Մեր տարածաշրջանը վառոդի տակառ է, մեր անվտանգության երաշխիքները՝ երկուսը

19/10/2019 schedule13:25

Թուրքական բանակի ներխուժումը Սիրիա կտրուկ սրեց իրադրությունը մեր տարածաշրջանում, եւ շատերի կարծիքով՝ լարվածությունը գնալով միայն ավելանալու է: Այդ ներխուժումն առիթ դարձավ, որ հայկական քաղաքական միտքը վերջապես փորձի ավելի լրջորեն վերլուծել այն ամենը, ինչ տեղի է ունենում «մեր քթի տակ», ու համապատասխան եզրակացություններ անի: Բայց ստացվեց այնպես, որ գրեթե բոլորն ավելի շատ խոսում են այն մասին, թե ինչպես պետք է դասեր քաղել պատմությունից, թե ինչպես քրդերը դասեր չքաղեցին՝ անցած դարասկզբին որպես գործիք օգտագործվելով հայերի դեմ ու չհասկանալով, որ մի օր էլ իրենց նկատմամբ են նույնն անելու, թե «թուրքը մնում է թուրք», եւ այլն, իսկ թե ինչ դասեր պիտի քաղենք ինքներս՝ այդ մասին ոչ մի խոսք: Ավելին՝ բանն այնտեղ է հասել, որ հրապարակավ կարծիքներ են հնչում, թե պետք է օգտվենք առիթից, որ «թուրքական բանակի գլուխը խառն է», ու մտնենք Նախիջեւան, ամբողջ ճակատով հարձակվենք Ադրբեջանի ուղղությամբ, եւ այլն:

Մինչդեռ թուրքական ներխուժումը Սիրիայի տարածք ու քրդական բնակավայրերի ոչնչացումն իսկապես լուրջ եզրակացությունների հիմքեր է տալիս, եւ մենք պարտավոր ենք որոշակի հետեւություններ անել: Առաջին՝ պետք է արձանագրել, որ պետությունների միջազգային սահմաններն այնքան էլ անձեռնմխելի չեն, եւ պետական սահմանի առկայությունն ինքնին անվտանգության երաշխիք չէ: Երկրորդ՝ որեւէ պետության սահմանները խախտած երկրի նկատմամբ ընդամենը պատժամիջոցներ կկիրառվեն (ընդ որում՝ այնպիսի պատժամիջոցներ, որոնք առանձնապես չեն վնասի այդ երկրին), կլինեն կոշտ հայտարարություններ, բայց դրանից այն կողմ միջազգային հանրությունը չի գնա: Պարզ ասած՝ «բրիտանական նավերը չեն բարձրանա Քրդստանի լեռները»: Երրորդ՝ գերտերություններն իրենց «կրտսեր դաշնակիցներին» լքելու եւ միայնակ թողնելու մեջ ոչ մի արտառոց բան չեն տեսնում, եթե դա բխում է իրենց շահերից, իսկ «դավաճանություն», «անբարոյականություն» եւ նման կարգի այլ չափանիշները միայն թույլերի համար են ինչ-որ արժեք ներկայացնում:

Այս արձանագրումներից հետո բոլորիս համար հասկանալի պիտի լինի, որ մեր տարածաշրջանը վառոդի տակառ է, ընդ որում՝ իրադարձությունները զարգանում են շատ արագ, իսկ մեր անվտանգության երաշխիքներն ընդամենը երկուսն են: Առաջին՝ հզոր եւ մարտունակ բանակ (որպեսզի որեւէ երկիր Հայաստանի վրա հարձակվելու որոշում կայացնելուց առաջ շատ երկար մտածի՝ արժե՞ այդպիսի ռիսկի գնալ, թե ոչ), եւ երկրորդ՝ շատ ճկուն եւ ակտիվ արտաքին քաղաքականություն (այսինքն՝ այնպես անել, որ ուժային բեւեռներից որեւէ մեկին ձեռնտու չլինի Հայաստանը մեծ պատերազմի մեջ ներքաշելը):

