Վանաձորը կդառնա՞ համալսարանական քաղաք. Մարուքյանի առաջարկը Դիանա Գալոյանը իրատեսական չի համարում, չնայած գաղափարը լավն է

ՀՀ Ազգային ժողովի պատգամավոր Էդմոն Մարուքյանի առաջարկը «Ֆեյսբուք» սոցիալական ցանցում քննարկումների առիթ է դարձել: Երեկ նա հայտարարություն էր տարածել, որում նշել է, որ դիմել է Հայաստանի Հանրապետության վարչապետ Նիկոլ Փաշինյանին՝ Հայաստանի ազգային ագրարային համալսարանը կամ Հայաստանի պետական տնտեսագիտական համալսարանը Լոռու մարզի մարզկենտրոն Վանաձոր տեղափոխելու հարցը քննարկելու առաջարկով:

Գրառմանն արձագանքել էին բազում օգտատերեր. մի մասը ողջունել էր առաջարկը, մյուսները չէին պատկերացնում, թե գաղափարն ինչպես է իրագործվելու:

Պատգամավորն իր դիմումում նշել է, որ Երեւանն այսօր գերծանրաբեռնված է, որտեղ կենտրոնացած են գրեթե բոլոր խոշոր տնտեսական, մշակութային, գիտական եւ կրթական կենտրոնները: Մարուքյանն ընդգծել է, որ անհրաժեշտ է որոշ գործառույթներ այլ բնակավայրեր տեղափոխել: Բուհերից մեկի ազատված շենքը, ըստ նրա, կարող վաճառվել, իսկ հավաքված միջոցներով մարզում մի ամբողջ համալիր կկառուցվի: Այսպիսով՝ Երեւանը կթեթեւանա, իսկ Վանաձորը կդառնա ուսանողական համալսարանական քաղաք:

Տնտեսագիտական համալսարանի ռեկտորի պաշտոնակատար Դիանա Գալոյանը բուհի տեղափոխումն այսօր իրատեսական չի համարում, թեեւ գաղափարը լավն է համարում: Նրա խոսքով՝ այսօր գիտական, կրթական, պետական կառույցները շատ են կենտրոնացած Երեւանում, իսկ մարզերն ավելի հեռու են մնում այս ամեն ինչից: Գաղափարի իրականացման դեպքում՝ այն տարածքային համաչափ զարգացմանը կարող է օգուտ բերել, բայց ոչ այսօր. ժամանակ է պետք:

«Տնտեսագիտական համալսարանում մենք այսօր ունենք 6000-ից ավելի ուսանող, 700 հոգի էլ մեր անձնակազմն է: Բուհն ունի համապատասխան շենքեր, մարզադահլիճներ, համակարգչային սրահներ, հարդարանք»,- նշեց Դիանա Գալոյանը՝ հավելելով, որ բուհում ամեն ինչ ապահովված է բարձր մակարդակով, արդյո՞ք այն հնարավոր կլինի կազմակերպել Վանաձորում, կասկածանքով է վերաբերում: Ասում է՝ ամեն դեպքում այս պահին անել չենք կարող: Դիանա Գալոյանի կարծիքով՝ այլ հարց է, որ գաղափարը դառնա պետական քաղաքականություն, փորձենք պետության աջակությամբ մարզերում ստեղծել համապատասխան ենթակառուցվածքները:

Համալսարանի ղեկավարը նշեց, որ առաջարկն իրականություն դառնալու դեպքում՝ էական փոփոխություն կլինի ուսանողների թվաքանակի հետ կապված:

«Իհարկե մենք ունենք ուսանողներ նաեւ մարզերից, որոնք այստեղ բնակվում են հանրակացարաններում կամ վարձում են բնակարաններ, սակայն ավելի մեծ թիվ են կազմում Երեւանից ուսանողները»,- նշեց Գալոյանը՝ հավելելով, որ հնարավոր է՝ ուսանողների թիվը կրճատվի, եթե տնտեսագիտական համալսարանը Վանաձոր տեղափոխվի:

Մեկ այլ խնդիր է մրցակցային առավելությունը: Ռեկտորը մտահոգվում է, որ մարզ տեղափոխելու դեպքում Երեւանում գտնվող այլ միջազգային բուհեր, որոնք եւս տնտեսագիտական կրթություն են տալիս, մրցակցային առավելությունն իրենց ձեռքը վերցնեն:

