Թուրքիան գնդակոծում է սիրիական, Սիրիան՝ թուրքական բնակավայրերը. աշխարհը հետեւում է նոր պատերազմին

Թուրքիայի կողմից սկսված թուրք-սիրիական պատերազմի արդյունքում շարունակում են զոհվել խաղաղ բնակիչներ 2 կողմերից էլ:

Ի պատասխան թուրքական բանակի հրետակոծությունների, Սիրիայի քրդական ուժերը շարունակում են հրետակոծել թուրք-սիրիական սահմանին գտնվող թուրքական բնակավայրերը։ Այս անգամ հրետակոծվել է թուրք-սիրիական սահմանին մոտ գտնվող Շանլըուրֆա նահանգի Սուրուչ շրջանը, ինչի հետևանքով սպանվել է 2 քաղաքացիական անձ, ևս 2-ն էլ վիրավորվել են։

Demokrathaber թերթին թուրքական աղբյուրը նշել է, որ Սիրիայի տարածքում քուրդ զինյալների դեմ սկսված «Խաղաղության ակունք» ռազմական գործողությունից ի վեր, քրդերի հրետակոծությունների հետևանքով սպանված քաղաքացիական անձանց թիվը հասել է 7-ի։ 

Թուրքական NTV հեռուստաալիքն էլ հայտնել է, որ Թուրքիայի Մարդին նահանգի Նուսայբին քաղաքում՝ Սիրիայի տարածքից գնդակոծման ժամանակ 2 լրագրող է վիրավորվել:

Ավելի վաղ Սիրիայի քրդական ուժերը, որոնց թուրքերն ահաբեկչական խմբավորման անդամներ են համարում, կրակ էին բացել Մարդինի, ինչպես նաև թուրք-սիրիական սահմանին գտնվող Աքչաքալե և Ջեյնարփինար շրջանների ուղղությամբ:

Daily Sabah-ն էլ հայտնում է, որ պատասխան գործողությունների ժամանակ քրդերը ականանետերից են կրակ արձակել թուրքական Սուրուչ քաղաքի ուղղությամբ:

Սիրիայի Ղամիշլի քաղաքում էլ երեկոյան պայթյուն է որոտացել։ Այս մասին հայտնում է Սիրիայի հայերի «Գանձասար» լրատվամիջոցը։

Աղբյուրը նշել է, որ պայթեցվել է ավտոմեքենա։ «Ղամիշլիում կացությունը մնում է լարված։ Լսվում են մոտակա շրջաններում տեղի ունեցող բախումների ձայները։ Թուրքական օդուժը ռմբակոծում է շրջանը։ Ազգային վարժարանները երրորդ օրն է փակ են  անվտանգությունից ելնելով։ Նշենք, որ Ղամիշլին հայաշատ բնակավայր է:

ՀՀ Սփյուռքի գործերի գլխավոր հանձնակատար Զարեհ Սինանյանը հայտնել էր, որ Թել Աբյադ քաղաքից հայ բնակչությունը դուրս է եկել՝ բացառությամբ մեկ անձի, որը սկզբունքայնորեն չի ուզում դուրս գալ: Ըստ հանձնակատարի, Թել Աբյադը արդեն շրջափակված է թուրքամետ զորքերի կողմից, Ռաս էլ Այնում նույն վիճակն է, իսկ Ղամիշլիի բնակչությունը դեռ այնտեղ է եւ մտադրություն չունի դուրս գալ: Թել Աբյադից Հալեպ տեղափոխված հայ ընտանիքներն ապահով պայմաններում են:

Աշխարհում գործող գրեթե բոլոր լրատվականների վերջին օրերի անդրադարձերի գլխավոր թեմաների շարքում թուրք-սիրիական պատերազմն է: Աշխարհի տասնյակ երկրներ արդեն դատապարտել են Էրդողանի կողմից սկսված ռազմական գործողությունները, մի շարք երկրներ հայտարարել են, որ դադարեցնում են Թուրքիային զենքի վաճառքը:

