Հայ ազատոճայինները, այդ թվում՝ առաջատարները, ձախողվեցին նաեւ մինչեւ 23 տարեկանների աշխարհի առաջնությունում

Ըմբշամարտի մինչեւ 23 տարեկանների աշխարհի 2019 թ. առաջնությունը նույնպես անհաջող դասավորվեց հայ ազատոճայինների համար: Սեպտեմբերին Ղազախստանում կայացած աշխարհի մեծահասակների 2019 թ. առաջնությունից հետո նրանք 2-րդ անընդմեջ խոշոր մրցաշարից վերադառնում են ձեռնունայն: Երեկ՝ հոկտեմբերի 30-ին, Հունգարիայի մայրաքաղաք Բուդապեշտում ընթացող մրցաշարում մեդալ նվաճելու իր հնարավորությունը չօգտագործեց ընտրանու առաջատարներից, ՀՀ ազատ ոճի ըմբշամարտի գլխավոր հույսերից մեկը՝ Արսեն Հարությունյանը (61 կգ): Եվրոպայի մեծահասակների գործող չեմպիոնը (լուսանկարում՝ ձախից 2-րդը) բրոնզի համար պայքարում տուշեով պարտվեց Ռուսաստանը ներկայացնող Դինիսլավ Տախտարովին:

Հարությունյանը պայքարն սկսել էր 1/8 եզրափակչից: Հասել էր մինչեւ կիսաեզրափակիչ, որտեղ տուշեով պարտվել էր հնդիկ Ռավինդեր Ռավինդերին:

ՀՀ ընտրանու առաջատար եւս մեկ մարզիկի՝ Եվրոպայի մինչեւ 23 տարեկանների չեմպիոն Վազգեն Թեւանյանի (65 կգ) մասնակցությունը նույնպես անհաջող էր: Նա (լուսանկարում՝ ձախից առաջինը) պայքարն սկսել էր որակավորման փուլից եւ հենց այնտեղ պարտվել:

Ազատոճայինների կազմում մրցավայր էին մեկնել նաեւ Ռազմիկ Միսակյանը (57 կգ), Արման Անդրեասյանը (70 կգ), Խաչատուր Պապիկյանը (74 կգ), Արման Ավագյանը (79 կգ), Հովհաննես Մխիթարյանը (86 կգ), Սարգիս Հովսեփյանը (92 կգ) եւ Հովհաննես Մաղաքյանը (125 կգ)։ Նրանք մեդալների համար չպայքարեցին: Մխիթարյանին հաղթած ըմբիշը՝ իրանցի Քամրան Ղասեմպուրը, եզրափակիչ հասավ, ու նա բրոնզի համար պայքարելու հնարավորություն ստացավ, սակայն առաջին սփոփիչ գոտեմարտում հաղթելուց հետո 2-րդում պարտվեց:

Սեպտեմբերի ազատոճայինները նույնպես չէին պայքարել մեդալների համար: Նաեւ չէին կարողացել օլիմպիական ուղեգրեր ձեռք բերել:

Աշխարհի Մ-23 2019 թ. առաջնությունը Բուդապեշտում մեկնարկել է հոկտեմբերի 28-ին: Կավարտվի նոյեմբերի 3-ին: Հունահռոմեական ըմբիշները պայքարը սկսում են վաղը՝ նոյեմբերի 1-ին: ՀՀ-ն կներկայացնեն Նորայր Հախոյանը (55 կգ), Արմեն Մելիքյանը (60 կգ), աշխարհի 2019 թ. առաջնության բրոնզեմեդալակիր Սլավիկ Գալստյանը (63 կգ), Հայկ Մելիքյանը (67 կգ), Հրանտ Կալաչյանը (72 կգ), Վահե Պողոսյանը (77 կգ), Արման Վարդանյանը (82 կգ), Ալբերտ Եղիկյանը (87 կգ) եւ Դավիթ Օվասապյանը (130 կգ)։

Տպել
382 դիտում

Փարիզյան սելֆի. վարչապետը, Ֆրանսիայի նախագահն ու Ֆրանկոֆոնիայի ՄԿ գլխավոր քարտուղարը

Վարչապետի հերթական սելֆին՝ Ֆրանսիայից. այս անգամ՝ ՄԱԿ-ի գլխավոր քարտուղարի հետ

Նիդերլանդների Թագավորության նորանշանակ դեսպանն իր հավատարմագրերի պատճենը հանձնեց ԱԳ նախարարի տեղակալին

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 32 հա տարածք

Վրաստանը կստանձնի Եվրոպայի խորհրդի նախագահությունը

Վարչապետ Նիկոլ Փաշինյանը մասնակցել է Էմանուել Մակրոնի անունից տրված պաշտոնական ընդունելությանը (լուսանկարներ)

Վարչապետի որոշմամբ Աննա Վարդապետյանն ազատվել է փոխնախարարի պաշտոնից

Անձրեւի ժամանակ ասֆալտապատված ճանապարհի վրա արդեն փոսեր են առաջացել

Ըմբիշ, չեմպիոն եւ ԱԺ պատգամավոր Արսեն Ջուլֆալակյանը 4 գոտեմարտում 4 հաղթանակ է տարել

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Վանաձոր քաղաքի 37-ամյա մի բնակչի տանը ոստիկանները 4 կգ մարիխուանա են հայտաբերել (տեսանյութ)

Բարձր մակարդակով ընդգծվել է՝  ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

15-ամյա Էրիկ Սահակյանը որոնվում է որպես անհետ կորած

Երևանում մեկնարկել է Հնդկաստան-Հայաստան դեղագործական գործարար համաժողով- ցուցահանդեսը. ԷՆ

Նիկոս Անաստասիադիսը Թուրքիայից պահանջել է Կիպրոսից դուրս բերել զորքը

Հանրապետական կոնգրեսականների մոտ տարբեր կարծիքներ են. Wall Street Journal-ը՝ Թրամփի իմպիչմենտի մասին

«Ես Ղարաբաղ գուզեմ ծառայեմ անպայման». Լեռնուտի դպրոցի ռազմագիտության դասարանն անվանակոչվեց Նարեկ Հարությունյանի անունով

Նոր սարքեր են տրամադրվել «Նորք» ինֆեկցիոն հիվանդանոցին. ԱՆ

ԱԺ խմբակցությունները, կառավարությունն ու ԲԴԽ-ն Կոռուպցիայի կանխարգելման հանձնաժողովի անդամների թեկնածուներ են առաջադրել

Այն, ինչ չհաջողվեց թշնամիներին, հայ շինարարը մալի ու բետոնի մի հարվածով արեց. Դադիվանքի մասին ահազանգ և մասնագետի կարծիք