Վերջինս նշեց, որ նման առաջարկություններից առաջ նաեւ պետք է այդ մասին մտածել եւ առաջարկել այնպիսի բուհեր տեղափոխել, որոնք մենաշնորհ ունեն, որպես օրինակ ներկայացրեց Երևանի Մխիթար Հերացու անվան պետական բժշկական համալսարանը. եթե նույնիսկ բուհը մարզ տեղափոխվի, մրցակցային հարց չի առաջանա:

Հարցի վերաբերյալ փորձեցինք ճշտել նաեւ Հայաստանի ազգային ագրարային համալսարանի ռեկտոր Վարդան Ուռուտյանի կարծիքը, սակայն նրա հետ կապ հաստատել չհաջողվեց: Բուհից պատասխանեցին, որ ռեկտորը մասնակցում է գիտաժողովի եւ զբաղված է:

ՀՀ Կառավարության Տեղեկատվության և հասարակայնության հետ կապերի վարչությունից, մեր հարցին ի պատասխան, նշեցին, որ Ազգային Ժողովի պատգամավոր Էդմոն Մարուքյանի՝ 2 համալսարաններից մեկը Վանաձոր տեղափոխելու վերաբերյալ դիմումը ստացել են, այժմ հարցը քննարկման փուլում է:

Անի Ավագյան

Տպել
603 դիտում

Խաշմանյանի օգնականներն ազգային թիմում հայտնի են

Գողացել էին Եղվարդում գտնվող, վարելահողով անցնող մի քանի հարյուր մետրանոց խողովակաշարը

Փարիզյան սելֆի. վարչապետը, Ֆրանսիայի նախագահն ու Ֆրանկոֆոնիայի ՄԿ գլխավոր քարտուղարը

Վարչապետի հերթական սելֆին՝ Ֆրանսիայից. այս անգամ՝ ՄԱԿ-ի գլխավոր քարտուղարի հետ

Նիդերլանդների Թագավորության նորանշանակ դեսպանն իր հավատարմագրերի պատճենը հանձնեց ԱԳ նախարարի տեղակալին

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 32 հա տարածք

Վրաստանը կստանձնի Եվրոպայի խորհրդի նախագահությունը

Վարչապետ Նիկոլ Փաշինյանը մասնակցել է Էմանուել Մակրոնի անունից տրված պաշտոնական ընդունելությանը (լուսանկարներ)

Վարչապետի որոշմամբ Աննա Վարդապետյանն ազատվել է փոխնախարարի պաշտոնից

Անձրեւի ժամանակ ասֆալտապատված ճանապարհի վրա արդեն փոսեր են առաջացել

Ըմբիշ, չեմպիոն եւ ԱԺ պատգամավոր Արսեն Ջուլֆալակյանը 4 գոտեմարտում 4 հաղթանակ է տարել

Արվեստի ու երաժշտական դպրոցների, ինչպես նաեւ մարզադպրոցների աշխատողների աշխատավարձը կբարձրանա. Երեւանի բյուջե-2020

Վանաձոր քաղաքի 37-ամյա մի բնակչի տանը ոստիկանները 4 կգ մարիխուանա են հայտաբերել (տեսանյութ)

Բարձր մակարդակով ընդգծվել է՝  ԱՄՆ-ն շահագրգռված է հայկական սահմանների անվտանգությամբ. Մանվել Սարգսյան

15-ամյա Էրիկ Սահակյանը որոնվում է որպես անհետ կորած

Երևանում մեկնարկել է Հնդկաստան-Հայաստան դեղագործական գործարար համաժողով- ցուցահանդեսը. ԷՆ

Նիկոս Անաստասիադիսը Թուրքիայից պահանջել է Կիպրոսից դուրս բերել զորքը

Հանրապետական կոնգրեսականների մոտ տարբեր կարծիքներ են. Wall Street Journal-ը՝ Թրամփի իմպիչմենտի մասին

«Ես Ղարաբաղ գուզեմ ծառայեմ անպայման». Լեռնուտի դպրոցի ռազմագիտության դասարանն անվանակոչվեց Նարեկ Հարությունյանի անունով

Նոր սարքեր են տրամադրվել «Նորք» ինֆեկցիոն հիվանդանոցին. ԱՆ