Վանեցյանին մեղադրում են իրավասություն չունենալով՝ մարզիչ նշանակելու համար. չի բացառվում՝ դրվի նրա պաշտոնանկության հարցը

Հայաստանի ֆուտբոլի ֆեդերացիայում իրադարձություններ են զարգանում, որոնք կարող են կտրուկ փոփոխությունների պատճառ դառնալ: Նախագահ Արթուր Վանեցյանին մեղադրում են, որ առանց իրավասություն ունենալու ՀՀ հավաքականի գլխավոր մարզիչ է նշանակել: Այն բանից հետո, ինչ ՀՖՖ-ն երեկ՝ նոյեմբերի 6-ին, հայտարարեց ազգային հավաքականի գլխավոր մարզչի պաշտոնում Աբրահամ Խաշմանյանին նշանակելու մասին, ՀՖՖ Ներքին աուդիտի եւ համապատասխանության կոմիտեի նախագահ, ՀՀ վարչապետի խորհրդական Մեսրոպ Առաքելյանը հանդես եկավ հայտարարությամբ: Ֆեյսբուքյան իր էջում նա գրեց, որ, ՀՖՖ հայտարարության համաձայն՝ ՀՖՖ նախագահի կողմից նշանակվել է հավաքականի գլխավոր մարզիչ, սակայն դա անելու իրավասությունը բացառապես գործկոմինն է։ «Հայկական ժամանակ»-ի հետ զրույցում նա նշեց, որ գործկոմի նիստ էլ չի եղել:

«Գործկոմի նիստ տեղի չի ունեցել, որով պետք է նշանակվեր հավաքականի գլխավոր մարզիչը: Հայտարարության բովանդակությունից ակնհայտ է, որ նշանակվել է գլխավոր մարզիչ: Եվ նաեւ կա ֆեդերացիայի նախագահի խոսքը, որը մեջբերված է: Բառացի ասել է, որ նախապատվություն եմ տվել, այսինքն՝ նախագահի խոսքերն են, եւ ակնհայտ է, որ մարզչի նշանակումը տեղի է ունեցել ֆեդերացիայի նախագահի կողմից, եւ այն, որ գործադիր կոմիտեի նիստ դեռ տեղի չի ունեցել, փաստ է»,- ասաց նա:

Առաքելյանն իր գրառմամբ ու դրա մեկնաբանություններում նշել էր նաեւ, որ կա նոր կանոնադրություն, որով մարզիչ նշանակելու լիազորությունը նախագահինն է, սակայն այդ նոր կանոնադրությունը դեռ ուժի մեջ չէ եւ գործում է նախորդը: Նա ընդգծեց, որ հարցը միմիայն իրավական բնույթ ունի, ֆուտբոլային չէ, այսինքն՝ մարզիչ նշանակելու հարցում պետք է կողմնորոշվեն մասնագետները, նշանակի գործկոմը: Առաքելյանը կարծում է, որ գործկոմը հնարավորինս շուտ նիստ կհրավիրի ու կնշանակի մարզչին՝ իրավական կողմն ապահովելու համար: Ընդ որում, ըստ նրա՝ գործկոմում Խաշմանյանի անձի հետ կապված խնդիր չկա:

«Իմ տպավորությունը գոնե այն է, որ գործկոմի անդամները որեւիցե մտահոգություն Աբրահամ Խաշմանյանին գլխավոր մարզիչ նշանակելու մասով չունեն»,- ասաց նա:

ՀՖՖ նախագահ Արթուր Վանեցյանի մասին Առաքելյանի գրառումը տարածել են նաեւ գործկոմի անդամներ, օրինակ՝ ՀՀ առողջապահության նախարար Արսեն Թորոսյանը, ԱԺ պատգամավորներ Արեն Մկրտչյանը, Հակոբ Սիմիդյանը: Հարցին՝ արդյոք վերջիններս, բացի սոցցանցերում բարձրաձայնելուց, այլ գործողություններ Վանեցյանի վերաբերյալ ձեռնարկելո՞ւ են, թե՞ ոչ, Առաքելյանը պատասխանեց, որ տեղեկություն չունի: Մեկ այլ հարցի, թե ինչ իրավասություն ունի գործկոմը, նա պատասխանեց, որ, ըստ կանոնադրության, ֆեդերացիայի նախագահին ու գործկոմին նշանակում եւ պաշտոնից ազատում է ժողովը, որի անդամները հիմնականում ֆուտբոլային ակումբների ներկայացուցիչներն են՝ թվով 34, հետեւաբար իրավական տեսանկյունից նախագահի պաշտոնանկության իրավասությունը պատկանում է ժողովին, ոչ թե գործկոմին: Առաքելյանը նաեւ ավելացրեց, որ գործկոմն իրավունք ունի հրավիրելու արտահերթ ժողով՝ իր նախաձեռնած օրակարգով՝ որոշումները նույնպես վերապահելով ժողովին:

Հարցին՝ արդյոք հավանականություն տեսնում է, որ Վանեցյանի այս քայլից հետո կարող է արտահերթ ժողով լինել, նա պատասխանեց՝ ֆուտբոլային խնդիրներից խոսելով: Նշեց, որ վերջին շրջանում կրկին իրավապահների ուշադրության կենտրոնում են հայտնվել հայկական ֆուտբոլում պայմանավորված խաղերի դեպքեր: Ընդգծեց, որ խնդիրը միշտ էլ եղել է, եւ նոր ղեկավարությունը եթե անգամ պայքարել է դրա դեմ, ապա դա առնվազն արդյունք չի տվել: Բացի այդ՝ նրա խոսքով՝ նախկինում եղել են ֆինանսական չարաշահումներ, որոնք բացահայտվում են նոր, թեեւ, ըստ նրա, դա պետք է արվեր նախորդ 1 տարվա ընթացքում: Առաքելյանը մտահոգված է նաեւ նրանով, որ մարզադաշտերում վերջին շրջանում մեծ տարածում է գտել ոչ ֆուտբոլային պահվածքը՝ ինչպես ակումբների ղեկավարների, այնպես էլ ֆուտբոլիստների: Նշեց, որ մտահոգիչ է ոչ միայն այդ պահվածքը, այլեւ այդ պահվածքի վերաբերյալ բարձր մակարդակով արձագանքի բացակայությունը:

Հարցին՝ հնարավո՞ր է, որ այս պայմաններում դրվի Վանեցյանի հետագա պաշտոնավարման հարցը, նա պատասխանեց. «Չեմ բացառում: Այս պահին չունեմ նման տեղեկություն: Արտահերթ նիստ հրավիրելու իրավասությունը պատկանում է կա՛մ գործադիր կոմիտեին, կա՛մ ժողովի անդամներին՝ համապատասխան քվորման առկայության պարագայում: Ամեն դեպքում, ես գործադիր կոմիտեի անդամների մոտ իմ նշած մտահոգությունները տեսնում եմ եւ վստահ եմ, որ նրանք այդ մտահոգությունները կբարձրացնեն լուծման մակարդակի»,- ասաց նա:

Մեղադրանքների վերաբերյալ փորձեցինք մեկնաբանություն ստանալ Վանեցյանից։ Նա, սակայն, զանգերին չպատասխանեց։ ՀՖՖ ղեկավարությունը փոխվել է մոտ 1 տարի առաջ: 2018 թ. սեպտեմբերի 22-ի ժողովի ժամանակ նախագահ ընտրվեց Արթուր Վանեցյանը: Նույն ժողովում որոշվեց նաեւ գործկոմի կազմը:

Տպել
1387 դիտում

Լավ կլիներ այդ ժամանակ ոչնչացած լինեի, 3 անգամ տարածվել էր մահվանս լուրը. զինհաշմանդամը ՊՆ-ից ուշադրություն է պահանջում

Ամերիկացի զինվորականները զբաղեցրել են դիրքեր՝ Սիրիայի նավթահորերի մոտ

Երկրաշարժ Շիրակի մարզի Աշոցք գյուղից դեպի 6 կմ հարավ-արևելք. ցնցման ուժգնությունը կազմել է 2-3 բալ. ԱԻՆ

Վանաձորի քաղաքային գերեզմանատան մոտակայքում խոտածածկույթ է այրվել. ԱԻՆ

Բնակիչը փորձում է ինքնասպան լինել՝ նետվելով պատուհանից. ԱԻՆ

Մել Դալուզյանն իմ անձնական պաշտպանության ներքո է․ թույլ չեմ տա ՀՀ դրոշը բարձրացրած մարդուն գցեն ոտքերի տակ․ վարչապետ

Իմ ու ՌԴ նախագահի խոսակցությունները աննախադեպ դինամիկա ունեին. Նիկոլ Փաշինյան

Արման Բաբաջանյանն անդրադարձել է Վազգեն Մանուկյանի հրաժարականին. Բաբաջանյանը հանդես էր եկել նրա հրաժարականի պահանջով

Արա Զոհրաբյանը դիմել է ԱԱԾ տնօրենի պաշտոնակատարին՝ ձերբակալված փաստաբաններին հանդիպելու համար

HBO-ն ցանկանում է նկարահանել «Ընկերները» սերիալի շարունակությունը

Որեւէ մեկին չի ճնշելու եւ համարում է ժամապայքար. ԵՊՀ ռեկտորի պաշտոնակատարը՝ դասադուլի եւ գործադուլի մասին

«Նևրոզների կլինիկա» ՓԲԸ-ն չի սպասարկի պետպատվերի շրջանակում, քանի որ հայտնի չէ ծառայության արդյունավետությունը. Թորոսյան

Սեւանում լողալը լավ բան է, բայց ոչ փետրվար ամսին․ վարչապետը՝ հայ-թուրքական հարաբերությունների հնարավոր կարգավորման մասին

Ստորագրվել է փոխըմբռնման հուշագիր ՏԿԵ նախարարության և «Հայկական Կարիտաս»-ի միջև

ՀՀ մինչեւ 19 տարեկան ֆուտբոլիստները պարտվեցին Թուրքիային. 4:1

Էրիկ Վարդանյանի տեղափոխության համար «Փյունիկ»-ը 150 հազար եվրո ավելի է ստացել, քան ֆուտբոլիստի արժեքն է

«Դիլիջան ազգային պարկ» ՊՈԱԿ-ի տարածքում հրդեհ է բռնկվել. ԱԻՆ

ԲՀԿ-ական Վարդան Ղուկասյանը սպառնացել է «Իմ քայլ»-ի պատգամավորին. վարչապետը խոստանում է փռել ասֆալտին

Նախարար Արայիկ Հարությունյանը մասնակցել է ՅՈՒՆԵՍԿO-ի Գլխավոր կոնֆերանսի 40-րդ նստաշրջանին

Մենք ուզում ենք հասկանալ՝ Մադրիդյան սկզբունքները մեզ ի՞նչ հնարավոր տեղեր կարող են հասցնել. վարչապետ