Այսօր աշխատաշուկան փնտրում է փորձ, պատասխանատվություն, «քթի ծակ». Կարեն Բաբաջանյանը՝ ուսանողներին

«Եթե ուզում ես, որ աշխատաշուկան քեզ ընդունի, մի´ եղիր գերազանացիկ, որովհետեւ խնդիրները լուծում են սխալվելով»,- այս մասին այսօր նշեց «Braind» ընկերության համահիմնադիր Կարեն Բաբաջանյանը՝ Տնտեսագիտական համալսարանում ուսանողների համար կազմակերպված «Կրթություն-աշխատաշուկա» թեմայով դասի ընթացքում:

Նրա կարծիքով՝ այսօր աշխատաշուկան փնտրում է փորձ, պատասխանատվություն, «քթի ծակ»: Ըստ Բաբաջանյանի, գործնական արդյունքի հասնելու համար՝ անհրաժեշտ է շարունակ նույն կետին հարվածել, ամեն օր նույն գործով զբաղվել, իսկ բուհը ավարտելուն սպասել ամենեւին էլ պետք չէ. ուսանողական տարիներից է անհրաժեշտ սկսել աշխատանքային փորձ կուտակել:

Բաբաջանյանը փորձեց տալ հավաքված ուսանողների ամենասպասված հարցի պատասխանը՝ ո՞րն է այսօր ամենապահանջված մասնագիտությունը: Այդ պատասխանը կարճ էր. խնդիր լուծողը, այն մասնագիտությունը, որի միջոցով դու կարողանում ես խնդիր լուծել, գումար վաստակել:

Մի փոքր ավելի ուշ, մեր հարցին ի պատասխան, մասնագետը փորձեց բացել «խնդիր լուծող» մասնագիտության փակագծերը: Ըստ նրա, այսօր Հայաստանում պահանջված մասնագիտություններն են գրաֆիկ-դիզայները, հաշվապահը, ագրոնոմը: Այսինքն՝ նրանք, որոնք հստակ գործիքներ են:

«Երբ գործատուին ասում եք՝ ես տնտեսագետ եմ, նա չի հասկանում, թե դուք ով եք»,- նշեց «Braind» ընկերության համահիմնադիրը: Պատկերը փոխվում է այն ժամանակ, երբ նշում եք, որ Illustrator ծրագրով գրաֆիկ դիզայներ եք:

«Այսօր ես ճանաչում եմ ավտոմեքենայի շարժիչի մասնագետի, որը մոտ 2 միլիոն դրամ է վաստակում ամսական»,- պատմեց Բաբաջանյանն՝ ավելացնելով, որ տվյալ անձը հասել է նման հաջողության, քանի որ կոնկրետ մի ուղղության վրա է մասնագիտացել եւ նվիրվել գործին:

Բուհի շրջանավարտներն այսօր չունեն աշխատաշուկայում պահանջվող հմտությունները: Այս կարծիքին է Կրթական հետազոտությունների եւ խորհրդատվությունների կենտրոնի հիմնադիր-տնօրեն Մարինա Գալստյանը: Նրա խոսքով՝ բուհ ընդունվողների համար հումանիտար, տնտեսագիտական, կրթության եւ մանկավարժության բնագավառների մասնագիտություններն են առավել հետաքրքիր: Գիտություն, տեխնոլոգիա, ճարտարագիտություն, մաթեմատիկա մասնագիտությունների հանդեպ հետաքրքրությունը մնացել է նույնը՝ միջին մակարդակի վրա: Գալստյանը թվեր ներկայացրեց՝ Հայաստանում զբաղված երիտասարդների բաշխումը՝ ըստ տնտեսական գործունեության ոլորտների: Ըստ այդմ՝ ունենք հետեւյալ պատկերը՝ գյուղատնտեսություն՝ 22.8 %, արդյունաբերություն՝ 11.8 %, ծառայություններ՝ 60.9 % եւ շինարարություն՝ 4.5 %:

Անցնում են տարիներ, զարգանում են մի շարք ոլորտներ, նրանց հետ միասին ավելանում են գործատուների պահանջները: Գալստյանը թվարկեց 2024-ին աշխատաշուկայում սպասվելիք ամենապահանջված հմտությունները: 10 պահանջները հետեւյալն են՝ վերլուծական մտածողություն եւ նորարարություն, ակտիվ ուսումնառություն եւ ուսումնառության ռազմավարություններ, ստեղծարարություն, յուրօրինակություն եւ նախաձեռնողականություն, տեխնոլոգիաների մշակում եւ ծրագրավորում, քննադատական մտածողություն եւ վերլուծություն, բարդ խնդիրների լուծում, առաջնորդություն եւ սոցիալական ազդեցություն, հուզական ինտելեկտ, դատողություն, խնդիրների լուծում եւ գաղափարների ձեւավորում, համակարգային վերլուծություն եւ գնահատում:

Ուսանողների հետ հանդիպման ընթացքում նշվեց, որ այսօր Հայաստանում աշխատուժի աճի միտում գրանցած ոլորտները հետեւյալն են՝ ծառայություններ, ծրագրային ապահովման մշակում, ՏՏ խորհրդատվություն,  ինտերնետ ծառայություններ՝ 16 տոկոս, կեցության եւ հանրային սննդի ոլորտ՝ 11 տոկոս, ֆինանսների ոլորտ՝ 9 տոկոս եւ վերջում՝ պետական կառավարման եւ պաշտպանության ոլորտներ:

