Ստանդարտ տեքստով առաջարկում են բանակից ազատել ֆուտբոլիստին, որը ՀՀ հավաքականի անդամ չէ

Ֆուտբոլիստ Էդուարդ Թաթոյանի վերաբերյալ ՀՀ կառավարությանը ներկայացված դիմումը աղմուկի պատճառ է դարձել: Երեկ՝ հոկտեմբերի 24-ին, e-draft-ում նախագիծ էր հայտնվել, որով ՀՀ Կրթության, գիտության, մշակույթի եւ սպորտի նախարարությունը դիմում է կառավարությանը՝ նրան բանակից ազատելու համար: Հիմնավորման մեջ նշվում է, որ նա ընտրանու կարեւոր ֆուտբոլիստ է, այնինչ նման ֆուտբոլիստ հավաքականում երբեք չի եղել: Նախագծում նշվում է նաեւ, որ ֆուտբոլիստը նախկինում տարկետում է ստացել, իսկ հիմա անհրաժեշտություն է առաջացել ազատելու նրան ծառայությունից:

«Քանի որ Էդուարդ Նասիբի Թաթոյանի 26 տարին լրացել է 2019 թ. օգոստոսի 9-ին, հնարավոր չէ նրան շարքային կազմի պարտադիր զինվորական ծառայության զորակոչից տարկետում տալ։ Հետեւաբար անհրաժեշտություն է առաջացել Թաթոյանին ազատել շարքային կազմի պարտադիր զինվորական ծառայությունից։

Թաթոյանը հանդես է գալիս ֆուտբոլի ՀՀ ազգային հավաքական թիմում, աչքի է ընկնում արդյունավետ խաղով, եւ կարեւորվում է նրա մասնակցությունը Եվրոպայի առաջնությանն ու ընտրական խաղերին»,- նշված է նախագծում:

«Հայկական ժամանակ»-ի հարցին ի պատասխան՝ Հայաստանի ֆուտբոլի ֆեդերացիայի մամուլի քարտուղարությունից ասացին, որ, ըստ ընթացակարգի, մի քանի տարի առաջ Թաթոյանը, ինչպես մի քանի այլ ֆուտբոլիստներ, եղել են մինչեւ 21 տարեկանների կամ ազգային հավաքականի թեկնածուներ: Ըստ այդմ, չլինելով ՀՀ քաղաքացի՝ նրանք դիմել են քաղաքացիության համար: Քաղաքացիություն ստանալուց հետո կանգնել են հաշվառման եւ ստացել տարկետման իրավունք: Հետագայում նույնիսկ չհրավիրվելով հավաքական՝ իրենց տարկետումը միշտ երկարաձգվել է: Նշեցին, որ նույն սկզբունքով են ժամանակին տարկետման իրավունք ստացել, օրինակ, Արաս Օզբիլիսը եւ Յուրա Մովսիսյանը:

ՀՖՖ-ից նշեցին, որ նման կերպ են վարվում, որպեսզի չլինի այնպես, որ ազգությամբ հայ, բայց որևէ այլ երկրի քաղաքացի ֆուտբոլիստը հրավիրվի ՀՀ հավաքական, ՀՀ քաղաքացիություն ստանա, սակայն հետո անհրաժեշտ չլինի հավաքականին, ու ստիպված լինի ծառայության անցնել: Ասացին նաեւ, որ Թաթոյանն արդեն 7-8 տարի է՝ հավաքականի թեկնածու չէ: Հարցին՝ այդ դեպքում ինչու է նախագծում նշվում, որ նա կարեւոր խաղացող է, եթե անգամ չի հրավիրվել, ՀՖՖ-ից նշեցին, որ դա կառավարության ստանդարտ տեքստ է:

ԿԳՄՍ փոխնախարար Գեւորգ Լոռեցյանը ՀԺ-ի հետ զրույցում նշեց, որ դիմումը կազմվել է Հայաստանի ֆուտբոլի ֆեդերացիայի դիմումի հիման վրա: Ընդգծեց, որ ՀՖՖ-ն է որոշում՝ որ ֆուտբոլիստին պետք է տարկետում տալ:

«Ֆուտբոլի հավաքականի կազմը ու դրանում ընդգրկված ֆուտբոլիստներին, այդ թվում՝ նրանց, ովքեր տարկետման են արժանանում, որոշում է ՀՖՖ-ն։ Տարկետման նախագիծը պատրաստվել է ՀՖՖ-ի համապատասխան դիմումի հիման վրա։ Հարցերը խնդրում եմ ուղղել ՀՖՖ-ին»,- ասաց նա:

Լոռեցյանը նաեւ ավելացրեց, որ հաշվի առնելով դեպքի վերաբերյալ արձագանքը՝ արդեն միջոցներ են ձեռնարկվել: Նշեց, որ Պաշտպանության նախարարությունը կապ է հաստատել ՀՖՖ-ի հետ, ու նշված ֆուտբոլիստի կարգավիճակը պետք է հստակեցնեն, որից հետո նախագիծն առաջ կշարժվի:

Ընդհանրապես սա առաջին դեպքը չէ, որ ՀՀ քաղաքացի չհանդիսացող հայազգի կամ այլ ազգի ֆուտբոլիստներ կամ այլ մարզաձեւերի ներկայացուցիչներ ՀՀ քաղաքացիություն են ստանում, իսկ հետո տարկետում ստանում կամ ազատվում ծառայությունից: Այսպես եղել է տարիներ շարունակ: Այս տարվա սկզբին էլ մի շարք ֆուտբոլիստներ տարկետում են ստացել: Նրանց թվում եղել է նույն Թաթոյանը:

Տպել
857 դիտում

Հայաստանի պետական սիմֆոնիկ նվագախումբը հանդես կգա Շնիտկեի 85-ամյակին նվիրված համերգով

Սեմյոնովկայում անասնագոմի տանիքում բռնկված հրդեհը 1 օր անց մարվել է. 70 կենդանի է սատկել, 2300 հակ անասնակեր վառվել

Բերդ, Նոյեմբերյան, Ստեփանավան քաղաքներում և Գուգարք գյուղում ձյուն է տեղում. Լարսը փակ է

Քաջարան քաղաքի Լեռնագործների փողոցի տներից մեկում հայտնաբերվել է դի

Կրակոցներ Երևանում. դեպքի վայրում հայտնաբերվել են կրակոցի բազմաթիվ հետքեր, վնասված Toyota, 24 հատ կրակված պարկուճ

Աշխարհի հզորագույն երկրի Սենատը պետք է ճանաչի Հայոց ցեղասպանությունը. Մենենդես

Դիարբեքիրի կիսավեր հայկական եկեղեցին ոչնչանալու վտանգի տակ է (լուսանկարներ)

Գեղամա լեռներում կորած արշավականին գտել են

Լանջիկ գյուղում այրվել է մոտ 200 հա անասնակեր

13 տարի առաջ. միայն մեկը՝ բարեփոխումներից

Ինչպես կինոյում. փողն ի՞նչ է, որ չունենամ

Ոստիկանների կողմից բռնություն գործադրելու տեսանյութի հիման վրա ոստիկանությունում ստուգումներ են սկսվել

Աճող ձնագնդի էֆեկտը. ՍԴ-ի որոշման հետեւանքներից մեկը

Կորած ակտիվիստի որոնումներին մասնակցել են 10 փրկարար-ծառայող և 15 քաղաքացի. շարունակում են փնտրել

Մոսկվայում հայտնաբերվել և ձերբակալվել է «Ալրաղացի Լյովիկ» մականվամբ հայտնի Լևոն Սարգսյանը

Գեղամա լեռներում կորած ակտիվիստ Գեղամ Օհանյանի որոնողական աշխատանքներին ուղղաթիռ է միացել

Գորիս-Կապան ավտոճանապարհին և Դիլիջանի ոլորաններում առկա է մառախուղ. ճանապարհները բաց են եւ անցանելի

Այս պահին հիմնական կենտրոնացումը Խոսրովի Արգելոցն է. պատգամավորը՝ անհետացած արշավականի մասին

Ամսվա վերջին Ադրբեջանի նախագահը կայցելի Թուրքիա

Ոստիկանության տարածքային բաժիններում ապօրինի զենք-զինամթերք է կամավոր հանձնվել (տեսանյութ)