Ստուգումներ ԱԻՆ-ում՝ բարեկամներին-ծանոթներին աշխատանքի ընդունելու, մրցույթները սխալ անցկացնելու համար

04/11/2019 schedule13:18

ԱԻՆ-ից աշխատակիցներ են հեռացվել՝ աշխատանքի մեջ թերանալու, արդյունավետ չաշխատելու համար:

Այս մասին այսօր ԱԺ-ում՝ լրագրողների հետ զրույցում, նշեց ԱԻ նախարար Ֆելիքս Ցոլակյանը: «Ղեկավարը թերացել է, ամառվա հրդեհների ժամանակ անտարբեր է եղել, տեղում չի եղել, Հայաստանում չի եղել, դրսում է եղել: Մանրամասներ չեմ կարող ասել՝ ինչ պատճառով, ինչի համար, ինչ խոսակցություն է եղել մեր մեջ»,- ասաց նա: ԱԻՆ-ում ստուգումների մասին հարցին ի պատասխան՝ նա ասաց. «Որևէ ֆինանսական խախտում չի կարող լինել: Բացառում եմ դա: Խնդիրը բարեկամներին-ծանոթներին աշխատանքի ընդունելու, մրցույթները սխալ անցկացնելու մասին է: Ստուգումները կավարտվեն մի քանի օրից»:

Անդրադառնալով իրեն ԱԱԾ տնօրեն նշանակելու մասին լուրերին՝ Ֆելիքս Ցոլակյանն ասաց, որ դրանք մատերին նայելով ասած լուրեր են: Ինչ վերաբերում է Արթուր Վանեցյանի համար երաշխավորելու մասին հարցին՝ նա ասաց. «Ես չեմ երաշխավորել՝ ԱԱԾ տնօրենի պաշտոնի համար, ես երաշխավորել եմ, նա ընդունվել է համակարգ»: Ցոլակյանն անդրադարձավ նաև կանչի գնացող հրշեջների վրա ատրճանակ պահելու դեպքին: «Հրշեջ-փրկարարները չորս հոգով եկել են կանչի: Դիմացից գնացող մեքենա է եղել, միացրել են ազդանշանները, էլի ճանապարհ չի տվել, վերջում էլ զենք է պահել նրանց վրա: Ես չգիտեի՝ դա դատավոր էր, թե ով էր: Երբ տվեցին մեքենայի համարները, փոխանցեցին ոստիկանություն, հիմա զբաղվում է ոստիկանությունը»,- ասաց նա: Ցոլակյանն նշեց նաև, որ նախորդ տարիների համեմատությամբ՝ այս տարի հրդեհների քանակն աննախադեպ՝ 3000-ով ավելին է եղել: «Անձրևները, որ եկան, էլ հրդեհ չունենք»,- ասաց նա՝ հավելելով, որ տեխնիկական վերազինման խնդիրն արդիական է: «Վերջերս վարչապետն էլ խոսեց հենց այդ մասին, որ պետք է պատրաստվենք եկող տարվա հրդեհներին: Տեխնիկական վերազինման խնդիրներ ունենք: Այս տարի 260 մլն-ի ձեռքի գործիքներ առանք՝ անտառային հրդեհների, խոտածածկ տարածքների»,- ասաց նա: Այժմ ԱԻՆ-ը սպասում է 22 ճապոնական ու 26 ռուսական մեքենաների մատակարարմանը: «Եթե դրանք չուշանան, բավական լավ վիճակում կլինենք»,- ասաց նա:

ԱԻ նախարարը հավաստեց, որ կլինի նաև ուղղաթիռ. «Որպեսզի միջոցները տնօրինվեն արդյունավետ, ուղղաթիռների հարցը նախատեսվում է լուծել ՊՆ-ի հետ համատեղ: ԱԻՆ-ի առանձին՝ նման տրանսպորտային միջոցներ ունենալը ձեռնտու չէ»: Հայաստանում ապաստարանների խնդիրը, ըստ նախարարի, ևս ուշադրության կենտրոնում է: «Հաշվառումն արդեն կա՝ ինչ կա, բայց պետք է հասկանալ, թե ինչն ինչպես է հնարավոր օգտագործել, քանի որ տարածքների հիմնական մասն ունի սեփականատերեր, դռները փակ են, տարածքները՝ անմխիթար»,- նշեց նա: Մեր երկրում մեծ խնդիր է մնում գործազրկությունը, և, ըստ նրա, ԱԻՆ դիմողների մեծ մասը աշխատանք է խնդրում: «Մենք պետք է աշխատանքի ընդունենք մեր ակադեմիայի շրջանավարտներից: Բավական շատ մարդ էլ ակադեմիայից հրաժարվել է գալ շարքայինի կարգավիճակով, քանի որ այդ պահին չկար սպայի աշխատանք: Հրշեջի աշխատանքը վտանգավոր է, վերջերս էլ կորցրինք շատ լավ երիտասարդ, և սա ամեն օր կարող է կատարվել ամեն մեկի հետ»,- ասաց նա: Ճեպազրույցի ավարտին Ցոլակյանն ուղիղ եթերում տեղեկատվություն ստացավ Արգավանդի կահույքի սրահներից մեկում հրդեհի ահազանգի մասին, որին արձագանքելով՝ դեպքի վայր էր մեկնել վեց մեքենա:

Տպել
523 դիտում

Գեղամա լեռներում կորել է ակտիվիստ, «Խարույկ» արշավական ակումբի ղեկավար Գեղամ Օհանյանը

Վթար Դավիթ Բեկի փողոցում. վարորդը տեղում մահացել է

Արայիկ Հարությունյանը ելույթ է ունեցել Շանհայի համագործակցության կազմակերպության նախարարական 5-րդ խորհրդակցությանը

Իտալիայի Սենատի նախագահը նշել է, որ հետաքրքրությամբ հետևում է Հայաստանի բարեփոխումների գործընթացին (լուսանկարներ)

Վանաձորի քաղաքապետարանի «լավ» աշխատանքի շնորհիվ վարորդները շարունակում են ջարդել մեքենաներն ու վտանգել իրենց կյանքը

ՍԱՏՄ-ն անցկացրել է հակամանրէային կայունության վտանգների իրազեկման շաբաթ

Կայացել է «Կայուն oրգանական աղտոտիչների մասին» Ստոկհոլմի կոնվենցիայի իրականացման միջգերատեսչական հանձնաժողովի նիստը

ՀՀ հավաքականի բոլոր խաղացողները վրդովված են մեր գլխավոր մարզչի խոսքերից. Հարոյանը քննադատել է Խաշմանյանին

ՀՀ ԱԺ նախագահ Արարատ Միրզոյանը հանդիպել է ՌԴ Դաշնային խորհրդի նախագահ Վալենտինա Մատվիենկոյին

Թուրքիան Ռուսաստանին հայտնել է, որ Սիրիայում նոր գործողություն չի ծրագրում. ՌԴ ԱԳՆ

ԱԺ պատգամավոր Երջանիկ Հակոբյանի օգնական Շահեն Հարությունյանն ազատվել է աշխատանքից

Լեհաստանը եւ Լատվիան կողմ են ԵՄ-ի կողմից Ռուսաստանի դեմ պատժամիջոցների շարունակմանը

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

Հանդիպում եմ Իտալիայի Սենատի նախագահ Մարիա Էլիզաբետա Կազելատիի հետ. վարչապետ (տեսանյութ)

ՀՖՖ-ն չի կիսում կարծիքը, որ Մխիթարյանին պետք է զրկել ՀՀ ֆուտբոլի հավաքականի ավագի թեւկապից. ասել է Վանեցյանը

Հալեպի բնակելի թաղամասերի գնդակոծման հետեւանքով 30 վիրավոր կա եւ 5 զոհ, այդ թվում՝ երեխա

Սուրեն Պապիկյանի գլխավորությամբ կայացել է ԵԱՏՄ տրանսպորտի ոլորտի լիազոր մարմինների ղեկավարների խորհրդի նիստը

Ես ընդամենը իմ պետի կարգադրությունն եմ կատարել. Սուրիկ Խաչատրյանի գործով վկա

Նիկոլ Փաշինյանը ժամանեց Հռոմ

Գեղամ Գեւորգյանը հրաժարվեց ներկայացնել իր դիրքորոշումը, նա այդ մասին ուսանողների հետ կխոսի