Նշենք նաեւ, որ 2019 թվականի հոկտեմբերի 1-ի դրությամբ Հայաստանի Հանրապետությունում աշխատանք փնտրողների թիվը կազմում է 83.000 մարդ, որը նախորդ տարվա նույն ժամանակահատվածի համեմատ աճել է 1.3 տոկոսով, իսկ տարեսկզբի նկատմամբ՝ 2 տոկոսով: Սրանք ՀՀ աշխատանքի եւ սոցիալական հարցերի նախարարության Զբաղվածության պետական գործակալության տվյալներն են: Պատկերը Երեւանում այսպիսին է. նույն ժամանակահատվածի դրությամբ աշխատանք փնտրողների թիվը շուրջ 12.000 է, որը նախորդ տարվա նույն ժամանակահատվածի համեմատ նվազել է 1.7 տոկոսով:

Նախարարությունը տվյալներ է հաղորդում նաեւ քաղաքում գործազուրկների թվաքանակի վերաբերյալ: Այն կազմում է աշխատանք փնտրողների 66.5 տոկոսը կամ՝ 8000 մարդ: Նշենք նաեւ, որ գործազուրկ կարգավիճակ ունեցողների 16.8 տոկոսը երիտասարդ է, 6.1 տոկոսը հաշմանդամություն ունեցող անձ:

Հիշեցնենք, որ պատկերը մի փոքր փոփոխելու համար`Տնտեսագիտական համալսարանը բուհի բակում կազմակերպել էր աշխատանքի տոնավաճառ: Ուսանողները հնարավորություն էին ստացել տեղում մոտենալու եւ ընտրելու իրենց հետաքրքրող աշխատանքը: Ծրագրին մասնակցել է 50-ից ավելի գործատու, 11 առեւտրային բանկ, 5 ապահովագրական ընկերություն, 6 վարկային, 3 հեռահաղորդակցության եւ այլ ոլորտներ ներկայացնող 24 կազմակերպություն:

Անի Ավագյան

Տպել
749 դիտում

ԿԳՄՍ-ն հրապարակել է 2019 թ. ձմեռային զորակոչից տարկետում ստանալու համար դիմած քաղաքացիների անվանացանկը

Ռազմավարական եւ դաշնակցային գործընկերություն. Լավրովի երեւանյան այցը

Վանաձորում դեռեւս տնակային պայմաններում ու փայտե վառարաններով ջեռուցվող մանկապարտեզներ կան

Ոստիկանությունը պարզաբանում է ԱԺ պատգամավորի ավտոմեքենայից «Ռոլեքս» ժամացույցը կորչելու դեպքը

Մարվել են Կարմիր գրքում գրանցված կովկասյան ընձառյուծի եւ «Տարվա թռչուն» երկնագույն ալկոնի պատկերով նամականիշները

Լեհաստանի կառավարությունը հրաժարական է ներկայացրել

Թուրքիայում ասորական և հայկական գերեզմանոցների տեղում ազգային զբոսայգի է կառուցվել

Եթե ստանձնել ենք պատասխանատվություն մեր ժողովուրդների համար, պետք է ջանքեր գործադրենք հասնելու իրական փոփոխությունների

Գյումրեցու՝ Արարատ Միրզոյանին ուղղված նամակը ԱԺ-ն վերահասցեագրել է Գյումրու «Շիրակ կենտրոն» ՀԿ նախագահին

Վարչապետ Փաշինյանը Փարիզում հանդիպում է ունեցել Օդրի Ազուլեի հետ (տեսանյութ)

Լավրովը Քոչարյանին հանձնեց Հայաստանին, նա նոր քաղաքականության հիմք դրեց. քաղաքագետ

ՀՀ ԱԳՆ դատապարտել է Սիրիայի Դեր Զորի նահանգում կատարված ահաբեկչական գործողությունը

Ձեզ ընտրել են՝ այս գործով խախտումները շղարշելու համար․ Խաչատուրովի պաշտպանը՝ դատավորին

ՀՀ ոստիկանության պետի պաշտոնակատարի հրամանով Լոռու ոստիկանապետ է նշանակվել

Կառավարությունը մտադիր է պետական նոր մարմին ստեղծել, որը եւս կղեկավարի Քաղավիացիայի կոմիտեի ղեկավար Տաթեւիկ Ռեւազյանը

Որոշ փողոցներում կլինի կայանման արգելք, որոշներում՝ գնի թանկացում. կսահմանափակվի ավտոմեքենաների մուտքը Երեւանի կենտրոն

Իմ խոսքը ՅՈՒՆԵՍԿՕ-ի թեմատիկ քննարկմանը. վարչապետ (ուղիղ)

Հոլիվուդը սպասում է Թոմի եւ Ջերիի մասին պատմող նոր ֆիլմին. դրանում հայտնի «թշնամիներին» վռնդում են տնից

30 համարի երթուղու 3 վարորդներ խիստ նկատողություն են ստացել հաշմանդամություն ունեցող քաղաքացուն չսպասարկելու համար

Վարչապետը հանդիպում է ունեցել ՖՄԿ գլխավոր քարտուղար Լուիզ Մուշիկիվաբոյի հետ