Ինչպե՞ս է Թուրքիան արձագանքել Հայոց ցեղասպանությունը ճանաչող բանաձևի ընդունմանը

ԱՄՆ Կոնգրեսի ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել է Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից բանաձևին կողմ է քվեարկել 405-ը, դեմ՝ 11-ը, ձեռնպահ՝ 3-ը, իսկ 14 կոնգրեսական չի քվեարկել։ 

Բանաձևի ընդունումը մեծ հիստերիա է առաջացրել Թուրքիայում։ Ընդամենը ժամեր անց հայտարարություններով են հանդես եկել Թուրքիայի Արտաքին գործերի նախարարությունը, Նախագահի խոսնակը, Թուրքիայի նախագահականի հանրային կապերի վարչության ղեկավարը, Արդարադատության նախարարը, բացի այդ, Թուրքիայի ԱԳՆ է կանչվել Անկարայում ԱՄՆ դեսպանը, գրում է regionmonitor.com-ը։

Գրեթե բոլոր պաշտոնյաններն իրենց հայտարարություններում պնդել են, որ այս բանաձևով փորձ է արվում «պատմությունը քաղաքականություն գործիք դարձնել» և ավելացրել, որ ԱՄՆ ներկայացուցիչների պալատի որոշումն իրենց համար ուժ չունի։

Արտգործնախարար Չավուշօղլուն իր խոսքում ակնարկել է, որ այս որոշումով փորձում են իրենցից վրեժ լուծել Սիրիայում Թուրքիայի իրականացրած «Խաղաղության ակունք» ռազմական գործողության համար։

Բանաձևի ընդունման լուրը հայտնվել է գրեթե բոլոր թուրքական լրատվամիջոցների գլխագրերում «ԱՄՆ-ի կողմից Թուրքիայի հանդեպ մեծ թշնամություն», «ԱՄՆ-ի սկանդալային որոշումը», ԱՄՆ ներկայացուցիչների պալատի՝ չափն անցնող որոշումը» և այլ վերնագրերով։

Ուշագրավ է, որ ի տարբերություն թուրքական լրատվամիջոցների հրապարակումների, որտեղ Հայոց ցեղասպանություն բառը չակերտների մեջ է գրված, «Euronews»-ի թուրքական ծառայության հրապարակման մեջ այս արտահայտությունը գրված է առանց չակերտների։

Ակտիվ են եղել քննարկումները նաև սոցիալական ցանցերի թուրքական տիրույթում։ Օգտատերերը սկսել են տարածել ԱՄՆ-ի պատմության մասին ինֆոգրաֆիկաներ՝ նշելով, որ այդ երկրի անցյալում ևս կան մութ էջեր։

Հետաքրքիր է, որ բազմաթիվ թուրք օգտատերեր ողջունել են որոշումը։ Նրանցից մեկը նույնիսկ գրել է. «Ես չգիտեմ՝ 100 տարի առաջ ինչ է եղել, բայց մեր օրերում տեսել եմ, թե ինչպես են հային իր ինքնության համար սպանած մարդուն Թուրքիայի դրոշով նկարել, փոխանակ ձերբակալեն ու հանձնեն արդարադատությանը։ «Հայոց ցեղասպանություն չի եղել» արտահայտությունը Թուրքիայի ամենամեծ ստերից մեկն է։»

 

Իսկ թուրք հայտնի մարդու իրավունքների ակտիվիստ Թունա Բեկլեվիչն իր բազմահազարանոց հետևորդներով թվիթերյան միկրոբլոգում գրառում է կատարել՝ ասելով.

«9 տարի առաջ այս օրը Երևանում էի։ Խոսում էի առանց նախապայմանների սահմանը բացելու մասին։ Անմիջապես հետո մեղադրվեցի «հայ լրտես» լինելու մեջ։ 100 տարի է անցել, Թուրքիան դեռ չի առերեսվել իրականության հետ։ Հայոց ցեղասպանության ճանաչման ու սահմանի բացման ժամանակը եկել է։

ԱՄՆ Ներկայացուցիչների պալատի կողմից Հայոց ցեղասպանության ճանաչման թեման այսօր թուրքական ԶԼՄ-ներում և սոցիալական ցանցերում ամենաքննարկվողն է։

Տպել
1906 դիտում

Ամուլսարի ծրագրի ՇՄԱԳ եզրակացությունն ուժը կորցրած ճանաչելու հայցը մերժվել է

Ինչո՞ւ մինչ օրս դպրոցներում չեն ներդրվել «խոսող» դասագրքերը. ԿԳՄՍՆ պարզաբանում է պատճառը

ԱԺ-ն երկրորդ ընթերցմամբ եւ ամբողջությամբ ընդունեց նվազագույն աշխատավարձը 68 հազար դրամ դարձնելու օրինագիծը

Ցույցը ցրելիս ձերբակալվել է 37, վիրավորվել` 4 անձ. Վրաստանի ՆԳՆ

Ռուսաստանում հայտնաբերվել է երկրի խոշորագույն նարկոլաբորատորիան (տեսանյութ)

Հայ պատգամավորները ԱՄՆ-ում ծանոթանում են ամերիկյան փորձին․ «Ամերիկայի ձայն

Վթար Վարդենիս-Ակունք ավտոճանապարհին. ուղեւորը տեղում մահացել է

Քաղաքական խորհրդակցություններ Հայաստանի Հանրապետության և Կատարի Պետության միջև

Կառավարությունում քննարկվել են պետություն-եկեղեցի հարաբերություններին առնչվող հարցեր

ԱյԴի Բանկի Վարչության նախագահ Մհեր Աբրահամյանի և Բանկի իրավաբանական վարչության ղեկավար Արթուր Մելիքյանի մամուլի ասուլիսը

Կիևում կայացել է Ուկրաինայի հայ երիտասարդների միության երրորդ ֆորումը

Հրանտ Աբաջյանն ազատվել է Չինաստանում ՀՀ առևտրական կցորդի պաշտոնից

14 ժամ ջուր չի լինելու Արմավիրի մարզի Մերձավան գյուղում

Ուղեւորի ոսկյա զարդերն օդանավակայանի աշխատակիցներն էին գողացել (տեսանյութ)

Զովունի գյուղի չշահագործվող փայտամշակման արտադրամասում բռնկված հրդեհը մարվել է (տեսանյութ)

Երևանում և ևս 7 մարզում այսօր սպասվում են էլեկտրաէներգիայի անջատումներ

Մղձավանջ Հայաստանի ֆուտբոլի հավաքականի համար. Իտալիան ջախջախեց 9:1 հաշվով

Բասեն գյուղում մոտ 500 հա խոտածածկույթ է այրվել. ԱԻՆ

Իտալիա-Հայաստան ֆուտբոլային հանդիպման մեկնարկային կազմերը

Բազումը նոր բաժնի պետ ունի. ոստիկանապետի պաշտոնակատարը նոր նշանակումներ է կատարել