Այսօր էլ հայտնի դարձավ, որ Իսպանիայի պաշտպանության նախարար Մարգարիտա Ռոբլեսը հանդես է եկել հայտարարությամբ: Euronews- փոխանցմամբ, Ռոբլեսն ասել է, որ եթե Թուրքիան շարունակի ռազմական գործողությունները Սիրիայի հյուսիսում, ապա պաշտոնական Մադրիդն Ադանա քաղաքում գտնվող ՆԱՏՕ-ի Ինջիրլիք ռազմաբազայից դուրս կբերի իր բոլոր Patriot զենիթահրթիռային ՀՕՊ համակարգերը։

Հայտարարությամբ է հանդես եկել նաեւ Եվրախորհրդի նախագահ Դոնալդ Տուսկը՝ բացարձակ անթույլատրելի համարելով Թուրքիայի նախագահ Ռեջեփ Թայիփ Էրդողանի սպառնալիքները, հայտնում է Reuters գործակալությունը:

««Եվրոպան սիրիացի փախստականներով հեղեղելու» մասին Էրդողանի սպառնալիքները անթույլատրելի են: Մեր գլխավոր անհանգստությունն այն է, որ իր գործողությունները կարող են հերթական մարդասիրական աղետի հանգեցնել: Մենք անընդունելի ենք համարում, երբ փախստականները որպես շանտաժի գործիք են կիրառվում»,-ասել է Տուսկը: 

Հիշեցնենք, որ քրդերի դեմ «Խաղաղության ակունք» ռազմական գործողությունը մեկնարկել է հոկտեմբերի 9-ին։ Թուրքական զինուժի ներխուժումը Սիրիա տեղի ունեցավ այն ժամանակ, երբ ամերիկյան զինված ստորաբաժանումները լքեցին Եփրատ գետի արևելյան հատվածը։ 

Տպել
1011 դիտում

Նոր-Հաճնի բնակարաններից մեկում հայտնաբերվել են 77-ամյա կնոջ եւ նրա 4 թոռների դիերը․ նրանք թունավորվել են շմոլ գազից

Հրազդանի կիրճում բախվել են ավտոմեքենաներ. տուժածը հոսպիտալացվել է

Կիևում ձերբակալվել է «Իսլամական պետության» առաջնորդներից մեկը

Դավիթ Տոնոյանն այցելել է ՀՀ ժողովրդական արտիստ Ռոբերտ Ամիրխանյանին

Գյումրիում 3-րդ հարկից ընկած աղջկա վիճակը շարունակում է մնալ ծայրահեղ ծանր

Արայի լեռան լանջին բռնկված հրդեհը մեկուսացվել է

Կարեն Զադոյանը դադարեցրել է Հանրային խորհրդին անդամակցությունը

ԿԳՄՍՆ մասնագետներն այցելել են օրերս ավերված՝ 16-17 դարերի գինու հնձանի տարածք

Արթուր Բաղդասարյանի կողմից գույքի ապօրինի օտարման մասին հաղորդման հիման վրա ոստիկանությունը նյութեր է նախապատրաստում

Նիկոլ Փաշինյանը շնորհավորական ուղերձ է հղել Ռոբերտ Ամիրխանյանին ծննդյան 80-ամյակի կապակցությամբ

Բակո Սահակյանն ընդունել է ԿԲ նախագահ Արթուր Ջավադյանի գլխավորած պատվիրակությանը

«Ջոքերը» համաշխարհային վարձույթում գրեթե 1 միլիարդ դոլար է հավաքել

«Զվարթնոց» օդանավակայանի աշխատակիցները գողություն են կատարել Երեւան ժամանած ՌԴ քաղաքացուց

Թուրքիան, չնայած ԱՄՆ պատժամիջոցների սպառնալիքին, կօգտագործի Ս-400 զենիթահրթիռային համակարգերը

Արմեն Սարգսյանը պաշտոնական այցով կմեկնի Կատարի Պետություն

Հայաստանում առաջիկա օրերին օդի ջերմաստիճանը ցերեկները կնվազի 2-4 աստիճանով

Գյումրիում պատուհանից 28-ամյա աղջիկ է ընկել

Ուկրաինայի հայ համայնքի հետ աշխատանքը՝ նոր հարթության վրա. Սինանյանն սկսել է հանդիպումների շարքը

Զանգեզուրի կայազորային հոսպիտալը տեխնիկական հագեցվածությամբ չի զիջում քաղաքացիական հիվանդանոցներին

Ակնալիճ գյուղում քաղաքացին ընկել է կոյուղահորը եւ մահացել