Դատարանը հեռացավ խորհրդակցական սենյակ՝ կաշառք ստանալու մեջ մեղադրվող դատավորի գործով դատավճիռ կայացնելու

13/11/2019 schedule13:50

Լուսանկարում՝ ձախից՝ Վահագն Դանիելյանը, Գագիկ Հեբոյանը

Կաշառք ստանալու մեջ մեղադրվող դատավոր Գագիկ Հեբոյանի եւ կաշառք ստանալուն օժանդակելու մեջ մեղադրվող փաստաբան Վահագն Դանիելյանի գործով դատավոր Տաթեւիկ Գրիգորյանը քիչ առաջ հեռացավ խորհրդակցական սենյակ՝ դատավճիռ կայացնելու:

Դատավճիռը կհրապարակվի նոյեմբերի 20-ին՝ ժամը 12:30-ին:

«Հայկական ժամանակ»-ի հաղորդմամբ՝ մինչ այդ, այսօրվա դատական նիստին վերջին խոսքով հանդես եկան ամբաստանյալներ Գագիկ Հեբոյանը եւ Վահագն Դանիելյանը:

Մասնավորապես Գագիկ Հեբոյանն իր ելույթի սկզբում շեշտեց, որ գործի քննության ընթացքում, ըստ իրեն, չհիմնավորվեց իրեն առաջադրված մեղադրանքը. «Սա ի սկզբանե սարքած գործ էր դատական իշխանության դեմ: Դե, պետք էր, որ կաշառք վերագրեին դատավորին, որ սկսեին էս ամեն ինչը՝ վեթինգ ասեմ, ճնշում ասեմ.. Երբ խորհրդարանի բարձր ամբիոնից վարչապետը հայտարարեց, որ դատավոր է ձերբակալվել, միանգամից ե՛ւ նախաքննություն արեց, ե՛ւ դատաքննություն»,-ասաց նա:

Հեբոյանը պնդեց իր այն հայտարարությունը, թե ինքը կաշառք չի ուզել եւ որեւէ սակարկություն չի արել. «11 վկաներից միայն մեկը ցուցմունք տվեց իմ դեմ, մնացած 10-ը վկաները հերքեցին Բենիկ Հարությունյանի՝ իմ դեմ տված ցուցմունքը»:

Հեբոյանն ընդգծեց՝ երկու մեղադրյալները գործով նույն բանն են ասել. «Կաշառքի ֆաբուլայի առումով, որպես այդպիսին, որեւէ գործողություն կամ անգործություն, հօգուտ Բենիկ Հարությունյանի, չի արվել: Պետական տուրքի վճարման հարց ի սկզբանե չի եղել, այդ հարցը փակված է եղել դեռեւս 2018 թվականի հոկտեմբեր ամսին, ըստ իր ցուցմունքների՝ վճիռը կայացված եւ կողմերին տրամադրված լինելուց հետո է կաշառք տվել, այսինքն՝ վճիռը վերցրել գնացել էր, դատարանը էլ ի՞նչ պետք է աներ, վճիռը խլե՞ր, հետ բերե՞ր, մի քիչ թատրոնի նման մի բան է»:

Ամբաստանյալի կարծիքով՝ դատավորի եւ մեղադրող դատախազի գործողությունները հակված էին նրան, որ կտրվեր Բենիկ Հարությունյանի՝ իր դեմ արած թշնամական գործողությունների տրամաբանական կապը. «Այդ մասով գործն անջատվեց, կարճվեց, Բենիկ Հարությունյանը կաշառքներ տալու մասով որեւէ պատասխանատվության չենթարկվեց, ակնհայտ պատվեր»:

Ամբաստանյալը նշեց, որ իրենք այդ առիթով փորձ արեցին ապացույցներ ձեռք բերել, ինչին դատարանը, ըստ իրեն, խոչընդոտեց. «Շատ չեմ ուզում երկարացնել եւ հույս ունեմ, որ դատարանն անաչառ կգտնվի եւ արդարացման դատավճիռ կկայացնի իմ նկատմամբ: Նորից եմ ասում՝ չկա հանցակազմ, բացակայում է օբյեկտիվ կողմը, չկա որեւէ ապացույց բացի Բենիկ Հարությունյանի մերկապարանոց հայտարարություններից, որը շահագրգիռ անձի ցուցմունք է եւ չի կարող դրվել մեղադրանքի հիմքում»:

Վերջին խոսքով հանդես եկավ նաեւ գործով մյուս ամբաստանյալ Վահագն Դանիելյանը, որը նշեց, որ առաջադրված մեղադրանքի հետ ինքը որեւէ կապ չունի. «Ես կաշառքի օժանդակելու որեւիցե փոխհամաձայնություն չեմ ունեցել եւ այդ գործողությունների արդյունքում որեւէ օգնություն չեմ ցուցաբերել: Ինչ վերաբերում է Բենիկ Հարությունյանի հայտարարություններին, կա տեսագրություն, որով ապացուցվում է այն հանգամանքը, որ ես առհասարակ տեղյակ չեմ եղել կաշառքից կամ որեւիցե ակնարկ չեմ արել դրա վերաբերյալ»,- ասաց նա:

