Միանշանակ կարող եմ ասել, որ այս համաժողովը մեծ իրադարձություն է ՀՀ տնտեսության համար. ԱՀ պետնախարար

Երեւանում ընթացող WCIT 2019 տեղեկատվական տեխնոլոգիաների համաշխարհային համաժողովին մասնակցություն ունի նաեւ Արցախը: Այսօր ԱՀ պետնախարար Գրիգորի Մարտիրոսյանը շրջայց էր կատարում համաժողովին մասնակից ՏՏ ոլորտի ընկերությունների տաղավարներով, ծանոթանում նորագույն տեխնոլոգիաներին:

«Հայկական ժամանակ»-ը համաժողովի վերաբերյալ մի քանի հարց ուղղեց պետնախարարին:

- Պարոն Մարտիրոսյան, Արցախը ի՞նչ մասնակցություն ունի այս համաժողովին:

- Նախ ասեմ, որ տեղեկատվական տեխնոլոգիաների ոլորտը Արցախի կառավարության ուշադրության կենտրոնում է մնում: Կարելի է ասել գերակայություններից մեկն է: Մենք որոշակի ձեռքբերումներ ունենք արդեն այդ ուշադրության շնորհիվ: Օրինակ՝ այս ոլորտի շրջանակներում մենք արդեն գրանցել ենք տասնյակից ավելի կազմակերպություններ եւ 100-ից ավելի աշխատատեղեր: Այդ ոլորտի ավելի զարգացման համար նաեւ օրենսդրական փոփոխություն ենք ընդունել, որի համաձայն՝ ՏՏ կազմակերպությունների համար արտոնյալ հարկային ռեժիմ է սահմանվել: Հույս ունենք, որ դա կնպաստի էլ ավելի զարգացմանը: Այսօրվա համաժողովին մենք հույս ունենք կապեր հաստատել համաշխարհային ընկերությունների հետ եւ ընդլայնել Արցախում ներկայացված կազմակերպությունների ցանկը: Այդպիսի փորձ ունենք: Արցախում արդեն իսկ կան մի քանի խոշոր կազմակերպություններ, որոնք ունեն նաեւ տեղական մասնաճյուղեր եւ գերազանցապես օգտագործում են տեղական կադրային ներուժը: Հույս ունեմ, որ այդ աշխատանքները կընդլայնվի եւ մենք այս ոլորտին հարիր մասնաբաժին կունենանք մեր տնտեսությունում:

- Համաժողովի ժամանակ ձեզ հետաքրքրող ապրանքատեսակներ կա՞ր, զրուցե՞լ եք ընկերությունների ներկայացուցիչների հետ:

- Այո, որոշ ընկերությունների ներկայացուցիչների հետ զրուցել ենք: Ունենք երիտասարդների որոշակի զանգված, որոնք հետաքրքրված են եւ արդեն որոշակի փորձ են ձեռք բերել ոլորտում: Վերջին տարիներին Արցախում իրականացված ծրագրերը՝ «Թումո»-ն, «Արմատ» լաբորատորիաների հիմնումը նպաստել են բարձր դասարանցիների մասնագիտական ճիշտ կողմնորոշման վրա:

- Ինչպե՞ս է կազմակերպված համաժողովը: Այլ երկրներում նմանատիպ միջոցառումների մասնակցե՞լ եք:

- Միանշանակ կարող եմ ասել, որ այս համաժողովը մեծ իրադարձություն է, թե՛ Հայաստանի տնտեսության համար, թե՛ ընդհանրապես ՏՏ ոլորտի համաշխարհային տնտեսության զարգացման համար: Ես համոզված եմ, որ այն իր դրական ազդեցությունը կունենա ՀՀ ՏՏ ոլորտի զարգացման համար: Որովհետեւ Հայաստանի ՏՏ ոլորտը մեծ հեռանկար ունի եւ այսօր արդեն աշխարհում կարեւոր խաղացողներից է:

- Արցախի տնտեսության մեջ, քանի՞ տոկոս է կազմում ՏՏ ոլորտով զբաղվող կազմակերպությունների եւ անձանց թիվը:

- Չեմ կարող ասել, որ շատ մեծ տոկոս է կազմում: Սակայն այստեղ կարեւորը դինամիկան է: Օրինակ՝ 2018 թվականի արդյունքներով ոլորտի ավելացված արժեքի աճը 2 անգամ ավելացել է: Այսինքն՝ տենդենցը պահպանելով մի քանի տարի անց մենք կկարողանանք գրանցել շոշափելի արդյունք:

- Հնարավո՞ր է Արցախն էլ Հայաստանի պես բարձր տեխնոլոգիական արդյունաբերության նախարարություն ստեղծելու հնարավորությունը դիտարկի:  

- Նախարարություն բացելու հարցը դեռեւս չենք քննարկել, սակայն մենք ունենք մասնագիտացված կառույցներ, որոնք զբաղվում են այս ոլորտով: Այն, որ ոլորտը պատշաճ ուշադրության կենտրոնում է՝ դա միանշանակ է:

Տպել
552 դիտում

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին

«Ռեալ»-ն ու «Բարսա»-ն ուզում են խաղալ դեկտեմբերի 18-ին, առաջնության ղեկավարները համաձայն չեն

ՍԴ-ն մերժել է Ռոբերտ Քոչարյանի դիմումի հիման վրա գործի քննությունը

Եթե փոփոխություններն ուշացրել ենք, չի նշանակում՝ պետք է հաշված շաբաթների ընթացքում հապճեպ լուծել հարցը․ Սուրեն Սահակյան

Սուրեն Պապիկյանը Լիտվայի նորանշանակ դեսպանին ներկայացրել է ենթակառուցվածքների ոլորտի զարգացման առաջնահերթությունները