը հստակ սահմանում է, որ «Սոցիալական ծառայությունների տրամադրումը չի կարող ուղեկցվել քաղաքական կամ կրոնական քարոզչությամբ,  հետապնդել տրամադրված սոցիալական ծառայությունների դիմաց այլ ծառայություններ կամ որևէ փոխհատուցում ստանալու ակնկալիք, կամ վնաս պատճառել սոցիալական աջակցություն ստացողի առողջությանը, կյանքին և գույքին»:

Հաջորդ դեպքը, երբ վերոնշյալ կուսակցության հետ առնչվող քաղաքացին փորձել է ներխուժել գիշերօթիկ հաստատություն, գրանցվել է օրերս: Քաղաքացին, ով ևս ներկայացել է նույն կուսակցության անունից, այցելել է Գյումրի քաղաքում գործող երկու գիշերօթիկ հաստատություններ, ինչպես նաև՝ Բյուրեղավանում գտնվող հաստատություն, փորձել ներս մտնել և նկարահանում իրականացնել:

Հաստատություններից մեկում նրան հաջողվել է խաբեությամբ՝  ներկայանալով որպես հեռուստաընկերություններից մեկի նկարահանող խմբի անդամ, ներս մտնել և նկարահանում իրականացնել հաստատությունում: Տնօրենը փորձել է խոչընդոտել հաստատությունում գտնվող երեխաների նկարահանմանը, քանի որ դա հակասում է երեխաների՝ անձնական տվյալների գաղտնիության սկզբունքին, ինչի ի պատասխան քաղաքացին սպառնացել է հաստատության տնօրենին, որ կհասնի նրան, որ նա այլևս չպաշտոնավարի:

Քաղաքացին իր գործողություններով խոչընդոտել է հաստատության բնականոն աշխատանքին:

Սույն քաղաքացիների գործողությունները տեսանկարահանվել են: Տեսանյութերը ևս կցվել են դատախազությանն ուղղված գրությանը:

ՀՀ աշխատանքի և սոցիալական հարցերի նախարարությունը ևս մեկ անգամ հիշեցնում է, որ երեխայի իրավունքների պաշտպանության դեմ իրականացվող կամայական գործողություն իրավական գնահատականի է արժանանալու:

Տպել
1108 դիտում

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում

Այսօր ՏԻՄ ընտրություններ են ՀՀ 7 մարզերի 16 համայնքներում

Երեխան եղել է անհաս, ծնվել է կեսարյան հատմամբ, առկա է եղել սրտի արատ. ԲԿ-ն պարզաբանում է նորածնի մահվան պատճառը

Հրազդանում մեքենա է հրդեհվել. շարժիչի հատվածն ամբողջությամբ այրվել է

Եւս մի «հայրենասեր-քաղհալածյալ»

Ավտոմեքենան դուրս է եկել ավտոճանապարհի երթևեկելի հատվածից և հայտնվել ձորակում

Արմեն Սարգսյանը հանդիպել է «Գյումրին մեր տունն է» երիտասարդական նախաձեռնության անդամների հետ

3 մլն դրամից մինչեւ 200 հազար. ավագանու անդամը հրապարակել է թվեր՝ վարչական շրջանների կորպորատիվների ծախսերից

Երևանի Արմենակյան փողոցում բենզատար է շրջվել

Ավելի վատ է լինելու. գործերը հեչ լավ չեն