Ռեկտորի պաշտոնակատարի եւ նրա ատենախոսությունը վիճարկող ուսանողների պայքարը շարունակվում է. Գալոյանը կդիմի՞ վարչապետին

Հայաստանի պետական տնտեսագիտական համալսարանի (ՀՊՏՀ) ռեկտորի պաշտոնակատար Դիանա Գալոյանի եւ նրա դեմ պայքարող ուսանողների հակամարտության վերջը կարծես չի երեւում: Ուսանողները շարունակում են պնդել, որ Գալոյանի դոկտորական ատենախոսությունում եւ այլ գիտական աշխատանքներում արտագրություններ կան: Այսօր էլ հանդես են եկել այդպիսի հերթական հայտարարությամբ՝ մասնավորապես ընդգծելով, որ ռեկտորի պաշտոնակատարի ատենախոսության մեջ նույնությամբ կրկնվում են բելառուսական ուսումնական ձեռնարկի հղումները: 

Դիանա Գալոյանը չի ընդունում իրեն հասցեագրվող մեղադրանքները ու դոկտորական ատենախոսությունը ստուգելու առաջարկով ավելի վաղ դիմել էր Բարձրագույն որակավորման կոմիտե (ԲՈԿ), ինչպես նաեւ Կրթության, գիտության, մշակույթի եւ սպորտի նախարարություն (ԿԳՄՍՆ): 

ԲՈԿ նախագահ Սմբատ Գոգյանը մեզ հետ զրույցում նշեց, որ իրենք այս դեպքում իրավունք չունեն հանձնաժողով ստեղծելու, քանի որ այն ո´չ իրավական հիմք ունի, ո´չ հետեւանք: «Մենք տիկին Գալոյանին պատասխանել ենք, որ դա մեր լիազորություններից դուրս է: Մեր նախաձեռնությամբ մենք անցյալը չենք քչփորում»,- նշեց Սմբատ Գոգյանը՝ հավելելով, որ իրենք կատարում են վերադասի հանձնարարականը: Ժամանակին, երբ հանձնաժողով էր ձեւավորվել եւ ուսումնասիրվել Տնտեսագիտական համալսարանի ռեկտորի նախկին պաշտոնակատար Ռուբեն Հայրապետյանի ատենախոսությունը, նախաձեռնությունը եղել էր վարչապետինը: Հիշեցնենք, որ Հայրապետյանի ատենախոսության շուրջ նույնպես մեծ աղմուկ էր բարձրացել, նրան եւս մեղադրում էին գրագողության մեջ, ինչին հետեւեց հանձնաժողովի ուսումնասիրությունն ու, ի վերջո, Ռուբեն Հայրապետյանի աշխատանքից ազատման դիմումը:  

Տնտեսագիտական համալսարանի ռեկտորի ներկայիս պաշտոնակատար Դիանա Գալոյանը ԲՈԿ-ից ստացված պատասխանը, թե լիազորություններ չունեն, լսել է եւ դիմել ԿԳՄՍՆ: Անձամբ նախարար Արայիկ Հարությունյանին է խնդրել, որ միջնորդի, հարցը լուծում ստանա: Դիանա Գալոյանը դեռեւս պատասխան չի ստացել, սակայն հույսը չի կորցնում:

«Հանձնաժողովի ստեղծումից հետո անդամները կստուգեն իմ աշխատանքը եւ վերջ կտրվի այս մանիպուլյացիաներին»,- մեզ հետ զրույցում նշեց Տնտեսագիտական համալսարանի ռեկտորի պաշտոնակատարը: «Սա արշավ է իմ դեմ՝ իմ անձը սեւացնելու համար եւ կազմակերպված է ընդամենը մի քանի հոգու կողմից»,- նշեց նա՝ հավելելով, որ չի կարող ասել, թե ովքեր են իր նշած մի քանի հոգին եւ ինչու են փորձում իր անձը սեւացնել: Միայն մեկ բան գիտի. ստեղծված շարժման նպատակը ոչ թե ազնվությունն է, բուհում արդարություն հաստատելը, այլեւ կեղծ միջոցներով իր դեմ քայլեր կատարելը:

Գալոյանը թվարկեց բուհում եղած բարենորոգումները. կադրային թարմացումներ են արվել, բոլոր խնդիրները, որոնք վերաբերում են դասախոսներին, օպերատիվ լուծվում են: Ինքն իրեն հարց է տալիս, եթե այս ամենը միտված չէ գիտության զարգացմանը, ապա ինչի՞ն է միտված:

«Իմ դեմ սկսված շարժումը չի արվում որակյալ կրթության համար, այլ իմ անձը թիրախավորելու: Սա չի օգնելու կրթության լավացմանը»,- շարունակեց նա:

Այն հարցին, թե ատենախոսությունը ուսումնասիրող հանձնաժողով ստեղծելու համար ինչո՞ւ չի դիմում վարչապետ Նիկոլ Փաշինյանին, ռեկտորի պաշտոնակատարը պատասխանեց, որ արդեն խնդրել է Արայիկ Հարությունյանին, որ նրա, անհրաժեշտության դեպքում, վարչապետի հրամանով, ինչքան հնարավոր է շուտ ստեղծվի հանձնաժողովը: 

Անի Ավագյան

Տպել
1443 դիտում

ՀԱՅԲԻԶՆԵՍԲԱՆԿԸ մասնակցեց «Ստացիր կրթություն, գտիր աշխատանք, կառուցիր կարիերա» կարգախոսով աշխատանքի տոնավաճառին

Վարչապետ Նիկոլ Փաշինյանը Փարիզի Խաղաղության համաժողովի շրջանակում առանձնազրույց է ունեցել Էմանուել Մակրոնի հետ

Սրա տակ քաղաքական մանիպուլյացիաներ են. ԵՊՀ դասախոսը ուսանողական ցույցերի մասին

Ասկերանի բնակիչը ձիով պայթել է հակահետեւակային ականի վրա. տեղափոխվել է հիվանդանոց

Փարիզում գտնվող Նիկոլ Փաշինյանը այսօր եւս հանդիպել է Էմանուել Մակրոնի հետ (տեսանյութ)

Քոչարյանի եւ մյուսների գործով դատավոր Աննա Դանիբեկյանը ինքնաբացարկ չհայտնեց

Մանվել Գրիգորյանի գործը քննող դատավորը մերժեց ինքնաբացարկի միջնորդությունը

Եվրասիական տնտեսական հանձնաժողովը տեղյակ է «Սպայկա» ընկերության խնդրի մասին

Ամենահայ բրազիլացին ավարտեց կարիերան ՀՀ ֆուտբոլի հավաքականում

Մանվել Գրիգորյանը բերվել է դատարան․ պաշտպանները նախագահող դատավորին ինքնաբացարկի միջնորդություն են ներկայացրել

Փորձ է կատարվում անդադար միջնորդություններ ներկայացնելով՝ դատական քննությունը փակուղային իրավիճակի հանգեցնել. դատախազ

Սիրիայում ՀՀ առաքելության խմբի հայ բժիշկը Հալեպի զինհոսպիտալում ծննդկանի ու նորածնի կյանքեր է փրկել

Շարունակելու եմ աշխատել հանուն մեր պետության առաջընթացի՝ մաքուր խղճով, պատասխանատու գրչով. Աբրահամ Գասպարյան

Արցախում նորածին է մահացել

Վարչապետը Փարիզի խաղաղության համաժողովի գրադարանին է հանձնել Հայկ Դեմոյանի Le Sport գիրքը (տեսանյութ)

Աննա Դանիբեկյանը հեռացավ խորհրդակցական սենյակ՝ ինքնաբացարկի վերաբերյալ որոշում կայացնելու

Գազայի հատվածում իսրայելական օդուժի ավիահարվածների հետեւանքով 2 մարդ է զոհվել, 5-ը վիրավոր են

Ռոբերտ Քոչարյանի պաշտպանները դարձյալ ինքնաբացարկի միջնորդություն ներկայացրին դատավորին

ՀՀ նախագահի նստավայրում տեղի է ունեցել նորանշանակ դատավորների երդման արարողությունը

Հանրային հեռուստաընկերության մեկնաբան Աբրահամ Գասպարյանը աշխատանքից ազատման դիմում է գրել