Փորձ է կատարվել խնդիրը նվազեցնել եւ նսեմացնել՝ հասցնելով կենցաղայնության մակարդակի․ Գրիգորյանը պատասխանել է Բաբաջանյանին

Սահմանադրական դատարանի դատավոր Վահե Գրիգորյանը պատասխանել է ԱԺ անկախ պատգամավոր Արման Բաբաջանյանի՝ իրեն ուղղված դիմումին, որով վերջինս կոչ էր անում պարզաբանել ՍԴ աշխատանքներին չմասնակցելու, բայց աշխատավարձ ստանալու, ծառայողական մեքենայից օգտվելու հանգամանքը։

Գրիգորյանը նախ շնորհակալություն է հայտնել պատգամավորին՝ նամակով բարձրացված հարցերի եւ խնդրի՝ Սահմանադրական դատարանի նիստերին չմասնակցելու կապակցությամբ քաղաքական շրջանակներում եւ զանգվածային լրատվամիջոցներում հրապարակվող մեկնաբանություններին եւ քննարկումներին ուշադրության համար։

«Դրանք չէին կարող իմ ուշադրությունից դուրս մնալ, սակայն, դրանց արձագանքելու կարգավիճակիցս բխող սահմանափակումների բերումով, հնարավորություն չեմ ունեցել եւ չունեմ դրանց վերաբերյալ հատվածական պարզաբանումներ ներկայացնելու։

Նկատել եմ նաեւ, որ Սահմանադրական դատարանի նիստերին չմասնակցելուս կապակցությամբ քննարկումներում, այդ դիրքորոշմանս հիմքում ընկած հանգամանքների, որոնք են՝ Սահմանադրական դատարանի ներկա կազմի սահմանադրականության եւ այս դատարանի դեմոկրատական լեգիտիմության բացերը (վերջինիս հիմքով՝ նաեւ այս դատարանի նկատմամբ հանրության եւ պետական իշխանության թեւերի կողմից վստահության դեֆիցիտը), ծանրության եւ հանրային շահի դիտանկյունից գերակայող կշիռը, շարունակաբար փորձ է կատարվել խնդիրը նվազեցնել եւ նսեմացնել՝ հասցնելով կենցաղայնության մակարդակի։ Մասնավորապես, իմ կողմից շարունակաբար բարձրաձայնվող սահմանադրական ճգնաժամի շուրջ խնդրի կարեւորության եւ առաջնայնության համեմատությամբ, խնդրի կշիռը որոշ դեպքերում փորձ է արվում հետեւողականորեն իջեցնել աշխատավարձի եւ փոխադրամիջոցի համար վառելիքի փոխհատուցման դիմաց Սահմանադրական դատարանի նիստերին չմասնակցելու կենցաղային նյութականության աստիճանի։

Ես ամբողջությամբ համամիտ եմ խնդրով հետաքրքրվողների անկեղծ մտահոգությանը, որ պետական-հանրային միջոցները չպետք է վատնվեն անարդյունք, իսկ պետական պաշտոնյաները պարտավոր են իրենց պարտականությունները կատարել բարեխղճորեն։

Թեկուզեւ իմ՝ Սահմանադրական դատարանի դատավորիս վարձատրությունը հանրային իշխանության այլ պաշտոնյաների վարձատրության համեմատ բավականին բարձր է, այդուհանդերձ, վստահեցնում եմ, որ հրավիրվող նիստերին իմ մասնակցության մերժումն ունի հիմնավոր պատճառներ, որոնք ողջ խորությամբ, միաժամանակ՝ ընթերցողի համար ընկալելիորեն հակիրճ, մտադիր եմ ներկայացնել Սահմանադրական դատարանում եւ դրա շուրջ ճգնաժամի իրավական եւ իրավաքաղաքական ասպեկտների նկարագրությամբ։ Այս խնդրի համապարփակ նկարագրությամբ (շարքի միջոցով հրապարակելով, սկսած այս ուրբաթ օրվանից), հուսով եմ, կստանաք նաեւ Ձեզ հետաքրքրող հարցադրումների պատասխանները։

