Շատ բավարարված եմ նրանով, որ մեզ հաջողվեց համաձայնության գալ ՀԱՊԿ գլխավոր քարտուղարի նշանակման շուրջ. Նիկոլ Փաշինյան

ՀՀ վարչապետ Նիկոլ Փաշինյանը քիչ առաջ հանդիպեց Հավաքական անվտանգության պայմանագրի կազմակերպության անդամ պետությունների խորհրդարանների ղեկավարների հետ։

Ողջունելով նիստի մասնակիցներին՝ Փաշինյանը հատկապես ընդգծեց Սերբիայի պառլամենտի ներկայացուցչի ներկայությունը:

«Ես շատ ուրախ եմ, որ մենք վերջերս հաճախ ենք տարբեր ձեւաչափերով հանդիպում մեր սերբ կոլեգաների հետ՝ ԵԱՏՄ-ի եւ ՀԱՊԿ-ի նիստերի շրջանակներում»,- ասաց վարչապետը:

Նիկոլ Փաշինյանն այնուհետեւ խոսեց ՀԱՊԿ դերի ու նշանակության մասին. «Իհարկե, ՀԱՊԿ-ն մեզ համար կազմակերպություն է, որն ունի ստրատեգիական նշանակություն: Մենք կարծում ենք, որ ՀԱՊԿ-ն մեր տարածաշրջանում կայունության եւ անվտանգության գլխավոր գործոնն է: Մենք մեծ նշանակություն ենք տալիս 3 ուղղություններով մեր համագործակցությանը ՀԱՊԿ-ում: Առաջին հերթին դա արտաքին քաղաքականությունն է, ռազմական համագործակցությունը, ռազմատեխնիկական համագործակցությունը եւ, իհարկե, անվտանգության ոլորտում մեր ընդհանուր մոտեցումն ընդհանուր սպառնալիքներին: Ցավոք, սպառնալիքները նույնպես աճում են եւ փոփոխվում, եւ մենք պետք է լինենք ադեկվատ այդ ամենին: Մեր կառույցը պետք է համապատասխանի այն իրողություններին, որոնք գոյություն ունեն տարածաշրջանում, աշխարհում, եւ ես շատ ուրախ եմ, որ մենք բավականին կառուցողական համագործակցում ենք Հավաքական անվտանգության կազմակերպության հետագա զարգացման ուղղությամբ»,- ընդգծեց Փաշինյանը:

Խոսելով մասնավորապես ՀԱՊԿ խորհրդարանական վեհաժողովի մասին՝ ՀՀ վարչապետը նշեց, որ այդ մակարդակով համագործակցությունը շատ կարեւոր է ՀԱՊԿ անդամ պետությունների օրենսդրությունների ներդաշնակեցման առումով, որովհետեւ դրանով բարձրանում է համագործակցության եւ անվտանգության մակարդակը:

«Ես ուզում եմ ընդգծել, որ շատ բավարարված եմ նրանով, որ մեզ հաջողվեց գալ համաձայնության Հավաքական անվտանգության գլխավոր քարտուղարի նշանակման շուրջ ծավալվող բանակցություններում եւ նրանում, որ մենք պետք է որոշակի փոփոխություններ կատարենք իրավական, կազմակերպչական փաստաթղթերում, որպեսզի նման բոլոր իրավիճակները լինեն կոնկրետ նախատեսված, ինչպես կոնկրետ իրավիճակում պետք է որոշվեն: Սա կբարձրացնի մեր կազմակերպության էֆեկտիվությունը: Ես կարծում եմ, որ սա, իսկապես, լավ առիթ է, որպեսզի քննարկենք մեր ընդհանուր օրակարգերը»,- ասաց Փաշինյանը:

Շարունակելով իր խոսքը՝ ՀՀ վարչապետը հավելեց, որ իր կարծիքով ՀԱՊԿ գլխավոր էությունը բոլոր ոլորտներում համագործակցությունն է, եւ այն, որ հաշվի նստեն ՀԱՊԿ անդամ պետությունների բոլոր հետաքրքրությունների հետ ու հարաբերությունները առաջնային համարեն: Փաշինյանն ընդգծեց, որ Հայաստանն այդպես է ընդունում իրավիճակը եւ հենց այդպես էլ կառուցում իր հարաբերությունները:

ՀԱՊԿ գլխավոր քարտուղարի պաշտոնը 2020 թվականի հունվարի 1-ից կզբաղեցնի Բելառուսի Անվտանգության խորհրդի պետքարտուղար Ստանիսլավ Զասը: Նա այդ պաշտոնում կփոխարինի գեներալ-լեյտենանտ Յուրի Խաչատուրովին: Վերջինս պաշտոնից ազատվել էր 2008 թվականի նոյեմբերին:

Տպել
1027 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մանեն Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել