Ոհմակը կկշտանա՞. «Ռոյալ-Արմենիան» ազատում է շուկան

21/10/2019 schedule10:05

Տպագրվել է «Հայկական Ժամանակ» օրաթերթի՝ 2006 թվականի հոկտեմբերի 21-ի համարում

«Ռոյալ-Արմենիա» ընկերության տնօրինությունը երեկ հրավիրված մամուլի ասուլիսում հայտարարեց առաջիկա ամիսներին ընկերության գործունեությունը Հայաստանում դադարեցնելու մասին: Ընկերության տնօրինությանը այդ քայլին են դրդում պետական մարմինները, ավելի կոնկրետ` Մաքսային պետական կոմիտեն եւ Ազգային անվտանգության ծառայությունը` իրենց ապօրինի գործողություններով:  Հիշեցնենք, որ «Ռոյալ-Արմենիայի» ղեկավարությունը ՀՀ իշխանությունների հարձակման թիրախ դարձավ այն բանից հետո, երբ ընկերության նախագահ Գագիկ Հակոբյանը դեռեւս 2004թ. ամռանը հրավիրված մամուլի ասուլիսում հայտարարեց, որ Մաքսային պետական կոմիտեի նախագահի տեղակալ Գագիկ Խաչատրյանը եւ այլ պաշտոնյաներ իրենցից կաշառք են պահանջում:

Այդ հայտարարությունից հետո` 2005թ. ԱԱԾ-ում հարուցվեց քրեական գործ, իսկ մի քանի ամիս անց այդ գործի շրջանակներում մեղադրանք առաջադրվեց «Ռոյալ-Արմենիա» ընկերության նախագահ Գագիկ Հակոբյանին եւ ընկերության փոխտնօրեն Արամ Ղազարյանին, որոնք մեղադրվում են մաքսանենգության, հարկերից խուսափելու, ապօրինի ճանապարհով ձեռքբերված գումարներ օգտագործելու եւ խարդախության մեջ: Արդյունքում, Հակոբյանը եւ Ղազարյանը 2005թ. հոկտեմբերի 11-ից կալանավորված են: «Ռոյալ-Արմենիայի» տնօրինությունը բազմիցս հայտարարել է, որ Հակոբյանի եւ Ղազարյանի դեմ սկսված քրեական հետապնդումը կեղծ փաստերի վրա է հիմնված, եւ որ ԱԱԾ քննիչները զբաղված են գործ սարքելով:

«Ռոյալ-Արմենիայի» ներկայացուցիչներն իրենց ասածները հիմնավորելու նպատակով փաստաթղթերի բազմաթիվ տրցակներ են հրապարակել: Սակայն այդ ամենը ՀՀ ղեկավարության եւ համապատասխան մարմինների մոտ ունեցել է զրո արձագանք: Այսինքն, «Ռոյալ-Արմենիայի» շուրջ իրադարձությունները զարգացել են ամբողջովին Հայաստանին բնորոշ սցենարով. քանի որ գործարարը հանդգնել է հայտարարել, թե պետական պաշտոնյան իրենցից կաշառք է ուզում, ուստի պետական կառույցները համախմբված գրոհեցին գործարարի վրա` ցույց տալու համար, թե ինչ է նշանակում կաշառք տալուց հրաժարվելը եւ այդ մասին հրապարակավ հայտարարելը: Ինչեւէ, «Ռոյալ-Արմենիայի» իրավաբան Գեւորգ Մինասյանի խոսքերով, չնայած Հակոբյանը եւ Ղազարյանը մեկ տարուց ավելի կալանավորված են, բայց իրենց ընկերությունը շարունակել է գործել:

Սակայն սեպտեմբերի վերջին պարզվել է, որ իշխանությունները որոշել են փակել «Ռոյալ-Արմենիան»: Ընկերության անունով սեպտեմբերին Հայաստան ներկրված սուրճը ՄՊԿ-ն վերցրել է արգելանքի տակ: 115 տոննա ընդհանուր քաշով սուրճը արդեն մեկ ամիս է` հասել է Հայաստան, բայց գտնվում է մաքսակետում: ՄՊԿ-ն իր գործողությունները պատճառաբանել է ԱԱԾ քննիչի որոշմամբ, ըստ որի, «Ռոյալ-Արմենիայի» անունով ներմուծվող սուրճի վրա պետք է կալանք դրվի: ՄՊԿ-ն, բեռները մաքսազերծելուց հրաժարվելուց բացի, 2 օր առաջ ընկերությանը տեղեկացրել է, որ մտադիր է «Ռոյալ-Արմենիային» վարչական տույժի ենթարկել, քանի որ վերջինիս ապրանքները առանց մաքսազերծման շարունակում են մնալ մաքսակետում:

Ստեղծված իրավիճակը, ըստ Մինասյանի, աբսուրդի թատրոն է: Այն, որ տեղի ունեցածը ապօրինություն է` կասկածից վեր է: ՀՀ օրենսդրությունը քննիչին իրավունք չի տալիս նման որոշում կայացնել: Քննիչը կարող էր արգելանք կամ կալանք դնել միմիայն մեղադրյալների գույքի, այդ թվում նաեւ «Ռոյալ-Արմենիա» ՍՊԸ-ի` Հակոբյանին պատկանող բաժնեմասի վրա, ինչն էլ նա արել է: Սակայն այս գործը վաղուց անցել է օրենքների եւ օրինականության բոլոր սահմանագծերը, եւ, ինչպես նշեցինք, «Ռոյալ-Արմենիայի» հետ տեղի ունեցածը կարելի է բնորոշել որպես իշխանությունների «վենդետա»` իրեն չենթարկված գործարարի նկատմամբ: «Ռոյալ-Արմենիայի» տնօրինությունը ստիպված է որոշում կայացնել ՀՀ-ում ընկերության գործունեությունը դադարեցնելու մասին եւ այդ մասին պաշտոնապես իրազեկել է պատկան մարմիններին:

Իսկ թե ովքե՞ր եւ ինչո՞ւ են ցանկանում «Ռոյալ-Արմենիայի» գործունեությունը դադարեցնել, թերեւս առավել դիպուկ գնահատեց Գեւորգ Մինասյանը. «Ոհմակի անդամները անպայման շահելու են «Ռոյալ-Արմենիայի»` շուկայից դուրս մղվելու եւ գործունեությունը դադարեցնելու արդյունքում, իհարկե, ոհմակում կան նաեւ նույն ապրանքատեսակն արտադրող անձինք»,- ասաց Մինասյանը: Իսկ թե ովքեր են ոհմակի անդամները` Մինասյանը հետեւյալ կերպ բնորոշեց. «Հարյուր կամ երկու հարյուր դոլարին համարժեք դրամ վաստակող պետական ծառայողը, որը նաեւ ձեռներեցությամբ զբաղվելու իրավունք չունի, ի՞նչ միջոցներով է ցոփ կյանք վարում: Այդ ամենը, իհարկե, բնորոշ է Մաքսային կոմիտեին, իհարկե, նրանք էլ են այդ խմբի մեջ մտնում»:

Վահագն Հովակիմյան

Տպել
600 դիտում

Սրա տակ քաղաքական մանիպուլյացիաներ են. ԵՊՀ դասախոսը ուսանողական ցույցերի մասին

Ասկերանի բնակիչը ձիով պայթել է հակահետեւակային ականի վրա. տեղափոխվել է հիվանդանոց

Փարիզում գտնվող Նիկոլ Փաշինյանը այսօր եւս հանդիպել է Էմանուել Մակրոնի հետ (տեսանյութ)

Քոչարյանի եւ մյուսների գործով դատավոր Աննա Դանիբեկյանը ինքնաբացարկ չհայտնեց

Մանվել Գրիգորյանի գործը քննող դատավորը մերժեց ինքնաբացարկի միջնորդությունը

Եվրասիական տնտեսական հանձնաժողովը տեղյակ է «Սպայկա» ընկերության խնդրի մասին

Ամենահայ բրազիլացին ավարտեց կարիերան ՀՀ ֆուտբոլի հավաքականում

Մանվել Գրիգորյանը բերվել է դատարան․ պաշտպանները նախագահող դատավորին ինքնաբացարկի միջնորդություն են ներկայացրել

Փորձ է կատարվում անդադար միջնորդություններ ներկայացնելով դատական քննությունը փակուղային իրավիճակի հանգեցնել. դատախազ

Սիրիայում ՀՀ առաքելության խմբի հայ բժիշկը Հալեպի զինհոսպիտալում ծննդկանի ու նորածնի կյանքեր է փրկել

Շարունակելու եմ աշխատել հանուն մեր պետության առաջընթացի՝ մաքուր խղճով, պատասխանատու գրչով. Աբրահամ Գասպարյան

Արցախում նորածին է մահացել

Վարչապետը Փարիզի խաղաղության համաժողովի գրադարանին է հանձնել Հայկ Դեմոյանի Le Sport գիրքը (տեսանյութ)

Աննա Դանիբեկյանը հեռացավ խորհրդակցական սենյակ՝ ինքնաբացարկի վերաբերյալ որոշում կայացնելու

Գազայի հատվածում իսրայելական օդուժի ավիահարվածների հետեւանքով 2 մարդ է զոհվել, 5-ը վիրավոր են

Ռոբերտ Քոչարյանի պաշտպանները դարձյալ ինքնաբացարկի միջնորդություն ներկայացրին դատավորին

ՀՀ նախագահի նստավայրում տեղի է ունեցել նորանշանակ դատավորների երդման արարողությունը

Հանրային հեռուստաընկերության մեկնաբան Աբրահամ Գասպարյանը աշխատանքից ազատման դիմում է գրել

Երևանում 17-ամյա ուսանողը դանակահարել է 51-ամյա տղամարդուն

ԵԱՀԿ առաքելությունը դիտարկում է անցկացնելու Արցախի և Ադրբեջանի սահմանին