Զզվելի է, որ մեր բենդն օգտագործվում է քաղաքական նպատակներով. SOAD-ի անդամները վրդովված են

System of a Down աշխարհահռչակ ռոք խմբի անդամներին վրդովեցրել է հայկական որոշ լրատվամիջոցներում իրենց մասին տարածված տեղեկատվությունը: Մամուլում կան խոսակցություններ, ըստ որոնց, 2015 թ. Հայոց ցեղասպանության 100-րդ տարելիցի կապակցությամբ Երեւանում՝ Հանրապետության հրապարակում, տեղի ունեցած համերգի համար նրանք գումար են ստացել ու գումար են ստանալու նաեւ 2020 թ. ամռանը Երեւանում կայանալիք համերգից: SOAD-ն այս առիթով հանդես է եկել պաշտոնական հայտարարությամբ: Բենդի անդամներն ընդգծում են՝ ցավում են, որ ստիպված են նմանատիպ լուրեր հերքել:

«Ցավալի է, թե ինչպես են պարզապես ոչնչից քաղաքականացնում, ինչպես է արվեստն ապատեղեկատվության միջոցով վարկաբեկվում՝ քաղաքական նպատակներով: Մենք վերջերս նկատեցինք, որ որոշ հայկական լրատվամիջոցներ տեղեկատվություն են տարածում, թե մենք շահույթ ենք ստացել Հայոց ցեղասպանության 100-րդ տարելիցի կապակցությամբ Հանրապետության հրապարակում տեղի ունեցած համերգից: Իրականությունից ավելի հեռու բան, քան սա է, հնարավոր չէր ասել: 2015 թ. մեզ հրավիրել էր Հայաստանի կառավարությունը եւ հովանավորների միջոցով փակել էր բոլոր ծախսերը, որոնք ներառում էին բեմը, տեխնիկական արտադրանքը, անձնակազմի ծախսերը, թռիչքը եւ կեցությունը: SOAD-ից կամ մեր պրոֆեսիոնալ թիմից ոչ ոք ոչ մի դրամ չի վաստակել այդ շոուից: Մենք մեծահոգաբար ընդունել ենք Երեւանում համերգ ունենալու՝ Հայաստանի ներկա կառավարության նմանատիպ առաջարկը (ամսաթիվը կհայտարարվի շուտով), եւ դրանից մեր խումբը ոչ մի աշխատավարձ չի ստանալու: Մենք ցավում ենք, որ ստիպված ենք նման հայտարարությամբ հանդես գալ: Զզվելի է, որ մեր բենդն օգտագործվում է քաղաքական նպատակներով»,- գրված է SOAD-ի հայտարարության մեջ:

Երևանյան ելույթի մասին հայտարարել էր խմբի մենակատար Սերժ Թանկյանը Հայաստանում կայացած WCIT 2019 համաժողովի ժամանակ: Համերգը ներառված է խմբի եվրոպական շրջագայության մեջ: Ինչպես նշված է շրջագայության ծրագիրը ներկայացնող կայքում, համերգներն սկսվում են 2020 թ. հունիսի 3-ին, ավարտվում՝ հուլիսի 3-ին: 14 ելույթ է նախատեսված Հոլանդիայում, Գերմանիայում, Ավստրիայում, Իտալիայում, Մեծ Բրիտանիայում, Չեխիայում, Հունգարիայում, Շվեյցարիայում, Շվեդիայում, Ֆինլանդիայում, Լեհաստանում, Պորտուգալիայում, Իսպանիայում: Հայաստանյան համերգի օրվա ու վայրի վերաբերյալ մանրամասներ դեռ չկան: Իսպանիայի տոմսերը սպառված են: Հասույթն ուղղվելու է «Իմ քայլը» բարեգործական հիմնադրամին, որն իրականացնում է ծրագրեր կրթության, առողջապահության, սոցիալական ապահովության եւ բնապահպանության ոլորտներում:

Տպել
1258 դիտում

Դավադիրներ կարող են լինել, դավադրություն՝ երբեք

Կլինեն նոր ծրագրեր, նոր դասագրքեր, քիչ տնային աշխատանք․ մշակվել են հանրակրթության պետական նոր չափորոշիչներ

Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

1983թ.-ին ծնված Վիգեն Գ.-ի ինքնասպանության փորձը կանխվել է. ԱԻՆ

ԱՄՆ-ում Սպիտակ տան դիմաց բողոքի ցույց է ընթանում՝ ընդդեմ Թրամփ-Էրդողան հանդիպման (ուղիղ)

Վայոց ձորի մարզի Զառիթափ գյուղում մոտ 1 հա բուսածածկույթ է այրվել. ԱԻՆ

Լոռու մարզի Կաթնաղբյուր գյուղի վերջնամասում մոտ 30 հա խոտածածկույթ է այրվել. ԱԻՆ

Ակադեմիկոս Յուրի Հովհաննիսյանը դարձել է Դեմիդովի մրցանակի դափնեկիր

ՀՖՖ նախագահ Արթուր Վանեցյանը հանդիպել է Հայաստանի ազգային հավաքականի հետ (տեսանյութ)

Մենք պետք է ունենանք ոչ միայն լավ երաժիշտներ, այլեւ լավ երաժշտությունը պրոպագանդողների ակտիվ շրջանակ. Տիգրան Մանսուրյան

Փոխվարչապետ Տիգրան Ավինյանն ընդունել է Գերմանիայի դեսպանին

ԵՄ-ն իր անվտանգության համար ստիպված է համագործակցել Թուրքիայի հետ. Հունգարիայի արտգործնախարար

«Forbes»-ը բացահայտել է՝ ինչ ինքնաթիռներ ունեն հայկական ծագմամբ ռուս գործարարները

Լավ կլիներ այդ ժամանակ ոչնչացած լինեի, 3 անգամ տարածվել էր մահվանս լուրը. զինհաշմանդամը ՊՆ-ից ուշադրություն է պահանջում

Ամերիկացի զինվորականները զբաղեցրել են դիրքեր՝ Սիրիայի նավթահորերի մոտ

Երկրաշարժ Շիրակի մարզի Աշոցք գյուղից դեպի 6 կմ հարավ-արևելք. ցնցման ուժգնությունը կազմել է 2-3 բալ. ԱԻՆ

Վանաձորի քաղաքային գերեզմանատան մոտակայքում խոտածածկույթ է այրվել. ԱԻՆ

Բնակիչը փորձում է ինքնասպան լինել՝ նետվելով պատուհանից. ԱԻՆ

Մել Դալուզյանն իմ անձնական պաշտպանության ներքո է․ թույլ չեմ տա ՀՀ դրոշը բարձրացրած մարդուն գցեն ոտքերի տակ․ վարչապետ

Իմ ու ՌԴ նախագահի խոսակցությունները աննախադեպ դինամիկա ունեին. Նիկոլ Փաշինյան