Յուրաքանչյուր զոհվածի հիշատակին՝ մեկ սոսի. Արայիկ Հարությունյանի հայտարարությունը

22/10/2019 schedule22:45

Արցախում գալիք տարվա ապրիլի 2-ից կմեկնարկեն սոսիների պուրակի հիմնման աշխատանքներ, որտեղ անվանական ծառեր կտնկվեն՝ ի հիշատակ արցախյան ազատամարտում և նրա պաշտպանության սուրբ գործին իրենց կյանքը նվիրաբերած մեր տղաների:

Ինչպես հայտնում են «Ազատ հայրենիք» կուսակցության մամուլի կենտրոնից, այս մասին հայտարարել է Արցախի Հանրապետության նախկին վարչապետ և պետական նախարար, «Ազատ հայրենիք» կուսակցության ղեկավար Արայիկ Հարությունյանը:

Նա այդ հայտարարությունն արել է Քաշաթաղի շրջանի Դիսմայրի համայնքի տարածքում գտնվող, Կովկասում միակը համարվող սոսու պուրակում կազմակերպված կուսակցական միջոցառմանը:

«Երեկ ընտանիքիս անդամների հետ Քաշաթաղի շրջանի հարավային բնակավայրերից Դիցմայրի գյուղ էի այցելել, որտեղ նաև կուսակցական միջոցառում ունեինք: «Ազատ հայրենիք»-ի շարքերն ամրապնդած մեր նոր թիմակիցների կուսակցական տոմսերն, ավանդույթի համաձայն, գնացել էի անձամբ հանձնելու: Այն իմ հորդորով անցկացվել է գյուղի հարակից տարածքում գտնվող, Կովկասում միակը համարվող սոսու պուրակում: Բայց վայրի ընտրության նպատակն այլ էր: Ավանդազրույցի համաձայն՝ այդ պուրակը հիմնվել է Ավարայրում զոհված հայորդիների հիշատակին: Չգիտեմ՝ լեգենդն ինչքանով է համապատասխանում իրականությանը, բայց, կարծում եմ, կարևորը դրա խորհուրդն է, որը հազար հինգ հարյուր տարի մեր ժողովուրդը փոխանցել է սերնդեսերունդ…

Երկար ժամանակ մտածում էի՝ ինչով կամ ինչպես հավերժացնենք արցախյան ազատամարտում և նրա պաշտպանության սուրբ գործին իրենց կյանքը նվիրաբերած մեր տղաների սուրբ հիշատակը: Կային տարբեր գաղափարներ, բայց ամենահիշարժանը, որ ծնվեց օրերս, սոսյաց նոր պուրակի հիմնումն է, քանի որ քարաշեն ոչ մի կառույց չի կարող այնքան երկար կյանք ունենալ, որքան սոսենին կամ, ինչպես Արցախում ենք անվանում, տնջրին, որը նաև վերարտադրվելու հատկություն ունի: Տեղանքն ընտրել ենք Քաշաթաղի հյուսիսային հատվածում՝ Ծիծեռնավանքի հարակից տարածքում, որը բացի կլիմայական պայմաններից, խորհրդանշական իմաստ կունենա Մայր Հայրենիքի հետ մեր անխախտ կապն ավելի ամուր դարձնելու առումով:

Ծառատունկը նախատեսում ենք սկսել գալիք տարվա ապրիլի 2-ին: Խորհուրդն ու փիլիսոփայությունը ավելորդ եմ համարում մեկնաբանել:

Յուրաքանչյուր զոհված ազատամարտիկի ու զինվորի հիշատակին անվանական տունկը կկատարի իր ընտանքի ներկայացուցիչը: Իսկ հարազատներ չունեցողների և մեր հողի համար զոհված այլազգիների հիշատակը կհավերժացնենք բոլորս միասին՝ նրանց փոխարեն այդ ծառերը տնկելով:

Նախնիների օրինակով վերագնահատենք մե՛ր արժեքները և փոխանցե՛նք մեր սերունդներին…»,- գրել է Հարությունյանը:

Տպել
559 դիտում

Սրա տակ քաղաքական մանիպուլյացիաներ են. ԵՊՀ դասախոսը ուսանողական ցույցերի մասին

Ասկերանի բնակիչը ձիով պայթել է հակահետեւակային ականի վրա. տեղափոխվել է հիվանդանոց

Փարիզում գտնվող Նիկոլ Փաշինյանը այսօր եւս հանդիպել է Էմանուել Մակրոնի հետ (տեսանյութ)

Քոչարյանի եւ մյուսների գործով դատավոր Աննա Դանիբեկյանը ինքնաբացարկ չհայտնեց

Մանվել Գրիգորյանի գործը քննող դատավորը մերժեց ինքնաբացարկի միջնորդությունը

Եվրասիական տնտեսական հանձնաժողովը տեղյակ է «Սպայկա» ընկերության խնդրի մասին

Ամենահայ բրազիլացին ավարտեց կարիերան ՀՀ ֆուտբոլի հավաքականում

Մանվել Գրիգորյանը բերվել է դատարան․ պաշտպանները նախագահող դատավորին ինքնաբացարկի միջնորդություն են ներկայացրել

Փորձ է կատարվում անդադար միջնորդություններ ներկայացնելով դատական քննությունը փակուղային իրավիճակի հանգեցնել. դատախազ

Սիրիայում ՀՀ առաքելության խմբի հայ բժիշկը Հալեպի զինհոսպիտալում ծննդկանի ու նորածնի կյանքեր է փրկել

Շարունակելու եմ աշխատել հանուն մեր պետության առաջընթացի՝ մաքուր խղճով, պատասխանատու գրչով. Աբրահամ Գասպարյան

Արցախում նորածին է մահացել

Վարչապետը Փարիզի խաղաղության համաժողովի գրադարանին է հանձնել Հայկ Դեմոյանի Le Sport գիրքը (տեսանյութ)

Աննա Դանիբեկյանը հեռացավ խորհրդակցական սենյակ՝ ինքնաբացարկի վերաբերյալ որոշում կայացնելու

Գազայի հատվածում իսրայելական օդուժի ավիահարվածների հետեւանքով 2 մարդ է զոհվել, 5-ը վիրավոր են

Ռոբերտ Քոչարյանի պաշտպանները դարձյալ ինքնաբացարկի միջնորդություն ներկայացրին դատավորին

ՀՀ նախագահի նստավայրում տեղի է ունեցել նորանշանակ դատավորների երդման արարողությունը

Հանրային հեռուստաընկերության մեկնաբան Աբրահամ Գասպարյանը աշխատանքից ազատման դիմում է գրել

Երևանում 17-ամյա ուսանողը դանակահարել է 51-ամյա տղամարդուն

ԵԱՀԿ առաքելությունը դիտարկում է անցկացնելու Արցախի և Ադրբեջանի սահմանին