ՀՀ քաղաքացին չի կարող հեղափոխությունից հետո գտնվել նույն հոգեվիճակում, ինչ 10, 20, 30 տարի առաջ. իրավապաշտպան

Այսօր Ազգային ժողովում կազմակերպված լսումների ընթացքում ելույթ ունեցավ նաեւ իրավապաշտպան Նինա Կարապետյանցը:

Անդրադառնալով տեղի ունեցած ապօրինություններին՝ Կարապետյանցն ասաց, որ իր համոզմամբ այդ ամբողջ գործընթացի մեջ ներգրավված են եղել բոլորը՝ նախագահը, Ազգային ժողովը, կառավարությունը, քաղաքապետարանը, դատարանը, դատախազությունը, քննչական մարմինները:

«Այս բոլոր մարմինները հանցավոր համաձայնությամբ ունեզրկել են, հետապնդել են ՀՀ քաղաքացիներին: Այս խնդրի լուծումը կարող է լինել միայն մեկը. այս խնդրի լուծումը կարող է լինել միայն քաղաքական գնահատական տալը: Որովհետեւ եթե մենք չտվեցինք քաղաքական գնահատական՝ մենք հնարավորություն չենք ունենալու այս բոլոր գործընթացներին տալ պատշաճ օրինական լուծումներ»,- ասաց իրավապաշտպանը: Այնուհետեւ, դիմելով լսումներին ներկա պատգամավորներին, Կարապետյանը նկատեց, թե շատ վատ է զգում, երբ իրեն ասում են, որ ինչ-որ հարց կարգավորելու համար օրենք չկա կամեղած օրենքով չի կարգավորվում. «Մի ասեք էդպիսի բան, որովհետեւ դուք հեղափոխական ուժ եք. եթե օրենքը չկա, ուրեմն օրենքը պիտի ստեղծվի, ուրեմն օրենքում պիտի կատարվի փոփոխություն: Հայաստանի Հանրապետության քաղաքացին չի կարող հեղափոխությունից հետո գտնվել էնպիսի վիճակում, որ իր իրավունքները խախտված մնան, չի կարող էնպիսի բան լինել, որ էն դատավորները, որ հանցագործներ են, էն դատախազները, ովքեր հանցագործներ են, էն քաղաքապետերը, որ հանցագործներ են, փոքր, մանր-մունր դրվագներով մեղադրանքներ առաջադրվեն նրանց. չի կարող լինել էդպիսի բան»,- ասաց Կարապետյանցը:

Հիշեցնելով հայտնի «Дайте мне точку опоры, и я переверну вес мир» արտահայտությունը՝ իրավապաշտպանը վստահեցրեց, որ այդ հիմքը կարող է լինել հնչեցված քաղաքական գնահատականը: «Ես հասկանում եմ, որ դա շատ դժվար է, ես հասկանում եմ, որ դա շատ ծանր հետեւանքներ կարող է ունենալ, բայց դուք ստիպված եք լինելու, այլ տարբերակ չկա: Եթե դուք իսկապես կրողն եք հեղափոխության արժեքների, եթե դուք իսկապես ցավում եք ՀՀ քաղաքացիների համար, ուրեմն դուք իսկապես ստիպված եք լինելու տալ այդ գնահատականը: Մենք էլ ձեզ թեւ ու թիկունք, ժողովուրդ: Ինչի՞ց եք վախենում, սենց լեգիտիմություն ունեցող պառլամենտը ո՞նց կարող է ինչ-որ բանից վախենալ: Մի խոսքով, ոնց որ ձեր, մեր վարչապետն է ասում՝ դուխով, ժողովուրդ ջան, ինչով պետք է մենք ձեզ կաջակցենք ճիշտ ճանապարհին, մենակ թե ՀՀ քաղաքացին չի կարող մնալ հոգեվիճակում, նույն ապրումների մեջ, ինչ 10, 20, 30 տարի առաջ»,- իր խոսքը եզրափակեց Կարապետյանցը:

