Ժողովուրդը ձեռամբ իշխանությունը մատուցեց ձեզ․ Տիգրան Ուրիխանյանի հայտարարությունը դուր չեկավ ԱԺ նախագահին

Հայաստանի խորհրդարանում սկսվել է հերթական քառօրյա նստաշրջանը․ օրակարգում ընդգրկված է 36 հարց:

Օրենսդիրներն այս նիստերի ընթացքում քննարկելու են «Հայաստանի Հանրապետության 2020 թվականի պետական բյուջեի մասին» ՀՀ օրենքի նախագիծը, Կոռուպցիայի կանխարգելման հանձնաժողովի անդամների ընտրության հարցը եւ այլն։

Այսօրվա նիստն անցնում է լարված մթնոլորտում:

Նախ քննարկվեցին գլխադասային հանձնաժողովներում բացասական եզրակացություն ստացած նախագծերը։ Դրանցից մեկը ԲՀԿ-ական պատգամավոր Տիգրան Ուրիխանյանի նախագիծն էր, որով նա առաջարկում էր «Պետական կենսաթոշակների մասին» օրենքում փոփոխություններ կատարել։ Ըստ նախագծի՝ այն մարդիկ, որոնք աշխատել են մեկից ավելի գործատուների մոտ, գրանցված են եղել, եկամտահարկ են վճարել, նրանց ստաժը հաշվարկելու ժամանակ դա նույնպես պետք է հաշվել: Որպես հիմնավորում՝ Ուրիխանյանը ներկայացրել էր այն, որ կառավարությունն ասում է՝ փող կա, բյուջեն ընդլայնվում է, ուրեմն՝ կարող են ծախսերը մեծացնել ու պետք է արդյունավետ ծախսել, հետեւաբար, էլ ո՞ւմ, եթե ոչ թոշակառուներին: Նախագիծը, սակայն, ոչ միայն հավանության չէր արժանացել առողջապահության եւ սոցիալական հարցերի հանձնաժողովում, այլ նաեւ չընդգրկվեց խորհրդարանի լիագումար նիստերի օրակարգ։

Տիգրան Ուրիխանյանը քվեարկությունից առաջ ասաց՝ ցավում է, որ փող եղած պայմաններում իր նախագիծը հնարավորություն չունեցավ ընդունվել, եւ սա այն պայմաններում, երբ հայ ժողովուրդը ձեռամբ իշխանությունը մատուցեց իշխող կառավարող ուժին։

Այս արտահայտությունը դուր չեկավ խորհրդարանի խոսնակ Արարատ Միրզոյանին․

«Մենք շատ լավ հիշում ենք մեր իշխանության աղբյուրը, իսկ դա ՀՀ քաղաքացին է ու նրա տված քվեն: Դուք չէ, որ այդ մասին մեզ պետք է անընդհատ հիշեցնեք: Խոսքը «սկուտեղի վրա մատուցել» ձեւակերպման մասին էր, որն ինձ թվաց ճշմարտության ոչ այնքան ճիշտ արտացոլում: Իսկ այս ամբիոնից խոսելու իրավունքը ձերն է, ինչ ասես կարող եք խոսել, այ քեզ բան»,- արձագանքեց Միրզոյանը:

«Իմ քայլը» խմբակցության պատգամավոր Գայանե Աբրահամյանն էլ վարման կարգով ելույթ ունեցավ՝ դիմելով Ուրիխանյանին։ Նա ասաց, որ գուցե նախորդ գումարման Ազգային ժողովում պատգամավորն իրավունք ունեցել է այդ կերպ խոսելու, բայց հիմա՝ ոչ.

«Վստահեցնում եմ ձեզ, որ այս Ազգային ժողովում որեւէ կերպ այդ իրավունքը չունեք: Իրավունք չունեք այս բառամթերքով, այս տոնայնությամբ, այս մունաթով խոսել, որն արդեն պերմանենտ է դարձել այս ամբիոնից՝ որպես դրսեւորման հիմնական կերպ: Գոնե այս Ազգային ժողովը 70 տոկոս վստահության քվե է ստացել՝ դա անելով կասկածի տակ չդրված ընտրություններում: Պետք է վերջ տալ պոպուլիստական հայտարարություններին»:

Աբրահամյանի հայտարարությանը միացավ «Իմ քայլի» պատգամավոր Հովհաննես Հովհաննիսյանը․

«Ես միանում եմ կոչին, որ պետք է պաթոսին վերջ տալ: Այս դահլիճին հարիր չեն պաթոսախառը հայտարարությունները: Ես ուզում եմ հիշեցնել, թե ով է բարձրացրել թոշակառուների աշխատավարձը, թե ով է բարձրացրել ուսուցիչների աշխատավարձը, ով է բարձրացրել ԱԻՆ աշխատակիցների աշխատավարձերը եւ այսպես շարունակ: Որեւէ մեկը չլինի այս կառավարությունից ու իշխանությունից ավելին, որ մտածում է իր ժողովրդի առօրյա հոգսերի մասին»:

Գլխադասային՝ սոցհարցերի հանձնաժողովի անդամ, նույն խմբակցության պատգամավոր Արփի Դավոյանն էլ ընդգծեց, որ երբ հանձնաժողովում քննարկվում էր Ուրիխանյանի նախագիծը, բավականին կառուցողական միջավայրում էր ընթանում, եւ հնչած առաջարկությունների հետ համաձայնել է ինքը՝ ԲՀԿ-ական պատգամավորը․

«Եվ հանձնաժողովում ձեր աշխատանքն ավարտելուց հետո շնորհակալություն հայտնեցիք՝ արձանագրելով, որ կառուցողական քննարկում էր, իսկ այս ամբիոնից խոսում եք, ինչպես միշտ, մեղադրողական տոնով եւ տպավորություն եք ուզում ստեղծել, որ իշխանությունը նորից մերժեց այն լավ նախագիծը, որը բերել էր ընդդիմությունը»,- եզրափակեց Դավոյանը։

Նախագիծը չընդգրկվեց լիագումար նիստերի օրակարգ։

Տպել
2287 դիտում

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում

Այսօր ՏԻՄ ընտրություններ են ՀՀ 7 մարզերի 16 համայնքներում

Երեխան եղել է անհաս, ծնվել է կեսարյան հատմամբ, առկա է եղել սրտի արատ. ԲԿ-ն պարզաբանում է նորածնի մահվան պատճառը

Հրազդանում մեքենա է հրդեհվել. շարժիչի հատվածն ամբողջությամբ այրվել է

Եւս մի «հայրենասեր-քաղհալածյալ»

Ավտոմեքենան դուրս է եկել ավտոճանապարհի երթևեկելի հատվածից և հայտնվել ձորակում

Արմեն Սարգսյանը հանդիպել է «Գյումրին մեր տունն է» երիտասարդական նախաձեռնության անդամների հետ

3 մլն դրամից մինչեւ 200 հազար. ավագանու անդամը հրապարակել է թվեր՝ վարչական շրջանների կորպորատիվների ծախսերից

Երևանի Արմենակյան փողոցում բենզատար է շրջվել

Ավելի վատ է լինելու. գործերը հեչ լավ չեն

«Սպիսատ» արեցին. սանիտարական զտումներ ՀՀԿ-ում

Մեղադրում են գյուղապետին. կարո՞ղ է մարզպետին էլ բռնենք

Հրդեհ Երեւանում. փրկարարները բնակարանից դուրս են բերել երեխաներին

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել