Գագիկ Ծառուկյանն իրենով է արել ԲՀԿ-ական մեկ այլ պատգամավորի «գոլդ» համարը (տեսանյութ)

ԱԺ ԲՀԿ խմբակցության պատգամավոր Գագիկ Ծառուկյանն իրենով է արել 111 HH 11 պետհամարանիշը, որն, ըստ ընդունված կարգի, պետք է պատկաներ նույն խմբակցության պատգամավոր Ջանիբեկ Հայրապետյանին:

Դեռեւս 2010 թվականին վարչապետի նորմատիվ որոշմամբ, ապա նաեւ դրա հիման վրա ոստիկանապետի 7-Ն հրամանով սահմանվել են բոլոր պետական կառույցներին հատկացվող ծառայողական մեքենաների պետահամարանիշները: Հրամանի համաձայն՝ 001 HH 11 – 200 HH 11 համարանիշերը պատկանում են Հայաստանի Հանրապետության Ազգային ժողովի պատգամավորներին:

ՀՀ Ազգային ժողովի պատգամավորներին տրանսպորտային միջոցի հաշվառման համարանիշերը տրամադրում է ոստիկանությունը՝ ըստ Ազգային ժողովի կողմից ներկայացված պատգամավորների հերթական համարների, եւ այդ համարները կրող մանդատների հիման վրա:

ԱԺ ԲՀԿ խմբակցության պատգամավոր Գագիկ Ծառուկյանն, ըստ իրեն տրամադրված մանդատի, ունի 089 հերթական համարը: Այսինքն՝ նրա ստացած պետհամարանիշի համարը պետք է լիներ 089 HH 11: Սակայն վերջերս «Ազատություն» ռադիոկայանի հրապարակած տեսանյութում երեւում էր, որ Ծառուկյանի մեքենայի վրա 111 HH 11 պետհամարանիշն է:

Շուրջ մեկ շաբաթ է՝ ՀՀ ոստիկանությունից ու Ազգային ժողովից հնարավոր չէր լինում պարզել՝ ինչպե՞ս է ստացվել, որ 111 HH 11 պետհամարանիշը հայտնվել է ԱԺ պատգամավոր Գագիկ Ծառուկյանի մեքենայի վրա, Ջանիբեկ Հայրապետյա՞նն է իրեն պատկանող համարը նրան փոխանցել, թե՞ այլ ընթացակարգ է գործել: Մեր հարցումներին ի պատասխան Աժ-ից ուղղորդում էին այս հարցով դիմել ոստիկանություն՝ ընդգծելով, որ իրենք բացի հերթական համարը ոստիկանություն ուղարկելուց այլ լիազորություն չունեն, իսկ ոստիկանությունից ասում էին, որ առանց Ազգայի ժողովի դիմումի իրենք պատգամավորին չեն կարող պետական համար տալ:

Տարբեր գերատեսչություններ ուղարկված հարցումներից հետո երեկ ի վերջո պարզեցինք, որ 089 համարանիշը ԱԺ աշխատակազմի դիմումով փոխարինվել է 111-ով եւ այժմ փաստաթղթերով 111 HH 11 համարանիշը պատկանում է Գագիկ Ծառուկյանին:

«111 HH 11 պետհամարանիշը պատկանում է Գագիկ Ծառուկյանին: Ոստիկանությունում դիմում կա Ազգային ժողովից, որով ասել են, որ էսինչ համարը փոխանակեք այս համարով»,- ՀԺ-ի հետ զրույցում ասաց Ճանապարհային ոստիկանության պետի տեղակալ Արթուր Տոնոյանը:

Ո՛չ Ջանիբեկ Հայրապետյանից, ո՛չ էլ Ծառուկյանի մամուլի խոսնակ Իվետա Տոնոյանից համարանիշի փոփոխման վերաբերյալ մեկնաբանություն ստանալ չհաջողվեց: Մնում է միայն ենթադրել, թե ինչու է Ծառուկյանը ցանկացել իրեն վերցնել Հայրապետյանին պատկանելիք համարը:

Հ.Գ. Արթուր Տոնոյանից հետաքրքրվեցինք նաեւ, թե արդյոք պատգամավորն իրավունք ունի՞ իրեն պատկանող պետհամարանիշը տրամադրել մեկ ուրիշին: ՃՈ պետի տեղակալն ի պատասխան մեր հարցի՝ պարզաբանեց, որ դա ոչ միայն արգելվում է, այլեւ նախատեսվում է վարչական պատասխանատվություն՝ պետհամարանիշի փոխանցման դեպքում:

«Համարանիշի փոխանցումը ուրիշ որեւէ տրանսպորտային միջոց վարողին արգելվում է: Այսինքն՝ եթե կոնկրետ ինձ հատկացված է համարանիշ, ապա ես այն մեկ այլ անձի փոխանցելու իրավասություն չունեմ, քանի որ նշված համարանիշը տրամադրվում է կոնկրետ մարդու՝ նրան պատկանող կոնկրետ տրանսպորտային միջոցին ամրակցելու եւ շահագործելու համար: Համարանիշը տրանսպորտային միջոցի հաշվառման տվյալների վերաբերյալ կոմպոնենտներից մեկն է»,- ասաց նա:

Տպել
21481 դիտում

Տավուշի ոստիկանները 4 տարի առաջ կատարված ոսկե շղթայի գողություն են բացահայտել (տեսանյութ)

Արմեն Սարգսյանը Կատարի ղեկավարին հրավիրել է պաշտոնական այց կատարել Հայաստան

ՀՀ տարածքում ճանապարհներն անցանելի են. Ստեփանծմինդա-Լարս ավտոճանապարհը բաց է բոլոր տեսակի մեքենաների համար

Նոյեմբերի 28-ը կնշվի՝ որպես Հատուկ քննչական ծառայողի օր

Կենդանաբանական այգու տնօրենի ազատման դիմումը ստորագրվել է. Իրանից հրավիրված փոխտնօրենը ՀՀ քաղաքացիություն կստանա

Հեղափոխակա՞ն է 2020 թվականի բյուջեն, թե՞ ոչ. պատգամավորի կարծիքով՝ քաղաքացին իր կաշվի վրա կզգա դա

Բակո Սահակյանը ստորագրել է հրամանագիր 2020 թվականի ձմեռային զորակոչ եւ զորացրում կատարելու մասին

ՀՀ վարչապետը Միլանում հանդիպել է Լոմբարդիայի շրջանի փոխնահանգապետի հետ (տեսանյութ)

Ադրբեջանից բռնագաղթած, ժամանակավոր կացարանում փաստացի բնակվող 112 ընտանիքի համար ձեռք կբերվեն բնակարաններ

Ցմահ ազատազրկվածը կարող է ներման խնդրագիր գրել 15 տարի պատիժը կրելուց հետո

Մեկ շաբաթում Հայաստանում և Արցախում 2-3 բալ և ավելի ուժգնությամբ գրանցվել է 2 երկրաշարժ

Յոթ մարդու մահվան պատճառ դարձած Զոդ-ի կամրջի վթարի քրեական գործի նախաքննությունն ավարտվել է

Վարչապետի աշխատակազմին պատկանող 3 ավտոմեքենա փոխանցվեց Պետական պահպանության ծառայությանը

Կառավարությունն արտոնություն տրամադրեց «ՆՅՈՒՊԼԱՍՏ» եւ «ԹՐԵՅԴ ԷՔՍՊՈՐՏ» ընկերություններին. 65 նոր աշխատատեղ կստեղծվի

«Գոլդեն Փելիս» հյուրանոցային համալիրը դասական աճուրդով կօտարվի. մեկնարկային գինը 7 մլրդ 526 մլն դրամ

Պարզվել են Սևան-Մարտունի ավտոճանապարհին տեղի ունեցած զինված միջադեպի մի շարք հանգամանքներ. մեկ անձ կալանավորվել է

Կառավարությունը հավանություն տվեց ոստիկանության կողմից իրականացվող հարցաքննությունները տեսաձայնագրելու նախագծին

Կապիտալ վերանորոգվել են 34 հրշեջ-փրկարարական ջոկատներ. տնտեսվել է 300 միլիոն դրամ (տեսանյութ)

ՀՀ քաղաքացիները 30 օրվա ընթացքում ազատ են Ղազախստանի տարածքում հաշվառվելու պարտավորությունից

Փորձի փոխանակման ծրագրի շրջանակներում ՀԿԵ մեքենավարները կաշխատեն Կույբիշևի երկաթուղում