Ամբաստանյալների ելույթներից հետո նախագահող դատավոր Տաթեւիկ Գրիգորյանը հայտնեց, որ այսպիսով՝ գործով դատական քննությունն ավարտվեց եւ նա հեռանում է խորհրդակցական սենյակ:

Հիշեցնենք, որ այս գործը դատարանում էր մայիս ամսից: Գագիկ Հեբոյանի նկատմամբ ի սկզբանե ընտրված է խափանման միջոց կալանավորումը, իսկ Վահագն Դանիելյանի նկատմամբ ընտրված կալանավորումը հետագայում փոխարինվել է չհեռանալու մասին ստորագրությամբ: Ըստ մեղադրական եզրակացության՝ Գագիկ Հեբոյանին մեղադրանք է առաջադրվել այն բանի համար, որ նա, զբաղեցնելով ՀՀ Կոտայքի մարզի ընդհանուր իրավասության դատարանի դատավորի պաշտոնը, հանդիսանալով դատական իշխանության մարմնի ղեկավար աշխատող և մշտապես իշխանության ներկայացուցչի գործառույթներ իրականացնող պաշտոնատար անձ, Բենիկ Հարությունյանի օգտին իր լիազորությունների շրջանակում գործողություն կատարելու համար 2019 թվականի մարտի 6-ին նրանից անձամբ պահանջել և 2019 թ.մարտի 27-ին ՀՀ փաստաբանների պալատի փաստաբան Վահագն Դանիելյանի օժանդակությամբ ստացել է առանձնապես խոշոր չափերի կաշառք: Վահագն Դանիելյանին մեղադրանք է առաջադրվել այն բանի համար, որ նա, հանդիսանալով ՀՀ փաստաբանների պալատի փաստաբան, խոչընդոտներ վերացնելու և հանցավոր ճանապարհով ձեռք բերված միջոցները թաքցնելու եղանակով օժանդակել է Կոտայքի մարզի ընդհանուր իրավասության դատարանի դատավոր Գագիկ Հեբոյանի կողմից առանձնապես խոշոր չափերի կաշառք ստանալուն:

Միլենա Խաչիկյան

Տպել
837 դիտում

Վրաստանում 2020-ին աշխատավարձերն ու թոշակները կավելանան

Պուտինը պատրաստվում է տարեվերջյան մամուլի ասուլիսին. հանդիպումը տեւելու է 3 ժամից ավելի

Բորիս Ջոնսոնի տպավորիչ հաղթանակը. եթե արդյունքները հաստատվեն, Մեծ Բրիտանիան դուրս կգա ԵՄ կազմից

Մարմնի 90 տոկոս այրվածքներով բուժօգնության է տեղափոխվել մի տղամարդ

Արամուսում, Գեղաշենում և Վերին Պտղնիում զրոյից կառուցվում են նոր մանկապարտեզների շենքեր

Հայերն ԱՄՆ-ին պետք չեն, 1915-ի դեպքերը՝ նույնպես. Թուրքիայում շարունակում են կոշտ արձագանքել ԱՄՆ-ի Սենատի որոշմանը

ՀՀ ՔՏՀԱ տեսչական մարմինը խախտումներ է արձանագրել Կոտայքի մարզի մի շարք համայնքներում

Արտաշատի պետական դրամատիկական թատրոնը նոր դահլիճ ունի

Պարգևատրվել են ոստիկանները (տեսանյութ, լուսանկարներ)

Բարձր եմ գնահատում Սենատի որոշումը և ձեզ ու ամերիկացի ժողովրդին եմ փոխանցում հայ ժողովրդի երախտագիտությունը․ նախագահ

Դպրոցականի դանակահարության հերթական դեպքն է տեղի ունեցել. տուժածը տեղափոխվել է հիվանդանոց

ԵԱՏՄ անդամ երկրների համար կձևավորվի գազի ընդհանուր շուկա. Տիգրան Սարգսյան

Վանաձոր-Ալավերդի-Բագրատաշեն ավտոճանապարհը փակ է բեռնատարների համար

Այս օրը պատմական է ոչ միայն հայերի, այլեւ Թուրքիայի ժողովրդի համար. թուրք պատմաբան-ցեղասպանագետ

Ժամը 20:45-ի դրությամբ ՀՀ տարածքում կան դժվարանցանելի ավտոճանապարհներ. ԱԻՆ

Աթենքում կայացել է ՍԾՏՀԿ անդամ պետությունների ԱԳ նախարարների խորհրդի 41-րդ հանդիպումը

Ռուբեն Ռուբինյանն ընդունել է Հայաստանում Չինաստանի դեսպանին

Քննարկվել է Ադրբեջանի կողմից հրադադարի ռեժիմի կոպիտ խախտման դեպքը. ԱՀ ԱԳՆ նախարար Մ. Մայիլյանը հանդիպել է Ա. Կասպշիկին

Երբ մարդ 16 տարի ֆուտբոլում է, ազդեցություն կարող է ունենալ. Մելիքբեկյանը՝ Ռուբեն Հայրապետյանի եւ այլ թեմաների մասին

Կամավոր հանձնել են «Մակարովի» նմանվող ատրճանակ, «Կալաշնիկով» ինքնաձիգ, պայթուցիչներով երկու նռնակ (տեսանյութ)