Ֆուտբոլային հայտնի գործակալ Դմիտրի Սելյուկը գովեստի խոսքեր չի խնայել ՀՀ հավաքականի կիսապաշտպան Էրիկ Վարդանյանի համար: Կիսապաշտպանը շարունակում է հայկական ֆուտբոլի գլխավոր թեմաներից մեկը մնալ անցած շաբաթվանից սկսված: Հանգստյան օրերին ռուսական լրատվամիջոցներից հայտնի դարձավ, որ 21-ամյա խաղացողը «Փյունիկ»-ից տեղափոխվել է ռուսական «Սոչի»: Նշվում է, որ նա 3 տարվա պայմանագիր է կնքել, որն ուժի մեջ կմտնի 2020թ. հունվարի  1-ից եւ որ գործարքում նրա շանսերը ներկայացրել է Սելյուկը: Վերջինս ռուսական ԶԼՄ-ներին պատմել է տրանսֆերի մասին՝ հիշեցնելով, որ Վարդանյանը «Բարսելոնա»-ի սան է եղել:

«Վարդանյանն այսօր Հայաստանի ամենատաղանդավոր երիտասարդ ֆուտբոլիստն է: Ես 2 հայ ֆուտբոլիստների հետ աշխատելու փորձ արդեն ունեցել եմ՝ Հենրիխ Մխիթարյանի ու Արաս Օզբիլիսի: Հիմա զբաղվում եմ Էրիկի գործերով, որը ՀՀ հավաքականի խաղացող է, հանդես է գալիս հարձակվողական ոճի կիսապաշտպանի դիրքում: «Սոչի»-ի այն երկրպագուներին, որոնք չգիտեն, ասեմ, որ նա 11-16 տարեկանում խաղացել է «Բարսելոնա»-ի ակադեմիայում՝ ոչ թե մոսկովյան «ֆեյք» ակադեմիայում, այլ հենց ակումբում: Ֆուտբոլիստը, որը 5 տարի սովորել է «Բարսելոնա»-ում, ամենաքիչը լավ ֆուտբոլ խաղալ գիտի:

Գուցե որոշ «բազմոցային» փորձագետներ իրենց դժգոհությունը հայտնեն, բայց հավատացեք՝ Էրիկը 100%-ով շատ ավելի լավ ու որակյալ տեսք կունենա, քան ռուսական անձնագրով շատ ֆուտբոլիստներ եւ մեծ գումարներով ձեռք բերված լեգեոներներ: Նայեք եւ նախանձեք «Սոչի»-ին»,- ասել է նա:

Վարդանյանը խաղացել է «Բարսելոնա»-ի ակադեմիայում

Սելյուկը նաեւ նշել է, որ Վարդանյանն ունեցել է մի շարք այլ առաջարկներ: Հիշեցրել է «Լոկոմոտիվ»-ի ու «Ուրալի», ինչպես նաեւ Չեխիայից եղած հետաքրքրության մասին: Ընդգծել է, որ «Սոչի»-ն առանձնացել է. ամենալավ առաջարկն է արել, պարզ ու հստակ է ներկայացրել իր ցանկությունները: Նաեւ ասել է, որ «Սոչի»-ն Վարդանյանին ձեռք է բերել շատ ավելի քիչ գումարով, քան «Լոկոմոտիվ»-ն առաջարկում էր:

Չեխական «Յաբլոնեց»-ի հետաքրքրվածության վերաբերյալ խոսակցություններից հետո Վարդանյանը շատ մոտ էր «Լոկոմոտիվ» տեղափոխվելուն: Ֆուտբոլիստն ու ակումբը համաձայնության չէին եկել անձնական պայմանագրի հարցում, սակայն «Լոկոմոտիվ»-ի նախագահ Վասիլի Կիկնաձեն ասել էր, որ տրանսֆերը հետաձգվել է մինչեւ ձմեռ: Ավելի վաղ տեղեկություններ կային նաեւ, որ նրան իր շարքերում է ցանկանում տեսնել «Ռոստով»-ը:

«Լոկոմոտիվ»-ն այս պահին Ռուսաստանի Պրեմիեր լիգայի մրցաշարային աղյուսակում 30 միավորով 3-րդն է: Նույնքան միավոր ունեցող ունեցող «Ռոստով»-ին զիջում է լրացուցիչ ցուցանիշներով, իսկ առաջատարը 33 միավորով «Զենիթ»-ն է: «Սոչի»-ն, որի կազմում հանդես է գալիս նաեւ ՀՀ հավաքականի հարձակվող Ալեքսանդր Կարապետյանը եւ որտեղ աշխատում է նաեւ ՀՀ հավաքականի դարպասապահների մարզիչ Ռոման Բերեզովսկին, եզրափակում է մրցաշարային աղյուսակը: 15 խաղում վաստակել է 13 միավոր:

Վարդանյանը 69 հանդիպում է անցկացրել «Փյունիկ»-ի կազմում: Դարձել է 13 գոլի ու գոլային 10 փոխանցման հեղինակ: ՀՀ ազգային հավաքականում մասնակցել է 3 խաղի, խփել է 1 գոլ:

Վերջին շաբաթվա ընթացքում Վարդանյանը հայկական ֆուտբոլի քննարկումների գլխավոր թեմաներից էր: ՀՀ Բարձրագույն խմբի 2019-20 մրցաշրջանի 12-րդ տուրի «Արարատ»-ի դեմ խաղում ոչ մարզական պահվածքի համար կարմիր քարտ ստացավ, հետո էլ որակազրկվեց 6 ամսով: Հանգստյան օրերին ներողություն խնդրեց պահվածքի համար:

Տպել
815 դիտում

Աշխարհի հզորագույն երկրի Սենատը պետք է ճանաչի Հայոց ցեղասպանությունը. Մենենդես

Դիարբեքիրի կիսավեր հայկական եկեղեցին ոչնչանալու վտանգի տակ է (լուսանկարներ)

Գեղամա լեռներում կորած արշավականին գտել են

Լանջիկ գյուղում այրվել է մոտ 200 հա անասնակեր

13 տարի առաջ. միայն մեկը` բարեփոխումներից

Ինչպես կինոյում. փողն ի՞նչ է, որ չունենամ

Ոստիկանների կողմից բռնություն գործադրելու տեսանյութի հիման վրա Ոստիկանությունում ստուգումներ են սկսվել

Աճող ձնագնդի էֆեկտը. ՍԴ-ի որոշման հետեւանքներից մեկը

Կորած ակտիվիստի որոնումներին մասնակցել են 10 փրկարար-ծառայող և 15 քաղաքացի. շարունակում են փնտրել

Մոսկվայում հայտնաբերվել և ձերբակալվել է «Ալրաղացի Լյովիկ» մականվամբ հայտնի Լևոն Սարգսյանը

Գեղամա լեռներում կորած ակտիվիստ Գեղամ Օհանյանի որոնողական աշխատանքներին ուղղաթիռ է միացել

Գորիս-Կապան ավտոճանապարհին և Դիլիջանի ոլորաններում առկա է մառախուղ. ճանապարհները բաց են եւ անցանելի

Այս պահին հիմնական կենտրոնացումը Խոսրովի Արգելոցն է. պատգամավորը՝ անհետացած արշավականի մասին

Ամսվա վերջին Ադրբեջանի նախագահը կայցելի Թուրքիա

Ոստիկանության տարածքային բաժիններում ապօրինի զենք-զինամթերք է կամավոր հանձնվել (տեսանյութ)

Գեղամա լեռներում կորել է ակտիվիստ, «Խարույկ» արշավական ակումբի ղեկավար Գեղամ Օհանյանը

Վթար Դավիթ Բեկի փողոցում. վարորդը տեղում մահացել է

Արայիկ Հարությունյանը ելույթ է ունեցել Շանհայի համագործակցության կազմակերպության նախարարական 5-րդ խորհրդակցությանը

Իտալիայի Սենատի նախագահը նշել է, որ հետաքրքրությամբ հետևում է Հայաստանի բարեփոխումների գործընթացին (լուսանկարներ)

Վանաձորի քաղաքապետարանի «լավ» աշխատանքի շնորհիվ վարորդները շարունակում են ջարդել մեքենաներն ու վտանգել իրենց կյանքը