Առաջին հայացքից կարող է թվալ, թե սա անառարկելի ճշմարտություն է, եւ այս հարցում մեզանում տարակարծություններ չպիտի լինեն: Բայց պարզվում է՝ Հայաստանում քիչ չեն «քաղաքական ուժերն» ու «գործիչները», ովքեր ճիշտ հակառակն են անում: Անիմաստ լարվածություն են ստեղծում իշխանությունների եւ բանակի միջեւ (այսինքն՝ թուլացնում են բանակը), հայտարարում են, որ մեր անվտանգության միակ երաշխիքը Ռուսաստանն է ու միաժամանակ ամեն ինչ անում են՝ հայ-ռուսական հարաբերությունները փչացնելու համար, ու իբր դա քիչ է՝ առաջարկում են այդ ամենին զուգահեռ նաեւ զորք ուղարկել Սիրիա:

Լավ է գոնե, որ Հայաստանի իշխանությունները հասկանում են իրավիճակի լրջությունը եւ առաջնորդվում են բացառապես պետական շահերով: Որովհետեւ արտաքին քաղաքականության մեջ պրագմատիզմն այլընտրանք չունի: Ինչ-ինչ, բայց այդ դասը մենք հաստատ յուրացրել ենք:

Տպել
3666 դիտում

Տավուշի ոստիկանները 4 տարի առաջ կատարված ոսկե շղթայի գողություն են բացահայտել (տեսանյութ)

Արմեն Սարգսյանը Կատարի ղեկավարին հրավիրել է պաշտոնական այց կատարել Հայաստան

ՀՀ տարածքում ճանապարհներն անցանելի են. Ստեփանծմինդա-Լարս ավտոճանապարհը բաց է բոլոր տեսակի մեքենաների համար

Նոյեմբերի 28-ը կնշվի՝ որպես Հատուկ քննչական ծառայողի օր

Կենդանաբանական այգու տնօրենի ազատման դիմումը ստորագրվել է. Իրանից հրավիրված փոխտնօրենը ՀՀ քաղաքացիություն կստանա

Հեղափոխակա՞ն է 2020 թվականի բյուջեն, թե՞ ոչ. պատգամավորի կարծիքով՝ քաղաքացին իր կաշվի վրա կզգա դա

Բակո Սահակյանը ստորագրել է հրամանագիր 2020 թվականի ձմեռային զորակոչ եւ զորացրում կատարելու մասին

ՀՀ վարչապետը Միլանում հանդիպել է Լոմբարդիայի շրջանի փոխնահանգապետի հետ (տեսանյութ)

Ադրբեջանից բռնագաղթած, ժամանակավոր կացարանում փաստացի բնակվող 112 ընտանիքի համար ձեռք կբերվեն բնակարաններ

Ցմահ ազատազրկվածը կարող է ներման խնդրագիր գրել 15 տարի պատիժը կրելուց հետո

Մեկ շաբաթում Հայաստանում և Արցախում 2-3 բալ և ավելի ուժգնությամբ գրանցվել է 2 երկրաշարժ

Յոթ մարդու մահվան պատճառ դարձած Զոդ-ի կամրջի վթարի քրեական գործի նախաքննությունն ավարտվել է

Վարչապետի աշխատակազմին պատկանող 3 ավտոմեքենա փոխանցվեց Պետական պահպանության ծառայությանը

Կառավարությունն արտոնություն տրամադրեց «ՆՅՈՒՊԼԱՍՏ» եւ «ԹՐԵՅԴ ԷՔՍՊՈՐՏ» ընկերություններին. 65 նոր աշխատատեղ կստեղծվի

«Գոլդեն Փելիս» հյուրանոցային համալիրը դասական աճուրդով կօտարվի. մեկնարկային գինը 7 մլրդ 526 մլն դրամ

Պարզվել են Սևան-Մարտունի ավտոճանապարհին տեղի ունեցած զինված միջադեպի մի շարք հանգամանքներ. մեկ անձ կալանավորվել է

Կառավարությունը հավանություն տվեց ոստիկանության կողմից իրականացվող հարցաքննությունները տեսաձայնագրելու նախագծին

Կապիտալ վերանորոգվել են 34 հրշեջ-փրկարարական ջոկատներ. տնտեսվել է 300 միլիոն դրամ (տեսանյութ)

ՀՀ քաղաքացիները 30 օրվա ընթացքում ազատ են Ղազախստանի տարածքում հաշվառվելու պարտավորությունից

Փորձի փոխանակման ծրագրի շրջանակներում ՀԿԵ մեքենավարները կաշխատեն Կույբիշևի երկաթուղում