Նշենք, որ այսօր ամբողջ ընթացքում ԱԺ-ում ելույթ են ունեցել ինչպես իրավապաշտպաններ, ԱԺ պատգամավորներ, այնպես էլ հանրային գերակա շահի անվան տակ իրենց բնակարաններից վտարված բազմաթիվ քաղաքացիներ: ԱԺ նախագահ Արարատ Միրզոյանը հայտարարել է, որ բոլոր ելույթների ձայնագրություններն ուղարկելու է իրավապահ մարմիններին:

Հիշեցնենք, որ 2002 թվականին Ռոբերտ Քոչարյանն ու այդ ժամանակվա Երեւանի քաղաքապետ Ռոբերտ Նազարյանը սկսեցին իրագործել մի ծրագիր, որի նպատակը Հյուսիսային պողոտայում իրականացվող հսկայածավալ ներդրումային ծրագրի միջոցով հսկայական շինարարության իրականացնումն էր: «Հյուսիսային պողոտա» ամբողջ ծրագիրը նախատեսում էր 150 մլն դոլարի ներդրում: Պողոտայի շինարարությունն ու կառուցապատումը ծրագրված է ավարտել 2006 թվականին:

Տպել
494 դիտում

Խոշոր հրդեհ Լոռիում. այրվել է շուրջ 50 հա տարածք, կրակի մուտքն անտառ կանխվել է (լուսանկարներ)

Եվրոպայի խոշոր և էժան ավիաընկերություններից Ryanair-ը 2020 թ.-ից թռիչքներ կիրականացնի Երեւանից դեպի Հռոմ, Միլան և Բեռլին

Երեւանի գործարաններից մեկից ծուխ է նկատվել. փրկարարները մեկնել են հրդեհի բարդության «1-ԲԻՍ» կանչով

Առավոտից վերահսկողություն է սկսվել Արտաշատի բոլոր դպրոցներում. ստուգվում է վաճառվող սնունդը

Քննչական կոմիտեի նախագահը ցավակցել է ոստիկանի մահվան կապակցությամբ

6 թիմեր ժամանակից շուտ հայտնվեցին Եվրո 2020-ում

2019 թվականի ինն ամիսների ընթացքում տպվել է 312 մլն 386 հազար 974 ՀԴՄ կտրոն. Անանյան

Բակո Սահակյանը Երեւանում մասնակցել է «Բարեփոխելով աշխարհը» կինոփառատոնի շրջանակներում միջոցառմանը

Փրկարարները մարել են Կապանի տներից մեկում բռնկված հրդեհը. տուժածներ չկան

Անցկացվել են մարտական կրակի կառավարման գործնական պարապմունքներ

2019 թվականի ինն ամիսների ընթացքում ՊԵԿ-ը հավաքագրել է 1 տրլն 79.2 մլրդ դրամ հարկային եկամուտներ․ Դավիթ Անանյան

Ոստիկանին սպանելու, մյուսին վնասվածք հասցնելու կասկածանքով ձերբակալվածները եղբայրներ են, որոնցից մեկը անչափահաս է

Ռուստամ Բադասյանը ԵԽ գլխավոր քարտուղարի հետ քննարկել է դատաիրավական բարեփոխումներին վերաբերող մի շարք հարցեր

Արտաշատի դպրոցում թունավորված աշակերտները դուրս են գրվել, բացի մեկից. նա պիցցան ամբողջն էր կերել եւ վիճակն ավելի վատ էր

Արցախի Հանրապետության Նախագահն ընդունել է ԵԱՀԿ Մինսկի խմբի համանախագահներին

ՀՀ ոստիկանությունը հրապարակել է ծառայության ընթացքում զոհված ոստիկանի լուսանկարը

Վարչապետը ելույթ է ունենում «Գլոբալ ինովացիոն ֆորում 2019. Փոխակերպելով բանականությունը» համաժողովի բացմանը

Գիշերվա միջադեպից տուժած ոստիկանը գլխուղեղի ցնցում ունի. նա հիվանդանոցում է

Մի ոստիկանին սպանելու, մյուսին վնասվածք հասցնելու մեջ կասկածվող 2 անձինք հայտնաբերվել են. Ահարոնյան

25-ամյա ոստիկանը գլխի շրջանում պատռվածքներ ունի, 38-ամյա ոստիկանը տեղափոխվել է արդեն մահացած. ՔԿ