Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

19/10/2019 schedule13:42

ՀՀ գլխավոր դատախազության կողմից իրականացվող՝ անչափահասների կողմից կամ մասնակցությամբ իրավախախտումների,  հանցագործությունների կանխարգելման, դրանց ծնող պատճառներն ու պայմանները վերացնելուն, մատաղ սերնդի մոտ քաղաքացիական իրավագիտակցության բարձրացմանն ուղղված քրեական քաղաքականության համատեքստում ՀՀ դատախազության տարածքային ստորաբաժանումները շարունակում են տարեկան ծրագրերով նախատեսված՝ հանցավորության դեմ պայքարում անչափահասների հետ տարվող ակտիվ աշխատանքները:

Ինչպես հայտնեցին ՀՀ գլխավոր դատախազության հանրային կապերի բաժնից, այդ շրջանակներում, մասնավորապես, Երեւան քաղաքի Արաբկիր եւ Քանաքեռ-Զեյթուն վարչական շրջանների դատախազության նախաձեռնությամբ նախորդ օրերին նշված վարչական շրջանների դատախազության դատախազները Երեւան քաղաքի Արաբկիր եւ Քանաքեռ-Զեյթուն վարչական շրջանների ոստիկանության բաժինների անչափահասների գործերով եւ ընտանեկան բռնության դեմ պայքարի բաժանմունքների ծառայողների հետ հանդիպումների շարք են անցկացրել Երեւան քաղաքի Արաբկիր եւ Քանաքեռ-Զեյթուն վարչական շրջաններում գործող մի շարք ուսումնական եւ հատուկ հաստատություններում:

«Քաղաքացու իրավաչափ վարքագիծը՝ որպես պետության զարգացման նախապայման», «Քաղաքացին՝ որպես իրավունքների եւ պարտականությունների կրող», ինչպես նաեւ «Իրավունքի գերակայությունը՝ որպես պետության զարգացման հիմք» խորագրերի ներքո հանդիպում-քննարկումներ են կայացել Երեւանի թիվ 54 ավագ դպրոցի, Երեւանի թիվ 129 հիմնական դպրոցի, «Հայ-չինական բարեկամության» դպրոցի աշակերտների եւ ուսուցչական կոլեկտիվների ներկայացուցիչների հետ: Դրանց ընթացքում անդրադարձ է կատարվել  առաձնակի կարեւորության այնպիսի հարցերի, ինչպիսիք են օրինակ՝ իրավունք եւ պարտականություն հասկացությունների բովանդակությունը եւ դրանց ազդեցությունը մարդու  կամ նրա վարքագծի նկատմամբ, իրավունքի եւ օրենքի դերը՝ որպես քաղաքացու վարքագծի կարգավորիչ եւ դրանց արժեքը հասարակության եւ պետության համար, իրավունքի գերակայությունը՝ որպես հիմնարար սահմանադրական սկզբունք:

Դատախազների եւ ոստիկանության ծառայողների կողմից առանձին այցելություն է կատարվել նաեւ նշված  վարչական շրջանում գործող «Զատիկ» մանկատուն: Սաների հետ հանդիպման ընթացքում անդրադարձ է կատարվել քաղաքացիների իրավաչափ վարքագծի կարեւորությանը, հասարակական հարաբերություններում իրավունքի եւ օրինականության ապահովման անհրաժեշտությանը, օրենքի հանդեպ վերաբերմունքին, պատասխանատվության անխուսափելիության, իրավաընկալմանը վերաբերող խնդիրներին:

Բոլոր հանդիպումների ընթացքում դատախազների կողմից շեշտադրում է կատարվել հատկապես հանցավոր վարքագծի ձեւավորման կրիմինոգեն գործոնների, անչափահասներին իրավախախտման մղող բացասական ազդակների ազդեցությունից զերծ մնալու անհրաժեշտության վրա: Աշակերտներն իրազեկվել են հանցավոր արարքների կատարման քրեիրավական հետեւանքների, անչափահասներին քրեական պատասխանատվության ենթարկելու առանձնահատկությունների, քրեական դատավարության շրջանակներում նրանց իրավունքների պաշտպանության երաշխիքների մասին:

Հանդիպումներն ընթացել են ակտիվ երկխոսության ձեւաչափով, որոնց ընթացքում աշակերտներն իրենց հետաքրքրող հարցերն են ուղղել, մասնավորապես, մեղադրանքի, քրեական իրավունքի եւ քրեական դատավարության, հանցավորության դեմ պայքարում քաղաքացու եւ հասարակության դերակատարության եւ այլնի վերաբերյալ:  

Կարեւորելով նման քննարկումների կանխարգելիչ եւ կրթադաստիարակչական նշանակությունը՝ հանդիպումների արդյունքում պայմանավորվածություն ձեռք բերվեց դրանք պարբերական դարձնելու վերաբերյալ:

 

Տպել
412 դիտում

Վրաստանում 2020-ին աշխատավարձերն ու թոշակները կավելանան

Պուտինը պատրաստվում է տարեվերջյան մամուլի ասուլիսին. հանդիպումը տեւելու է 3 ժամից ավելի

Բորիս Ջոնսոնի տպավորիչ հաղթանակը. եթե արդյունքները հաստատվեն, Մեծ Բրիտանիան դուրս կգա ԵՄ կազմից

Մարմնի 90 տոկոս այրվածքներով բուժօգնության է տեղափոխվել մի տղամարդ

Արամուսում, Գեղաշենում և Վերին Պտղնիում զրոյից կառուցվում են նոր մանկապարտեզների շենքեր

Հայերն ԱՄՆ-ին պետք չեն, 1915-ի դեպքերը՝ նույնպես. Թուրքիայում շարունակում են կոշտ արձագանքել ԱՄՆ-ի Սենատի որոշմանը

ՀՀ ՔՏՀԱ տեսչական մարմինը խախտումներ է արձանագրել Կոտայքի մարզի մի շարք համայնքներում

Արտաշատի պետական դրամատիկական թատրոնը նոր դահլիճ ունի

Պարգևատրվել են ոստիկանները (տեսանյութ, լուսանկարներ)

Բարձր եմ գնահատում Սենատի որոշումը և ձեզ ու ամերիկացի ժողովրդին եմ փոխանցում հայ ժողովրդի երախտագիտությունը․ նախագահ

Դպրոցականի դանակահարության հերթական դեպքն է տեղի ունեցել. տուժածը տեղափոխվել է հիվանդանոց

ԵԱՏՄ անդամ երկրների համար կձևավորվի գազի ընդհանուր շուկա. Տիգրան Սարգսյան

Վանաձոր-Ալավերդի-Բագրատաշեն ավտոճանապարհը փակ է բեռնատարների համար

Այս օրը պատմական է ոչ միայն հայերի, այլեւ Թուրքիայի ժողովրդի համար. թուրք պատմաբան-ցեղասպանագետ

Ժամը 20:45-ի դրությամբ ՀՀ տարածքում կան դժվարանցանելի ավտոճանապարհներ. ԱԻՆ

Աթենքում կայացել է ՍԾՏՀԿ անդամ պետությունների ԱԳ նախարարների խորհրդի 41-րդ հանդիպումը

Ռուբեն Ռուբինյանն ընդունել է Հայաստանում Չինաստանի դեսպանին

Քննարկվել է Ադրբեջանի կողմից հրադադարի ռեժիմի կոպիտ խախտման դեպքը. ԱՀ ԱԳՆ նախարար Մ. Մայիլյանը հանդիպել է Ա. Կասպշիկին

Երբ մարդ 16 տարի ֆուտբոլում է, ազդեցություն կարող է ունենալ. Մելիքբեկյանը՝ Ռուբեն Հայրապետյանի եւ այլ թեմաների մասին

Կամավոր հանձնել են «Մակարովի» նմանվող ատրճանակ, «Կալաշնիկով» ինքնաձիգ, պայթուցիչներով երկու նռնակ (տեսանյութ)