Մարզիչը գոհ չէ ձյուդոյի Եվրոպայի չեմպիոն Կարապետյանի տրամադրվածությունից, բայց նա կարող է օլիմպիական ուղեգիր նվաճել

Եվրոպայի չեմպիոն Ֆերդինանդ Կարապետյանի (73 կգ) տրամադրվածությունն այնքան էլ չի գոհացնում նրա անձնական մարզչին: Թաթուլ Հովհաննիսյանը խոստովանում է, որ նախկինում ձյուդոիստն ավելի մեծ խանդավառությամբ էր մարզվում: «Հայկական ժամանակ»-ի հետ զրույցում մասնագետը նշեց, որ 2018 թ. Եվրոպայի չեմպիոն դառնալուց հետո Կարապետյանը փոխվել է:

«Գոհ չեմ, որովհետեւ Եվրոպայից առաջ (խմբ. չեմպիոն դառնալուց առաջ) առաջին համար մարզիկները, որոնց հետ պլանավորում էինք՝ քանի գոտեմարտ պետք է անի ուսումնամարզական հավաքների ժամանակ, այդ գոտեմարտերն այդ ուժեղ մարզիկների հետ նա շատ ակտիվ, շատ լավ անում էր, իսկ Եվրոպայի չեմպիոն դառնալուց հետո այդ ուժեղ մարզիկների հետ պարապմունք անելուց խուսափում էր, գնում էր՝ ավելի շատ թույլերի հետ մարզվելու»,- ասաց նա:

2018 թ. Եվրոպայի չեմպիոնի տիտղոսը նվաճելուց հետո ձյուդոիստի մոտ մարզական ցուցանիշների առումով էլ անկում կա: Նա անհաջող հանդես եկավ այս 2019 թ. ինչպես Եվրոպայի, այնպես էլ աշխարհի առաջնություններում: Հովհաննիսյանը խոստովանում է, որ Հայաստանի առաջատար ձյուդոիստի մոտ աստղային հիվանդություն է նկատվում:

«Աստղային հիվանդությունով են վարակվում շատ մարզիկներ, մարզիկ կա շատ շուտ է հաղթահարում, մարզիկ կա՝ երկար է մնում դրա մեջ: Իմ անձնական կարծիքն է, որ նա բարձրացել է վերեւ, դեռ չի իջել, աստղային հիվանդությունով դեռ տառապում է»,- ասաց նա:

Կարապետյանի հետ են հիմնականում կապված այս մարզաձեւից ուղեգիր ունենալու հույսերը: Անկախ նրանից, որ հավաքականի առաջատարի արդյունքները վերջին շրջանում այնքան էլ գոհացուցիչ չեն, Հովհաննիսյանի խոսքով՝ նա չի կորցրել Տոկիո 2020-ի ուղեգիր նվաճելու հնարավորությունը եւ հեռու չէ դրանից: Մարզիչը նշում է, որ հաջող ելույթների դեպքում նա կհասցնի մինչեւ 2020 թ. մայիսի վերջ հավաքել այնքան միավոր, որքան անհրաժեշտ է օլիմպիական խաղերին մասնակցելու իրավունք ստանալու համար:

«Մասնակցում ենք մրցումներին, ուսումնամարզական հավաքներին: Առայժմ ինձ չեն գոհացնում նրա արդյունքները: Այդպիսի ուսումնամարզական հավաքներ, մրցումներ չկան, որ մենք չանցկացնենք: Նրա գոտեմարտերից զգում եմ, որ այնպես չի պատրաստվում, ինչպես մեզ պետք է: Հաջորդ տարին նույն կերպ հագեցած է լինելու, ինչպես այս տարին: Հիմնականում մասնակցում է այն մրցումներին, որոնք վարկանիշային միավորներ են տալիս: Շանսերն այնպիսին չեն, որ շատ հեռու է ու չի կարողանա, չէ՛, ամեն ինչ առջեւում է: Մայիսի վերջին մեր վերջնական արդյունքները կգան»,- ասաց Հովհաննիսյանը:

Օրերս Չինաստանում ավարտված Համաշխարհային բանակային խաղերում 5-րդ տեղը գրավելուց հետո Ֆերդինանդ Կարապետյանը մեկնել է Վլադիկավկազ՝ ուսումնամարզական հավաքի: Հովհաննիսյանը նշում է, որ նոյեմբերի 16-17-ը կայանալիք ՀՀ 2019 թ. առաջնությանը նա հավանաբար չի մասնակցի, քանի որ իրենք գուցե փորձեն իրենց դրսեւորելու հնարավորություն տալ 73 կգ քաշային կարգի մյուս մարզիկներին: Դեկտեմբերի կեսերին ֆեդերացիան կստանա ձյուդոյի միջազգային ֆեդերացիայի օրացույցային պլանը, որից հետո վերջնականապես կկազմվի նաեւ Կարապետյանի ծրագիրը: 2020-ի հունվարին նախատեսված Ավստրիայի ուսումնամարզական հավաքով նա կսկսի մրցաշրջանը:

 

Տպել
403 դիտում

Այսօր 12,8 մլրդ դրամի ներդրումների վերաբերյալ որոշումներ կայացվեցին. վարչապետը

Ես ասֆալտին պառկեցվելուց եւ պատերին խփվելուց չեմ վախենում․մի բանից եմ վախենում՝ ահեղ դատաստանից․ Վարդան Ղուկասյան

Երկարաձգվել է Դիաբետոն 60 մգ դեղի գնման գործընթացը. ԱՆ

Հնարավորություն ենք տալիս, որ մարդիկ աջակցեն իրենց իսկ երազած Սահմանադրական դատարանի հաստատմանը․ վարչապետ

Ինչպիսին են լինելու ամանորյա միջոցառումները մայրաքաղաքում. իրադարձություններն ու ծախսերը՝ ամբողջությամբ

Ես ինձ համարում եմ պատանդ քաղաքական իշխանությունների համար. Արսեն Բաբայան

Ակնարկել են, թե՝ «երեխա ունես, քեզ ի՞նչ պետք է. Նազելի Բաղդասարյանը հաստատում է սպառնալիքների մասին տեղեկությունը

ԱԱԾ-ին հանձնարարական եմ տվել՝ պարզելու որոշ շրջանակների ու սատանայի համագործակցության ձեւերն ու ուղիները. Փաշինյան

9 հոգով «Երևանի ՋԷԿ»-ից 1 տոննա պղնձյա փաթույթ են տարել, արդյունքում մոտ 21,5 միլիարդ դրամի վնաս է հասցվել. ՔԿ

«Ryanair»-ն արդեն հաստատել է չորս ուղղություններ, բայց նախատեսում է ավելացնել եւս երեքը. Ռեւազյան

Սենատոր Գրահամը մեկնաբանել է՝ ինչու է վետո դրել Հայոց ցեղասպանությունը ճանաչող բանաձևի վրա

Ես հանձնարարական եմ տվել ՊՎԾ-ին ստուգումներ իրականացնել Եղեգնաձորի քաղաքապետարանում. վարչապետ

Վթար Մարտակերտ-Վարդենիս մայրուղում. զոհվել է Հայաստանի 2, Արցախի 1 քաղաքացի

«Պետք է այնպես անել, որ երեխաների ուշադրությունը գրավեն ոչ թե քուչեքում պպզածները, այլ աշխատանքով հաջողության հասածները»

Խաղաղության կոչ Յոկո Օնոյից՝ աշխարհի 100 լեզվով, այդ թվում՝ հայերեն (լուսանկար)

Կառավարությունը 713 մլն դրամ հատկացրեց՝ «Վանաձորի պետական գյուղատնտեսական քոլեջ»-ի վերանորոգումը շարունակելու համար

Խմորումներ շատ են լինելու, համբերեք, կտեսնեք. Սամվել Բաբայանը՝ սպասվող ընտրությունների, Սերժ Սարգսյանի ծրագրերի մասին

Մոսկվայում հայ մարզիկի են սպանել

Աղետի գոտու 227 ընտանիքներ կստանան գումարի վկայագրեր, որոնցով կկարողանան բնակարան գնել

Մի քանի տասնյակ մարդ է ձերբակալվել Բաքվում ընդդիմության ցույցի ժամանակ