Նախարարությունը ֆինանսավորել է ոչ թե սեռափոխված մարդու, այլ Եվրոպայի եռակի չեմպիոնի մասին ֆիլմը. վարչապետ

Նիկոլ Փաշինյանը քիչ առաջ ուղեւորվում էր ԱԳՆ՝ երիտասարդ դիվանագետների երդման արարողությանը մասնակցելու համար: Կառավարության մոտ նրան շրջապատեցին մի խումբ ՀՅԴ ակտիվիստներ, որոնք արդեն երկրորդ օրն է՝ բողոքի ցույց են անում՝ ՀՀ Կրթության, գիտության, մշակույթի եւ սպորտի նախարար Արայիկ Հարությունյանի հրաժարականի պահանջով: Պատճառը նախարարության նոր օրինագիծն է, որով հայոց լեզու, հայ գրականություն եւ հայոց պատմություն առարկաները բուհերում այլեւս պարտադիր առարկաների ցանկում չեն լինելու: 

Ցուցարարները ներկայացան որպես Դաշնակցականներ եւ հետաքրքրվեցին վարչապետից, թե հետեւու՞մ է արդյոք իրադարձությունների զարգացմանը ԿԳՄՍ նախարարության շուրջ եւ տեղյա՞կ է երկուշաբթի օրը կուսակցության երիտթեւի տարածած հայտարարությունից:

Նիկոլ Փաշինյանը հայտնեց, որ տեղյակ է ու չի կիսում այդ հայտարարության կետերից ոչ մեկը:

Բողոքի ակցիայի մասնակիցները հարցրին, թե վարչապետը հանդիպելո՞ւ է Արայիկ Հարությունյանի հետ:

Նիկոլ Փաշինյանը նշեց, որ այս պահին չի հանդիպելու, սակայն իրենք բավական հաճախ են հանդիպում:

Ցուցարարները խնդրեցին, որ հանդիպելու դեպքում առաջարկում են Արայիկ Հարությունյանին փոխանցել մետրոյի ժետոն, որպեսզի նա երեկոյան մետրոյով տուն գնա ու տեսնի, թե ինչ կարծիք ունեն իր եւ նախարարության նախաձեռնություն մասին քաղաքացիները:

Վարչապետն ի պատասխան՝ խնդրեց բացատրել, թե ինչ պահանջներ ունեն: Երբ որ բողոքի ակցիայի մասնակիցները հայտնեցին, որ պահանջում են նախարարի հրաժարականը, Նիկոլ Փաշինյանը պատասխանեց.

«Եթե Արայիկ Հարությունյանը կոռումպացված լիներ, եթե ուսանողներից գումարներ հավաքեր, նման պահանջն արդարացված կլիներ, իսկ բարեփոխումները, որոնք ձեզ համար ընդունելի չեն, Արայիկ Հարությունյանը չի իրականացնում, կառավարությունն է իրականացնում»:

Ցուցարարները հակադարձեցին, որ Արայիկ Հարությունյանը չունի կրթության մասին հայեցակարգ, խուսափում է լսել իր ընդդիմախոսներին: Վարչապետը, ընդհատելով ՀՅԴ ակտիվիստի խոսքը, նշեց, որ եթե, իսկապես, կա նման խնդիր եւ Ա. Հարությունյանը խուսափում է լսել կարծիք, ապա ինքը խոստանում է, որ դա այդպես չի մնա:

ՀՅԴ երիտներկայացուցիչներից Արգիշտի ներկայացած երիտասարդը նշեց, որ նախարարը երեկ հայտարարել է, թե ՀՅԴ-ականներն իրավունք չունեն խոսել կրթությունից: Նիկոլ Փաշինյանը նշեց, որ չի հավատում, թե նման բան կարող է եղած լինել: Երիտասարդը պնդեց, որ եղել է նման միտք եւ հարց ուղղեց վարչապետին, թե ինքը՝ որպես երիտասարդ, կարո՞ղ է խոսել կրթությունից: Վարչապետը դրական պատասխան տվեց՝ խնդրելով կոնտեքստից չկտրել որեւէ միտք եւ այն մեկնաբանել:

«Կրթության խնդիրներից, հատկապես դաշնակցականները, թող չխոսեն»,- նախարարի խոսքերը բառացի մեջբերեց մեկ այլ երիտասարդ եւ նշեց, որ նախարարն իր գրառումներում խոսել է «մուտիլովչիկ», «տասովչիկ» բառերով:

Վարչապետը հայտնեց, որ կծանոթանա նախարարի ուղիղ խոսքին եւ նոր միայն մեկնաբանություն կանի, իսկ Արայիկ Հարությունյանի համար փոխանցված մետրոյի ժետոնը կպահի՝ որպես հիշատակ:

Խոսվեց նաեւ նախարարության կողմից ֆինանսավորված «Մել» ֆիլմի մասին: Վարչապետը հայտնեց, որ այդ մարդը Եվրոպայի եռակի չեմպիոն է, նրա շնորհիվ 3 անգամ Եվրոպայում բարձրացվել է եռագույնը եւ բազմակի անգամներ հնչել է հայկական հիմնը: Նախարարությունը ֆինանսավորել է ոչ թե սեռափոխված մարդու մասին ֆիլմը, այլ Եվրոպայի եռակի չեմպիոնի մասին ֆիլմը, եւ չեն պատրաստվում յուրաքանչյուր գործից առաջ բոլորի կյանքի մասին տեղեկանքներ հավաքել:

Տպել
2591 դիտում

Ամերիկացի զինվորականները զբաղեցրել են դիրքեր՝ Սիրիայի նավթահորերի մոտ

Երկրաշարժ Շիրակի մարզի Աշոցք գյուղից դեպի 6 կմ հարավ-արևելք. ցնցման ուժգնությունը կազմել է 2-3 բալ. ԱԻՆ

Վանաձորի քաղաքային գերեզմանատան մոտակայքում խոտածածկույթ է այրվել. ԱԻՆ

Բնակիչը փորձում է ինքնասպան լինել՝ նետվելով պատուհանից. ԱԻՆ

Մել Դալուզյանն իմ անձնական պաշտպանության ներքո է․ թույլ չեմ տա ՀՀ դրոշը բարձրացրած մարդուն գցեն ոտքերի տակ․ վարչապետ

Իմ ու ՌԴ նախագահի խոսակցությունները աննախադեպ դինամիկա ունեին. Նիկոլ Փաշինյան

Արման Բաբաջանյանն անդրադարձել է Վազգեն Մանուկյանի հրաժարականին. Բաբաջանյանը հանդես էր եկել նրա հրաժարականի պահանջով

Արա Զոհրաբյանը դիմել է ԱԱԾ տնօրենի պաշտոնակատարին՝ ձերբակալված փաստաբաններին հանդիպելու համար

HBO-ն ցանկանում է նկարահանել «Ընկերները» սերիալի շարունակությունը

Որեւէ մեկին չի ճնշելու եւ համարում է ժամապայքար. ԵՊՀ ռեկտորի պաշտոնակատարը՝ դասադուլի եւ գործադուլի մասին

«Նևրոզների կլինիկա» ՓԲԸ-ն չի սպասարկի պետպատվերի շրջանակում, քանի որ հայտնի չէ ծառայության արդյունավետությունը. Թորոսյան

Սեւանում լողալը լավ բան է, բայց ոչ փետրվար ամսին․ վարչապետը՝ հայ-թուրքական հարաբերությունների հնարավոր կարգավորման մասին

Ստորագրվել է փոխըմբռնման հուշագիր ՏԿԵ նախարարության և «Հայկական Կարիտաս»-ի միջև

ՀՀ մինչեւ 19 տարեկան ֆուտբոլիստները պարտվեցին Թուրքիային. 4:1

Էրիկ Վարդանյանի տեղափոխության համար «Փյունիկ»-ը 150 հազար եվրո ավելի է ստացել, քան ֆուտբոլիստի արժեքն է

«Դիլիջան ազգային պարկ» ՊՈԱԿ-ի տարածքում հրդեհ է բռնկվել. ԱԻՆ

ԲՀԿ-ական Վարդան Ղուկասյանը սպառնացել է «Իմ քայլ»-ի պատգամավորին. վարչապետը խոստանում է փռել ասֆալտին

Նախարար Արայիկ Հարությունյանը մասնակցել է ՅՈՒՆԵՍԿO-ի Գլխավոր կոնֆերանսի 40-րդ նստաշրջանին

Մենք ուզում ենք հասկանալ՝ Մադրիդյան սկզբունքները մեզ ի՞նչ հնարավոր տեղեր կարող են հասցնել. վարչապետ

Հնարավոր է՝ առաջիկայում Հայաստանը երկու լաստանավ ունենա. գնդակը գործընկերների դաշտում է, սպասում ենք պատասխանի. Պապիկյան