Մեր տնտեսությունը անկողնային հիվանդ չէ. Փաշինյանը՝ Արման Բաբաջանյանին

«Ես համաձայն չեմ այն բնորոշման հետ, որ մեր տնտեսությունն անկողնային հիվանդ է, որովհետեւ առնվազն հիմա մեր տնտեսությունը բավական լավ դինամիկա է արձանագրում»։ Այս մասին այսօր ԱԺ-կառավարություն հարց ու պատասխանի ժամանակ ասաց ՀՀ վարչապետ Նիկոլ Փաշինյանը՝ պատասխանելով պատգամավոր Արման Բաբաջանյանի հարցին, որը վերաբերում էր ենթակառուցվածքների ոլորտում ներդրումներին։

Փաշինյանը հավելեց, որ եթե այդ դինամիկան կարողանան պահպանել, մեր տնտեսությունը ամուր կկանգնի իր ոտքերի վրա եւ առաջ կգնա։

Փաշինյանի խոսքով՝ այս տարի ճանապարհաշինական աննախադեպ ծավալի աշխատանք է կատարվում, ինչը մյուս տարի կշարունակվի․

«Իմ հարցը հետեւյալն է՝ ընկերությունը, խոշոր գործարարն արդյոք աշխատում է օրինական դաշտում եւ իր հարկային պարտավորությունները կատարում է։ Ես չեմ կարծում, թե մենք պետք է տնտեսությունն ու տնտեսվարողներին անընդհատ պահենք լարված վիճակում։ Մենք այս մեկ ու կես տարվա ընթացքում հստակ ցույց ենք տվել, որ սեփականության անձեռնմխելիության իրավունքը պաշտպանում ենք հստակ։ Եթե հետեւել եք, քանի որ անընդհատ ասվում էր՝ բիզնեսը չգիտի նոր կանոնները, ի՞նչ կանոններով պետք է աշխատի, ես արդեն մի քանի անգամ այդ կանոնները հրապարակել եմ։ Առաջինը՝ մի գողացիր, երկրորդը՝ եղիր արդյունավետ, երրորդը՝ եղիր նորարար, չորրորդը՝ եղիր համագործակցող»,- ասաց Փաշինյանը։

Նա նշեց, որ այսօր էլ շատ խոշոր ներդրումները տեղի են ունենում։

«Մենք պետք է բաժանենք դերերը՝ կառավարությունը պետք է ենթակառուցվածքային ներդրումներ անի։ Իսկ որ այս պահին մեր երկրի նկատմամբ կա որոշ ներդրումային հետաքրքրություն, կարծում եմ՝ դրա մասին վկայում է նաեւ եվրոբոնդերի վաճառքի ցուցանիշը։ Այսօր փոխվարչապետը վերադարձել է ԱՄՆ-ից, որտեղ հանդիպումներ է ունեցել Արժույթի միջազգային հիմնադրամի ղեկավարների հետ։ Եվ կարծում եմ՝ այն հայտարարությունները, որ ԱՄՀ-ն անում է Հայաստանի տնտեսության մասին, ցույց է տալիս, որ միջազգային վստահությունը մեր տնտեսության նկատմամբ օր օրի մեծանում է։ Իհարկե, մենք մի շատ հայտնի խնդիր պետք է կարողանանք հանգուցալուծել, որից հետո այլ հարց մեծ հաշվով չի մնա»,- ասաց նա։

Արման Բաբաջանյանն արձագանքեց, որ նախկին օլիգարխները իրերի բերմամբ տնտեսությանը հասցրել են անդառնալի վնաս, եվ իրենք ինչ-որ իմաստով պետք է մասնակցեն երկրի ենթակառուցվածքային ծրագրերի այնպիսի ներդրումներին, որոնք երկրին երկարաժամկետ կայուն զարգացում կապահովեն։ Վարչապետն էլ պատասխանեց, որ այդ հարցն այդքան էլ պարզ չէ․

«Կա ընկերություն, որն ակնհայտ կոռուպցիոն մեխանիզմներով գործունեություն է ծավալել եւ նրա նկատմամբ կա հարուցված քրեական գործ։ Բայց այսօր նաեւ մեր տնտեսագետներն ասում են, որ եթե այս ընկերությունը սնանկանա հանկարծ, դա մեր տնտեսության համար կբերի նեգատիվ հետեւանքների։ Այնպես որ, իմ դիրքորոշումը հետեւյալն է՝ թող աշխատեն շատ, շատ հարկեր վճարեն, ենթակառուցվածքային ներդրումները կառավարությունը ինքը կանի։ Իսկ ովքեր օրինական դաշտում չեն աշխատում, պետք է գան օրինական դաշտ»,- ասաց վարչապետը։

Տպել
673 դիտում

Միհրան Ծառուկյանը բեմում ամուսնության առաջարկ արեց Արփի Գաբրիելյանին (տեսանյութ)

Գնալ խանութ եւ հանդիպել... Հայաստանի Ազգային հերոս Հովհաննես Չեքիջյանին. վարչապետը լուսանկար է հրապարակել

Արմեն Սարգսյանը պաշտոնական այցով ժամանել է Կատարի Պետություն (լուսանկարներ, տեսանյութ)

Հրաժարվում ենք պոլիէթիլենային տոպրակներից և վերցնում կտորե տոպրակներ. վարչապետն ու տիկինը գնումներ են կատարում

Նոր-Հաճնում՝ իրենց բնակարանում շմոլ գազից մահացածներից երկուսը հանդես էին գալիս «Արարատ» ՖԱ-ի կանանց թիմում

Ապօրինի ծառահատում Փամբակ գյուղի տարածքում. փայտանյութի համար փաստաթուղթ չի ներկայացվել

Հրդեհ Մեծ Մանթաշ գյուղում. 2 տների բակերում այրվել է 800 հակ անասնակեր

Առաջիկա շաբաթը կանցնի առանց տեղումների, եղանակը կտաքանա 2-3 աստիճանով

Երևանում անցկացվում է սուսերամարտի միջազգային մրցաշար

Երեւանի 5-հարկանի շենքի տանիքում բռնկված հրդեհը մեկուսացվել է

Նիկոլ Փաշինյանը ծանոթացել է Հյուսիսային ավտոկայանում իրականացվող աշխատանքներին (տեսանյութ)

Սուրբ Հովհաննես եկեղեցում մոմ վառեցինք երեկվա ողբերգության 5 զոհերի հոգիների հանգստության համար. վարչապետ (տեսանյութ)

Վիճաբանություն-ծեծկռտուք՝ Վ. Սարգսյանի անվան մարզադաշտի տարածքում. կա վիրավոր եւ բերման ենթարկվածներ

Ուկրաինայի հայ երիտասարդները հավաքվել էին մեկ հարթակում. Զարեհ Սինանյանը մասնակցել է ֆորումի

Նոր Հաճնում սուբվենցիոն ծրագրով նորոգվում է մարզադպրոց. վարչապետի շրջայցը շարունակվում է (տեսանյութ)

Ուսանողությունը մեր երկրի զարգացման գլխավոր գրավականն է. ԵՊԲՀ ռեկտոր Արմեն Մուրադյանի ուղերձը

Առողջապահության նախարար Արսեն Թորոսյանն ուղերձ է հղել ռազմական բժիշկներին

Մահճակալից կախված վիճակում հայտնաբերվել է կալանավորված անձի դին

Վարչապետը Նոր Երզնկայում է, ծանոթանում է գազաֆիկացման ծրագրին (տեսանյութ)

Արայիկ Հարությունյանը ուղերձ է հղել Ուսանողության միջազգային օրվա կապակցությամբ