«5-րդ Ալիք»-ի սեփականատեր Արմեն Թավադյանը դատարան չէր ներկայացել. նիստը հետաձգվեց

15/10/2019 schedule14:39

Երեւան քաղաքի ընդհանուր իրավասության դատարանի Կենտրոնի նստավայրում՝ դատավոր Կարեն Ֆարխոյանի նախագահությամբ, այսօր մեկնարկեց, ապա րոպեներ անց հետաձգվեց «5-րդ Ալիք»-ի սեփականատեր Արմեն Թավադյանի գործով դատական նիստը:

Թավադյանին մեղադրանք է առաջադրվել այն բանի համար, որ նա 2019 թ․ մայիսի 13-ին Երևան քաղաքի Գյուլիքեխյան 20 հասցեում գտնվող Երևան քաղաքի ընդհանուր իրավասության դատարանի Ավան նստավայրի վարչական շենքի առաջին հարկում քննությամբ դեռևս չպարզված մի խումբ անձանց հետ դիտավորությամբ կոպիտ կերպով խախտել է հասարակական կարգը:

Այդ օրը Քոչարյանի աջակիցների եւ քաղաքացիական ակտիվիստ Վարդգես Գասպարիի մասնակցությամբ միջադեպ էր տեղի ունեցել. Գասպարիի ձեռքից վերցրել էին պաստառը, ապա ջրով լի շշով հարվածել դեմքին։ Այտոսկրի վնասվածք ստացած Գասպարին հայտարարել էր, որ Քոչարյանի կողմնակիցներն են արարքի հեղինակները։

Դատական նիստն սկսվելուն պես նախագահող դատավոր Կարեն Ֆարխոյանը տեղեկացրեց, որ դատարանը գրություն է ստացել Թավադյանի պաշտպան Հովհաննես Խուդոյանից, որտեղ վերջինս նշել է, որ մասնակցում է նախապես նշանակված մեկ այլ նիստի, ուստի այդ պատճառով չի կարող ներկայանալ, ըստ Խուդոյանի՝ չի կարող ներկայանալ նաեւ Արմեն Թավադյանը:

Խուդոյանի կողմից մատնանշված նիստը Քոչարյանի եւ մյուսների վերաբերյալ այսօր նշանակված նիստն էր:

Սրա վերաբերյալ հայտարարությամբ հանդես եկավ տուժող Գասպարիի ներկայացուցիչ Տիգրան Եգորյանը: Վերջինս տեղեկացրեց, որ պաշտպանի դիմումի մեջ նշված տեղեկատվությունը մասնակի է համապատասխանում իրականությանը: «Ժամը 1-ին նշանակված է եղել մի նիստ, որին ես էլ՝ որպես տուժողների ներկայացուցիչ, մասնակցել եմ, սակայն այդ նիստը հետաձգվել է, չի կայացել: Այս պահին այդ նիստով պայմանավորված որեւէ մեկը չի կարող պատճառաբանել այս նիստի հետաձգումը: Ինչ վերաբերում է Արմեն Թավադյանին, ապա ինքը նշված նիստով (Քոչարյանի եւ մյուսների,-հեղ.) որեւէ մասնակցություն չունի, նրա մասնակցությունն այդ նիստով ընդամենը, այսպես ասած, երկրպագուների խմբի մասնակցության կարգավիճակ է՝ ի պաշտպանություն Քոչարյանի եւ այդ կարգավիճակով այս նիստից բացակայությունը չի կարող հարգելի համարվել: Հետեւաբար ես խնդրում եմ Թավադյանի բացակայությունը հարգելի չհամարել»,- հայտարարեց Եգորյանը:

Մեղադրող դատախազ Մարտին Արզումանյանը միացավ Եգորյանի հայտարարությանը եւ միջնորդեց բերման ենթարկել Արմեն Թավադյանին: Դատարանը, սակայն, որոշեց եւս մեկ անգամ ծանուցել կողմերին: Այսպիսով՝ պաշտպանական կողմի բացակայության պատճառով դատական նիստը հետաձգվեց եւ նշանակվեց նոյեմբերի 13-ին՝ ժամը 15:00-ին:

Տպել
1651 դիտում

ՏԻՄ ընտրություններից հետո միայն 1 վերահաշվարկի իրականացման դիմում է եղել, որն էլ մերժվել է. Մուկուչյան

Վանաձորի Հայքի հրապարակը երբեւէ նման լուսավորություն չի ունեցել (լուսանկարներ)

Ադրբեջանում խոսքի ազատության հարցում դեռեւս չկա առաջընթաց. ԵԽ-ն զեկույց է հրապարակել

Տավուշում հակամարտության սրման դեպքում բնակչության ներհոսքը դեպի Իջեւան կազմակերպելուն ուղղված վարժանք է անցկացվել

Մարզի ղեկավարի պահանջն է. նոր Հայաստանում նման բացթողումներն անընդունելի են

Թալիբները թիրախավորել են Աֆղանստանի խոշորագույն ամերիկյան ռազմաբազան. զոհվել է 2, վիրավորվել՝ 73 բնակիչ

Գյումրիում Toyota-ն գլխիվայր շրջվել է, կա վիրավոր

Արմավիրում քննարկվել է 2019-2025 թթ. Հայաստանի տարածքային զարգացման ռազմավարության նախնական ամփոփ տարբերակը

Շենգավիթի համալիր սոց. ծառայությունների նորաբաց տարածքային կենտրոնը տարեկան 15.000 քաղաքացու կսպասարկի

ՌԴ Տուլայի մարզը հետաքրքրված է Հայաստանով. ՀՀ Էկոնոմիկայի նախարարություն

Դատավոր Արշակ Վարդանյանն առանց քննության է թողել Ռոբերտ Քոչարյանի պաշտպանների բողոքը

Շատ կարեւոր էր, որ Արամ Խաչատրյանին մարմնավորող դերասանը հայ լինի. կայացավ «Սուսերով պար» ֆիլմի պրեմիերան

Արդարադատության փոխնախարար Քրիստիննե Գրիգորյանն ընդունել է Միացյալ Թագավորության պատվիրակությանը

Տղամարդը կնոջ մասին վարկաբեկող տեղեկություններ հրապարակելու սպառնալիքով պահանջել է 1 մլն 700 հազար դրամ (տեսանյութ)

Նիկոլ Փաշինյանը Նոր տարին կդիմավորի Հանրապետության հրապարակում. նրա ամանորյա ուղերձը կհեռարձակվի հրապարակից

Վահան Թումասյանն այս պահին դիմում է ՀՀ իշխանություններին, ԱԺ պատգամավորներին, ՀՀ ոստիկանությանը

Խուսափեք նոր պարտքերի կուտակումից. Սուրեն Պապիկյանը տարեվերջյան ամփոփիչ խորհրդակցություն է անցկացրել ՋՕԸ տնօրենների հետ

Բանտարկված լրագրողների թվով Չինաստանը և Թուրքիան ռեկորդ են գրանցել

Իրականացվում են Հյուսիս-հարավի Տրանշ-4-ի Քաջարան-Ագարակ հատվածի նախագծման աշխատանքները

2022 թվականից Ֆրանսիայում նվազագույն կենսաթոշակը կկազմի 1000 եվրո. Էդուար Ֆիլիպ