Օլիմպիական խաղերից 9 ամիս առաջ ՀՀ-ն դեռ ընդամենը 3 ուղեգիր ունի

Նախաօլիմպիական պատասխանատու տարվա՝ 2019-ի ընթացքում մարզիկների մեդալներին հավասար կարեւորություն ունեն օլիմպիական ուղեգրերը: Այս պահին՝ Տոկիո 2020-ից 9 ամիս առաջ Հայաստանը 3 ուղեգիր ունի: Դրանցից 2-ը հունահռոմեական ոճի ըմբշամարտից են, 1-ը՝ մարմնամարզությունից:

Առաջին ուղեգրերը Հայաստանին բերել են հունահռոմեականները աշխարհի 2019թ. առաջնության ժամանակ: Ղազախստանում կայացած մրցաշարում 77կգ քաշային կարգի ուղեգիր է նվաճել Կարապետ Չալյանը, 97կգ քաշային կարգի ուղեգիր՝ օլիմպիական չեմպիոն, աշխարհի եռակի, Եվրոպայի քառակի չեմպիոն Արթուր Ալեքսանյանը: Ազատոճայիններն աշխարհի առաջնությունից ձեռնունայն են վերադարձել: Նրանք ոչ միայն չեն չպայքարել մեդալների, այլեւ ուղեգրերի համար:

Ազատ ոճի ըմբշամարտում օլիմպիական են 57, 65, 74, 86, 97, 125, հունահռոմեականում 60, 67, 77, 87, 97 եւ 130կգ քաշային կարգերը: Հայաստան դրանց համար պայքարելու դեռ 2 հնարավորությունը կունենա: Դրանք են աշխարհամասի մրցումները եւ համաշխարհային մրցումը: Երկուսն էլ նախատեսված են 2020թ.: Եվրոպայի վարկանիշային մրցաշարը տեղի է ունենալու մարտին Հունգարիայում: Համաշխարհային մրցումները կայանալու են ապրիլ, մայիս ամիսներին Բուլղարիայում: Ուղեգրերն անվանական չեն, դրանք տրվում են երկրին:

Մարմնամարզությունից օլիմպիական ուղեգիր է նվաճել Արթուր Դավթյանը (բազմամարտ): Եվրոպայի փոխչեմպիոնը չի հաղթահարել հոկտեմբերի 4-13-ը Գերմանիայում կայացած աշխարհի 2019թ. առաջնության որակավորման փուլը, սակայն ցուցանիշը բավական է եղել Տոկիոյում տեղն ապահովելու համար: Հավաքականի գլխավոր մարզիչ Հակոբ Սերոբյանը մրցաշարի ընթացքում հայտարարել էր, որ իրենք գնացել էին հենց այդ ուղեգրի համար, որ մինչեւ մեկնելը ինքը հենց այդպես էլ հաշվարկած է եղել ու ամեն ինչ ընթացել է այնպես, ինչպես նախապես ծրագրված է եղել: Դավթյանի ուղեգիրն անվանական է:

Այս շրջանում մարմնամարզիկները պատրաստվում են նոյեմբերին Գերմանիայում կայանալիք աշխարհի գավաթի խաղարկությանը, որը նույնպես վարկանիշային է: Ի սկզբանե Սերոբյանը նշել էր, որ գավաթի խաղարկություններում Հայաստանի համար ուղեգրեր նվաճելը գրեթե անհավանական է, քանի որ դրանից 2-ն անց են կացվում Բաքվում, եւ հայերը դրանց չեն կարող մասնակցել, ինչպես չեն կարող մասնակցել նույնպես Բաքվում կայանալիք Եվրոպայի 2020թ. առաջնությանը, որը եւս վարկանիշային է: Գավաթի մյուս 2 վարկանիշային խաղարկություններն էլ Ավստրալիայում են: Դրանց մասնակցելը նպատակահարմար չէ մարզական տեսանկյունից, քանի որ ժամային գոտիների տարբերություն կա, հասնելու համար պետք է մի քանի ինքնաթիռ փոխել ու գրեթե անմիջապես ելույթ ունենալ: Ամեն դեպքում մարզիչն ասել է, որ, եթե Գերմանիայից հետո տեսնեն շանսեր կան, Մելբուռն կգնան:

Օլիմպիական վարկանիշների մեծ սպասելիքներ կան նաեւ ծանրորդներից ու բռնցքամարտիկներից: Ծանրորդները քայլ առ քայլ մոտենում են իրենց նպատակին: 2019-ի ընթացքում նրանք հաջող ելույթներ են ունեցել աշխարհի ու Եվրոպայի ինչպես մեծահասակների, այնպես էլ մինչեւ 20 ու մինչեւ 23 տարեկանների առաջնությունում: Հայաստանի ծանրամարտի ֆեդերացիայի գլխավոր քարտուղար Փաշիկ Ալավերդյանի խոսքով՝ վերջնական ուղեգրերի քանակն ու դրանց տերերը հայտնի կդառնան օլիմպիական խաղերից որոշ ժամանակ առաջ:

Ինչ վերաբերում է բռնցքամարտիկներին, ապա այս մարզաձեւում միջազգային ասպարեզում հայաստանյանից ոչ պակաս խառն իրավիճակ է: Այստեղ իրենց հարաբերություններն են պարզում Հայաստանի բռնցքամարտի ֆեդերացիան ու Հայաստանի ազգային օլիմպիական կոմիտեն, միջազգային ասպարեզում էր ԱԻԲԱ-ն (Բռնցքամարտի միջազգային միություն) եւ Միջազգային օլիմպիական կոմիտեն: ՄՕԿ-ը պատժամիջոցների շրջանակներում ԱԻԲԱ-ին զրկել է վարկանիշային մրցաշարեր անցկացնելու իրավունքից եւ ինքն է դրանք անցկացնելու: Վարկանիշային մրցումները տեղի են ունենալու 2020թ.: Անցկացնելու է ՄՕԿ-ի կողմից ձեւավորված աշխատանքային խումբը:

Տպել
447 դիտում

Այսօր 12,8 մլրդ դրամի ներդրումների վերաբերյալ որոշումներ կայացվեցին. վարչապետը

Ես ասֆալտին պառկեցվելուց եւ պատերին խփվելուց չեմ վախենում․մի բանից եմ վախենում՝ ահեղ դատաստանից․ Վարդան Ղուկասյան

Երկարաձգվել է Դիաբետոն 60 մգ դեղի գնման գործընթացը. ԱՆ

Հնարավորություն ենք տալիս, որ մարդիկ աջակցեն իրենց իսկ երազած Սահմանադրական դատարանի հաստատմանը․ վարչապետ

Ինչպիսին են լինելու ամանորյա միջոցառումները մայրաքաղաքում. իրադարձություններն ու ծախսերը՝ ամբողջությամբ

Ես ինձ համարում եմ պատանդ քաղաքական իշխանությունների համար. Արսեն Բաբայան

Ակնարկել են, թե՝ «երեխա ունես, քեզ ի՞նչ պետք է. Նազելի Բաղդասարյանը հաստատում է սպառնալիքների մասին տեղեկությունը

ԱԱԾ-ին հանձնարարական եմ տվել՝ պարզելու որոշ շրջանակների ու սատանայի համագործակցության ձեւերն ու ուղիները. Փաշինյան

9 հոգով «Երևանի ՋԷԿ»-ից 1 տոննա պղնձյա փաթույթ են տարել, արդյունքում մոտ 21,5 միլիարդ դրամի վնաս է հասցվել. ՔԿ

«Ryanair»-ն արդեն հաստատել է չորս ուղղություններ, բայց նախատեսում է ավելացնել եւս երեքը. Ռեւազյան

Սենատոր Գրահամը մեկնաբանել է՝ ինչու է վետո դրել Հայոց ցեղասպանությունը ճանաչող բանաձևի վրա

Ես հանձնարարական եմ տվել ՊՎԾ-ին ստուգումներ իրականացնել Եղեգնաձորի քաղաքապետարանում. վարչապետ

Վթար Մարտակերտ-Վարդենիս մայրուղում. զոհվել է Հայաստանի 2, Արցախի 1 քաղաքացի

«Պետք է այնպես անել, որ երեխաների ուշադրությունը գրավեն ոչ թե քուչեքում պպզածները, այլ աշխատանքով հաջողության հասածները»

Խաղաղության կոչ Յոկո Օնոյից՝ աշխարհի 100 լեզվով, այդ թվում՝ հայերեն (լուսանկար)

Կառավարությունը 713 մլն դրամ հատկացրեց՝ «Վանաձորի պետական գյուղատնտեսական քոլեջ»-ի վերանորոգումը շարունակելու համար

Խմորումներ շատ են լինելու, համբերեք, կտեսնեք. Սամվել Բաբայանը՝ սպասվող ընտրությունների, Սերժ Սարգսյանի ծրագրերի մասին

Մոսկվայում հայ մարզիկի են սպանել

Աղետի գոտու 227 ընտանիքներ կստանան գումարի վկայագրեր, որոնցով կկարողանան բնակարան գնել

Մի քանի տասնյակ մարդ է ձերբակալվել Բաքվում ընդդիմության ցույցի ժամանակ