Բաբայանը պատրաստ է ցուցմունք տալ, երբ մեղադրանքի էությունը պարզ կլինի․ պաշտպան

24/10/2019 schedule15:14

Մենք կարծում էինք, որ կալանքը որպես խափանման միջոց ընդհանրապես չի կարող կիրառվել ԱԺ աշխատակազմի ղեկավարի նախկին տեղակալ Արսեն Բաբայանի նկատմամբ՝ պայմանավորված մի շարք հանգամանքներով։ Այս մասին այսօր՝ լրագրողների հետ զրույցում, ասաց Արսեն Բաբայանի պաշտպան, փաստաբան Լուսինե Սահակյանը։

«Մենք կարծում էինք, որ կալանքը որպես խափանման միջոց ընդհանրապես չի կարող կիրառվել՝ մի շարք հանգամանքներով պայմանավորված, քանի որ ընդհանրապես մեղադրանքն անհիմն էր, դատարանը պետք է ֆիքսեր, որ հիմնավոր կասկած առկա չէ։ Հիմքերից չեմ ուզում խոսել, որովհետեւ մենք հասկանում ենք, որ սա քաղաքական դատավարություն է, որ այս պրոցեսում դատավորը չէր կարող անկախ լինել, եւ նաեւ չեմ կարծում, որ սա այն դատավորն էր, որ կարող էր անկախ լինել»,- ասաց պաշտպանը՝ նշելով, որ իրենց համար հասկանալի էր՝ հերթական անձը պետք է գտնվեր անազատության մեջ, որ հերթական ճնշումը լիներ Հրայր Թովմասյանի վրա, եւ, ըստ իրեն, դատարանն էլ հենց դա ապահովեց։

Մեր հարցին՝ ծանոթացե՞լ է ձերբակալությունը ոչ իրավաչափ ճանաչելու որոշմանը, Սահակյանը պատասխանեց, որ դեռ չի ծանոթացել՝ ինչ հիմքով է որոշումը կայացվել, սակայն կարծում է, թե  դատարանը դրանով փորձեց շղարշապատել՝ իբրեւ ինչ-որ որոշում կայացրել է օրինական։

Պաշտպանը նաեւ նշեց, որ փաստորեն խախտվել է անձի իրավունքները, անձը կարող է դիմել փոխհատուցման պահանջով, սակայն դա ոչինչ փոխում, անձը արդեն գտնվել է ապօրինի անազատության մեջ։

Սահակյանը հայտնեց, որ որոշումը բողոքարկելու են, ընդհուպ՝ դիմելու են Մարդու իրավունքների եվրոպական դատարան․ «Բողոքարկելու ենք եւ քանի որ Հայաստանում հույս չունենք, որ Վերաքննիչ քրեական դատարանում թույլ կտան համակարգիչը մակագրի այն դատավորին, որը կարող է օրինական որոշում կայացնել, դիմելու ենք ՄԻԵԴ»։

Մեր մյուս հարցին՝ Արսեն Բաբայանը նիստին մասնակցո՞ւմ էր, ինչպե՞ս է արձագանքել որոշմանը եւ իր մասնակցությամբ ինչ քննչական գործողություններ են կատարվել, Սահակյանը պատասխանեց, որ առերեսում չի կատարվել, վարույթն իրականացնող մարմինը քննչական գործողություններ չի նախաձեռնել։ Բաբայանը նաեւ ցուցմունք չի տվել, քանի որ մեղադրանքն իր եւ պաշտպանների համար պարզ չէ, եւ անհասկանալի է, թե ինչում է նա մեղադրվում․

«Բաբայանն ասել է, որ երբ մեղադրանքի էությունը պարզ կլինի, պատրաստ է ցուցմունք տալ։ Նա պատրաստ է գտնվել անազատության մեջ, եթե դա անհրաժեշտ է, որպեսզի պետությունում գործադիրը ճնշումներ չգործադրի դատարանների վրա, եւ դատական իշխանությունն ամբողջ ծավալով չանցնի գործադիրի հսկողության տակ»,- ասաց Արսեն Բաբայանի պաշտպանը։

Հիշեցնենք, որ Երեւան քաղաքի ընդհանուր իրավասության դատարանը՝ նախագահությամբ դատավոր Կարեն Ֆարխոյանի, այսօր որոշեց կալանավորել Արսեն Բաբայանին:

Հիշեցնենք, որ Արսեն Բաբայանը մեղադրվում է պաշտոնեական կեղծիք կատարելու եւ իշխանության յուրացմանն օժանդակելու արարք կատարելու մեջ: Ըստ ՀՔԾ-ի տարածած հաղորդագրության՝ Բաբայանը, մասնավորապես 2018 թվականին հանդիսանալով ՀՀ Ազգային ժողովի աշխատակազմի ղեկավարի տեղակալի պաշտոնակատար, օժանդակել է մի խումբ պաշտոնատար անձանց կողմից ՀՀ սահմանադրական դատարանի լիազորություններին տիրանալուն: Առաջադրված մեղադրանքում Բաբայանն իրեն մեղավոր չի ճանաչում: 

Դատարանը գտել է նաեւ, որ Արսեն Բաբայանին ձերբակալելու քննիչի որոշումը իրավաչափ չէ: 

Տպել
487 դիտում

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում

ՀՀ ֆուտբոլի հավաքականի կազմը Հունաստանի դեմ խաղում

ԱՄԷ-ի ներդրողից 515 մլն դրամ է հափշտակվել. հարուցվել է քրեական գործ (տեսանյութ)

ՇՄ նախարարության աշխատակիցներն առանց լրացուցիչ աջակցության իրականացրել են ամբողջ ՀՀ-ի թափոնավայրերի գույքագրում․ նախարար

Տնտեսական հեղափոխությունը ոչ միայն ընթացքի մեջ է, այլև ամեն օրվա հետ թափ է հավաքում. Նիկոլ Փաշինյան