Ինչ վերաբերում է Ազգային ժողովի որեւէ խմբակցության կամ պատգամավորի կողմից իմ՝ Սահմանադրական դատարանի դատավորիս լիազորությունների դադարեցման նպատակով ընթացակարգի հարուցման հնարավորությանը, ապա հուսով եմ՝ նման մտադրություն եւ մտահոգություն ունեցողներն իրենց հետաքրքրող հարցերի պատասխանները կարող են ստանալ իմ՝ վերը նշված առաջիկա հրապարակային պարզաբանումներից։ Ամեն դեպքում, նման վարույթի նախաձեռնումը կամ հարուցումը Հանրապետության Ազգային ժողովում որեւէ խմբակցության կամ պատգամավորի կողմից ես դիտարկում եմ որպես խորհրդարանական հանրապետության խորհրդարանին հատուկ ժողովրդավարական գործընթացի բաղադրիչ եւ խորագույն հարգանքով եմ վերաբերվելու թե՛ դրա նախաձեռնմանը, թե՛ ընթացքին, նկատի ունենալով նաեւ, որ գործ եմ ունենալու առնվազն վերջին 2 տասնամյակում ժողովրդի անառարկելիորեն ազատ կամարտահայտությամբ ձեւավորված առաջին խորհրդարանի հետ։ Համոզված եմ, որ նման ընթացակարգի իրականացմամբ իմ կողմից բարձրաձայնվող խնդիրներն իրենց ողջ խորությամբ եւ սրությամբ կներկայացվեն թե՛ Ազգային ժողովին, թե՛ Հանրապետության քաղաքացիներին՝ դրանց վերջնական հանգուցալուծման ակնկալիքով»,- դիմումի պատասխանի մեջ գրել է ՍԴ դատավոր Վահե Գրիգորյանը։

Տպել
1792 դիտում

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել

Հրդեհ Մեծ Մանթաշ գյուղում. 2 տների բակերում այրվել է 800 հակ անասնակեր

Առաջիկա շաբաթը կանցնի առանց տեղումների, եղանակը կտաքանա 2-3 աստիճանով

Երևանում անցկացվում է սուսերամարտի միջազգային մրցաշար

Երեւանի 5-հարկանի շենքի տանիքում բռնկված հրդեհը մեկուսացվել է

Նիկոլ Փաշինյանը ծանոթացել է Հյուսիսային ավտոկայանում իրականացվող աշխատանքներին (տեսանյութ)

Սուրբ Հովհաննես եկեղեցում մոմ վառեցինք երեկվա ողբերգության 5 զոհերի հոգիների հանգստության համար. վարչապետ (տեսանյութ)

Վիճաբանություն-ծեծկռտուք՝ Վ. Սարգսյանի անվան մարզադաշտի տարածքում. կա վիրավոր եւ բերման ենթարկվածներ

Ուկրաինայի հայ երիտասարդները հավաքվել էին մեկ հարթակում. Զարեհ Սինանյանը մասնակցել է ֆորումի

Նոր Հաճնում սուբվենցիոն ծրագրով նորոգվում է մարզադպրոց. վարչապետի շրջայցը շարունակվում է (տեսանյութ)

Ուսանողությունը մեր երկրի զարգացման գլխավոր գրավականն է. ԵՊԲՀ ռեկտոր Արմեն Մուրադյանի ուղերձը

Առողջապահության նախարար Արսեն Թորոսյանն ուղերձ է հղել ռազմական բժիշկներին

Մահճակալից կախված վիճակում հայտնաբերվել է կալանավորված անձի դին

Վարչապետը Նոր Երզնկայում է, ծանոթանում է գազաֆիկացման ծրագրին (տեսանյութ)

Արայիկ Հարությունյանը ուղերձ է հղել Ուսանողության միջազգային օրվա կապակցությամբ