Հակատուբերկուլոզային դիսպանսերը դեռ չի փակվի, սակայն քննարկվում է կառույցին տրվող ֆինանսական միջոցների կրճատման հարցը

Երեւանի Հակատուբերկուլոզային դիսպանսերի աշխատակիցներն այսօր առավոտյան հիվանդ չեն ընդունել. բժիշկներն Առողջապահության նախարարության շենքի դիմաց բողոքի ցույց էին անցկացնում՝ դժգոհելով, որ նվազել է կենտրոնի ֆինանսավորումը, ինչի պատճառով կառույցը փակման եզրին է գտնվում:

Բողոքի ցույցի մասնակիցները լրագրողների հետ զրույցում նշում էին, որ ֆինանսավորումն այնքան է նվազել, որ հիմնարկը չի կարող գոյատեւել, դժվար կլինի աշխատավարձեր վճարել, իսկ այլ ծախսերի մասին խոսք չկա: Վերջին տարիներին իրենց մոտ հիվանդները պակասել են, պատճառն ըստ աշխատակիցների, առողջապահության նախարարության տարիներ առաջ մշակած ծրագիրն է. այժմ հիվանդության առկայության դեպքում՝ պացիենտները նախ գնում են պոլիկլինիկա, իսկ առաջ պատկերն այսպիսին չէր. նախ իրենց մոտ էին գալիս:

Առողջապահության նախարարությունից, մեր հարցին ի պատասխան, նշեցին, որ Հակատուբերկուլոզային դիսպանսերին նախարարությունը տարեկան տրամադրել է մոտ 143.5 միլիոն դրամ: Ինչպես նշեց նախարարության մամուլի խոսնակ Ալինա Նիկողոսյանը, 2019 թվականի ֆինանսական ծավալում փոփոխություն չի եղել, դրա շուրջ դեռեւս քննարկումներ են իրականացվում:

Առողջապահության նախարարությունն ավելի ուշ հայտարարություն տարածեց, որում մասնավորապես նշված է, որ հաշվի առնելով վերջին տարիներին Հայաստանում տուբերկուլոզով հիվանդացության կայուն նվազումը եւ տուբերկուլոզային ստացիոնար բուժում իրականացնող կազմակերպությունների թերբեռնվածությունը՝ նախարարությունը ձեռնարկել է ստացիոնար բուժում իրականացնող կազմակերպությունների օպտիմալացում, այդ թվում՝ պետական բյուջեից տրամադրվող ֆինանսական միջոցների կրճատում։

«Հաշվի առնելով Առողջապահության համաշխարհային կազմակերպության կողմից առաջարկվող եւ միջազգայնորեն ընդունված տուբերկուլոզային բուժման հիվանդակենտրոն մոդելը՝ տուբերկուլոզային ծառայությունն ուժեղացվում է առողջության պահպանման առաջնային օղակում՝ պոլիկլինիկաներում՝ առավել հասանելի դարձնելով բնակչության համար»,- նված է նախարարության տարածած հաղորդագրության մեջ:

Նշենք, որ Երեւանի Հակատուբերկուլոզային դիսպանսերը գտնվում է քաղաքապետարանի ենթակայության տակ: Քաղաքապետի մամուլի քարտուղար Հակոբ Կարապետյանը մեզ հետ զրույցում նշեց, որ այս պահի դրությամբ՝ կենտրոնը փակելու որոշում դեռեւս չկա, Առողջապահության նախարարությունում իրականացվում են քննարկումներ՝ պետական բյուջեից տրամադրվող ֆինանսական միջոցների կրճատման վերաբերյալ:

Թեմայի հետ կապված «Ֆեյսբուք» սոցիալական ցանցի իր էջում հայտարարություն է տարածել նաեւ Առողջապահության նախարար Արսեն Թորոսյանը: Վերջինիս պնդմամբ՝ մեր երկրին հակատուբերկուլոզային բազմաթիվ հիվանդանոցներ պետք չեն, քանի որ տուբերկուլոզը՝ որպես հիվանդություն, նահանջում է եւ մոտակա տարիներին ընդհանրապես վերանալու է։

«Մեր երկրին այս շրջափուլում անհրաժեշտ է ընդամենը 1 պրոֆիլային ստացիոնար բժշկական կենտրոն՝ տուբերկուլոզի բուժման համար եւ ԱԱՊ հաստատություններ, ինչպիսիք են պոլիկլինիկաները»,- գրել է Թորոսյանը: 

