Ես ասֆալտին պառկեցվելուց եւ պատերին խփվելուց չեմ վախենում․մի բանից եմ վախենում՝ ահեղ դատաստանից․ Վարդան Ղուկասյան

ԲՀԿ-ական պատգամավոր Վարդան Ղուկասյանը, որին մերձ կանգնած անձինք «Իմ քայլը» խմբակցության պատգամավոր Նազելի Բաղդասարյանի հասցեին սպառնալիքներ են հնչեցրել, երեկ ԱԺ դահլիճում չի եղել, սակայն լսել է վարչապետի ելույթը։

Պատգամավորը ցավում է, որ իր խոսքերը վարչապետի զայրույթն են շարժել․

«Ցավում եմ, որ ինչ-որ ես խոսել եմ, այդպիսի զայրույթ է առաջացրել մեր հարգարժան վարչապետի մոտ, բայց ես ազգի շահերից եմ խոսել եւ վատ բան չեմ ասել: Յուրաքանչյուր պատգամավոր իրավունք ունի հայտնելու իր կարծիքը: Հետո ես զգում եմ, որ կարծիքների արտահայտվելուն բռնանում են, նամանավանդ՝ հանրապետության առաջին դեմքի կողմից»,- ասաց Ղուկասյանը։

Ինչ վերաբերում է վարչապետի հայտարարությանը, որ մեկը Հանրապետության երկրորդ քաղաքի (նկատի ունի Գյումրին, որի քաղաքապետը Վարդան Ղուկասյանն է եղել,- հեղ․) կեսը թալանել է, հիմա մտածում է, թե կարող է թպրտալ, կտան պատերով, Ղուկասյանը պնդում է, որ իր աշխատած տարիներին ՀՀ ոչ մի կառույց իրենց պես մաքուր ու թափանցիկ չի աշխատել: Նա նույնիսկ վստահեցնում է, թե ԽՍՀՄ բոլոր երկրներում իրենց պես մաքուր աշխատած կառույց չի եղել։ Դրա ապացույցը, Վարդան Ղուկասյանի պնդմամբ, այն է, որ ոչ թե հիմա է առանց կաշառքի ու կեղծիքի ընտրվել վարչապետը, այլ ինքը՝ այն ժամանակ։

ԲՀԿ-ական պատգամավորի խոսքով՝ երկրում թալան է կատարվել ՀՀՇ-ի ժամանակ․

«ՀՀՇ-ն 1996 թվականին, երբ մենք հաղթեցինք, ամբողջ պետական ապարատով վերցրին դրեցին էդ արկղերն աջ կողմն ու անցավ մեկ այլ թեկնածու: Ինչ-որ արել է էդ ժամանակ, իր կուսակցությունն է արել: Թալանը կատարվել է ՀՀՇ-ի ժամանակ, ՀՀՇ բարձրաստիճան բոլոր ղեկավարների: Այնքան՝ գումար եկավ ՀՀ, որ ոչ միայն Գյումրին, այլ ամբողջ ՀՀ-ն կկառուցվեր»,- ասաց Ղուկասյանը՝ հավելելով, որ ամբողջ քաղաքը թալանվեց եւ 31 տարի գյումրեցիները մնացին տնակների մեջ, որի մեղքը, իր խոսքով, Նիկոլ Փաշինյանի այն ժամանակվա թիմն է:

Անդրադառնալով Փաշինյանի հայտարարությանը, որ եթե կան մարդիկ, այդ թվում՝ պատգամավորներ, որոնք կարծում են, թե քրեական ենթամշակույթը Հայաստանից արմատախիլ անելու հարցում կոմպրոմիսներ են լինելու, ուղիղ ասում է՝ «կպառկեցնենք ասֆալտին եւ կտանք պատերով՝ բառի բուն իմաստով», ԲՀԿ-ական Վարդան Ղուկասյանն ասաց, որ ինքն ասֆալտին պառկեցվելուց եւ պատերին խփվելուց չի վախենում․

«Ես էդպիսի մարդ չեմ, որ նմանատիպ բաներից վախենամ: Ես մի բանից եմ վախում՝ ահեղ դատաստանից: Հետո Դավիթ մարգարեն ասում է՝ «ձեր հույսը միք դրեք ձեր պաշտոնի, փողերի, կուսակցությունների վրա, ես թագավորը կսարքեմ փոշի, հովիվը կսարքեմ թագավոր, ես բարձրացնեմ, ես ցածրացնեմ, ես կենդանացնեմ, ես սատկեցնեմ…»,- մեջբերեց Ղուկասյանը՝ ապա, իր ոճի համաձայն, այս անգամ ցիտեց Հովհաննես Թումանյանին․

«Հետո Խայամն էլ ասում է՝ անցո՛րդ, ոտդ զգույշ դիր հողին, ո՜վ իմանա՝ որ սիրունի բիբն ես կոխում դու հիմի․․․։ Մենակ Աստծուց վախենանք, 60 տարեկան եմ, ամբողջ մարմինս սպիներ ու բաներ է, ես ինչից պիտի վախենամ, հետո որ սոխ չես կերել, սիրտդ չի մրմռում, հեչ տեսե՞լ եք նախկին քաղաքապետերից էսպես ազգի շահերը պաշտպանեն։ Եթե կեղտոտություն անենք, խելոք գլուխներս կկախենք»,- ասաց Ղուկասյանը։