Նախարարը նշել է, որ մինչ իր պաշտոնավարումն էլ Երեւանի տուբդիսպանսերը չի դադարել ֆինանսավորվել պետական բյուջեից միայն նեղ անձնական շահերի շնորհիվ՝ դիսպանսերի ղեկավարության եւ քաղաքապետարանի բուժվարչության միջեւ, որոնք մինչ օրս էլ ուժի մեջ են։

«Իմ պաշտոնավարման հենց սկզբից հակատուբերկուլոզային ծառայությունների օպտիմալացման գործընթացը մտել է նոր փուլ եւ շարունակվելու է։ Ի դեպ, սկիզբը եղել է Դիլիջանի հակատուբերկուլոզային դիսպանսերի տարեկան 300 մլն դրամ ֆինանսավորման դադարեցումը, որը չուներ որեւէ հիմք ապացուցողական բժշկության տեսանկյունից»,- իր գրառման մեջ նշել է Թորոսյանը:

Թեմայի վերաբերյալ «Ֆեյսբուք» սոցիալական ցանցում գրառում է կատարել նաեւ Երեւանի ավագանու «Լույս» խմբակցության անդամ Դավիթ Խաժակյանը: Վերջինս դիսպանսերի ֆինանսավորման կրճատման հարցը հեռատեսական չի համարում, քանի որ վերջինիս կարծիքով՝ պոլիկլինիկաներում տուբերկուլոզի դեմ պայքարի համար նախատեսված սրահները հարմարեցված չեն՝ նման գործառույթների պատշաճ իրականացման համար։

«Ներկայումս տուբերկուլյոզով հիվանդների մեծ մասը իրենց վերջնական ախտորոշումը ստանում են հենց այս դիսպանսերում եւ վերջինիս փակումը կնշանակի, որ սոցիալապես այս խոցելի շերտը պետք է հասնի քաղաք Աբովյան, որպեսզի կարողանա համապատասխան բուժզննում անցնել»,- գրել էր Դավիթ Խաժակյանը՝ հավելելով, որ այսպես ունքը սարքելու տեղը՝ աչքն էլ ենք հանում։

«Ավագանու հարցուպատասխանի ժամանակ բարձրաձայնել էի բուժանձնակազմի կողմից ինձ հասցեագրված մտահոգությունները եւ հույս ունեի, որ նախարարը քննարկման դաշտ կստեղծի այդ թվում նաեւ բուժանձնակազմի հետ»,- նշել է Խաժակյանը՝ հավելելով, որ հարցի վերաբերյալ ակնկալում է լայն քննարկում, ոչ թե մակերեսային ձեւակերպումներ, որոնք այսօր նախարարության կողմից տարածվեցին հայտարարության տեսքով։

Արդյոք պոլիկլինիկաներն այսօր պատրաստ են իրականացնել տուբերկուլոզի դեմ պայքարի համար նախատեսված գործառույթները եւ արդյոք տուբկենտրոնների օպտիմալացմանը զուգընթաց փորձ է արվում պոլիկլինիկաներում պատշաճ մակարդակի բերել այդ կաբինետները, որպեսզի չստացվի այնպես՝ ստացիոնար հաստատությունները փակվեն, իսկ առաջնային օղակն ի վիճակի չլինի նոր բեռ վերցնել:  Առողջապահության նախարարությունից պատասխանեցին, որ գերատեսչությունը միայն զբաղվում է տվյալ կենտրոնի ֆինանսավորմամբ եւ իրավասու չէ պատասխանել նման հարցի, քանի որ կառույցը գտնվում է Քաղաքապետարանի ենթակայության տակ:  Քաղաքապետի մամուլի քարտուղար Հակոբ Կարապետյանն էլ նշեց, թե քանի որ կառույցը փակելու վերաբերյալ որոշում դեռեւս չկա, քաղաքապետարանի ենթակայության տակ գտնվող կենտրոնի հետագա աշխատանքի, աշխատողների վերադասավորման եւ հիվանդության համար պոլիկլինիկաները կենտրոն դարձնելու հետ կապված ոչ մի բան չեն կարող ասել, իսկ մասնագետների հետագա զբաղվածության հարցն իրենց ուշադրության կենտրոնում է:

Տպել
2541 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