Նա վստահեցրեց, թե «Իմ քայլ»-ի պատգամավոր Նազելի Բաղդասարյանին չի էլ ճանաչում․

«Ես էդ աղջկան չեմ ճանաչում, մամային եմ ճանաչել, մաման ինձնով ռեյտինգ ձեռքբերեց, որ առաջ ընկան, ուզում է իմ անունը շահարկի, որ առաջ ընկնի, չեմ ճանաչում, բարեւ էլ չեմ տալիս, ինձ էլ թույլ չեմ տալիս՝ կնոջը բան ասեմ»։

Ղուկասյանը չի վախենում նաեւ, որ իր պաշտոնավարման տարիների հետ կապված գործեր կարող են հարուցվել․

«Կարող եմ ասել՝ վախենալու բան չունեմ: Սերժ Սարգսյանի օրոք ամեն երեք ամիսը մեկ իմ կառույցն ստուգել են, իսկ եթե հանկարծ հիմա օդի մեջ բաներ կա, բերում գցում են մարդու գրպանը, բայց էդ գաղութն էլ է մեզ համար․․․ մարմինս կոտրեն, բա հոգիս խոմ չեն կարող կոտրի, ես ոչ մեռնելուց եմ վախում, ոչ գումար կորցնելուց»։

Վարդան Ղուկասյանն ասաց, որ ինքը հեղափոխության ժամանակ պաշտպանել է վարչապետին, բայց հիմա հալածվում է, ինչպես, իր խոսքով, նախկին իշխանությունների ժամանակ է հալածվել․

«Մենք ոչ մեկին չենք խրախուսում. ո՛չ գողականը, ո՛չ գողերին, մենք պարզ, հստակ ասում ենք՝ ով հանցանք է գործում, թող ապացուցեն, դատեն, ով չի գործում, գան տնից վերցնեն ուղարկեն գաղո՞ւթ։ Մենք դրան դեմ ենք։ Այսինքն՝ էդ հինգ-յոթ հոգին խանգարո՞ւմ են, որպեսզի էս երկիրը զարգացում ապրի։ Մարդիկ հնարավորություն չունեն, թող թոշակի մասին, նպաստի մասին մտածեն, էնքան խնդիրներ ունենք, ընկել ենք գեհերը (գեյերը,-հեղ․), լգցկ (ԼԳԲՏ բառը նկատի ունի,- հեղ․) է, ինչ է, բան ու գործ չկա էս ԱԺ-ում, դրա համար մեկ-մեկ չեմ էլ ուզում գալ»,- ասաց Վարդան Ղուկասյանը։

Տպել
1729 դիտում

Մարմնի 90 տոկոս այրվածք ստացած տղամարդը մահացել է, իրավապահները հայտնաբերել են դեպքի վայրը

Սուր-կտրող գործիքից ստացված վնասվածքներով «Էրեբունի» բժշկական կենտրոն 3 պատանի է տեղափոխվել

Ամերիկյան բալետի պարուհի Միստի Կոպլանդը Մոսկվայի «Մեծ թատրոնին» մեղադրել է ռասիզմի մեջ. Lenta.ru

«Wizz Air»-ի Գյումրիից թռիչքներ իրականացնելու լուրերն իրականությանը չեն համապատասխանում». Տաթեւիկ Ռեւազյան

Վրաերթ Տիչինա և Սեբաստիա փողոցների խաչմերուկում. տուժածի վիճակը կայուն ծանր է

Երեւանում կայացած «Լազարյան ակումբ»-ի հերթական նիստը ֆինանսավորվել է ՌԴ նախագահ Վ. Պուտինի գրասենյակի կողմից

Շիրակի մարզի և Չինաստանի Հայնան նահանգի միջև ստորագրվել է Միջտարածաշրջանային հուշագիր

Մասիսում բնակարանագողը բռնվել է հանցանքի վայրում

ՀՀ նախագահ Արմեն Սարգսյանը հանդիպել է Կատարի փոխվարչապետ, պաշտպանության նախարար Խալիդ բին Մոհամեդ Ալ Աթիյայի հետ

Ռուբեն Բալաբանյանն ընտրվեց ՀՀ Հանրային խորհրդի պետաիրավական հարցերի հանձնաժողովի նախագահ

Թանկ Ամանորն ու էժան պոպուլիզմը

ՀՀ նախագահ Արմեն Սարգսյանը կմասնակցի «Դոհա ֆորում-2019»-ին

Ռուսաստանում անոմալ եղանակ է սպասվում. РИА Новости

«Սևան» քրեակատարողական հիմնարկում թմրամիջոցների իրացման դեպք է կանխվել

Օդի ջերմաստիճանը կբարձրանա 5-ից 7 աստիճանով

«Արաբկիր» բկ-ում քաղաքացին գլխով հարվածել է բժշկին. Արսեն Թորոսյանն իրավապահներին կոչ է արել գտնել եւ պատժել մեղավորին

Դալար գյուղի բնակիչը վճարային տերմինալ է գողացել

Դեկտեմբերի 8-ից 14-ը հայ դիրքապահների ուղղությամբ արձակվել է 1500 կրակոց

Կենտրոնական իշխանությունը ՏԻՄ ընտրությունների ժամանակ այլեւս չի ճնշում, երբեմն էլ չի հաղթում

Նախաքննության ընթացքում առիթ կունենաք ասելու, թե ով է այդ «ընդհանուր ընկերը». Անդրանիկ Քոչարյանը՝ Ռուբեն Հայրապետյանին