Ոչ մեկի մոտ կասկած չպետք է առաջանա, որ անգամ այս կարգավիճակով կարող եմ օտարերկրյա ներդրումներ ներգրավել. Արմեն Գևորգյան

ՀՀ նախկին փոխվարչապետ, Մարտի 1-ի գործով սահմանադրական կարգի տապալմանն օժանդակելու մեջ մեղադրվող Արմեն Գեւորգյանի պաշտպան Էրիկ Ալեքսանյանն այսօր միջնորդեց վերացնել Արմեն Գեւորգյանի նկատմամբ ընտրված խափանման միջոցը՝ չհեռանալու մասին ստորագրությունը, իսկ դրա անհնարինության դեպքում թույլ տալ նրան մեկ շաբաթով բացակայել հանրապետությունից։ Էրիկ Ալեքսանյանի խոսքով՝ Արմեն Գեւորգյանի նկատմամբ դեռևս միջդատական վարույթի ընթացքում ընտրված խափանման միջոցը՝ չհեռանալու մասին ստորագրությունը, պետք է վերացվի, քանի որ ի սկզբանե վարույթն իրականացնող մարմնի որոշումը եղել է ապօրինի եւ անհիմն։ Ըստ նրա՝ այս մեկ տարվա ընթացքում անօրինական կերպով սահմանափակվել է Արմեն Գեւորգյանի ազատ տեղաշարժվելու իրավունքը։ «Քննիչն իր որոշման մեջ չի նշել Գեւորգյանի նկատմամբ խափանման միջոց կիրառելու հիմքերից որեւէ մեկը, բացի այդ, դատարանն արձանագրել է, որ իսպառ բացակայում են Արմեն Գեւորգյանի նկատմամբ խափանման միջոց կիրառելու հիմքերը, որը հաստատվել է բարձր դատական ատյանների կողմից։ Նման պայմաններում Գևորգյանի նկատմամբ որևէ տեսակի խափանման միջոց չի կարող ընտրվել, իսկ ընտրված լինելու պարագայում այն ենթակա է վերացման»,- հայտարարեց նա։

Պաշտպանն առաջարկեց միջնորդության մերժման դեպքում քննարկել Արմեն Գեւորգյանի կողմից ժամանակավոր՝ հոկտեմբերի 26–ից մինչեւ նոյեմբերի 4-ը, ՀՀ–ից բացակայելու հնարավորությունը՝ հաշվի առնելով այն հանգամանքը, որ Արմեն Գեւորգյանը պետք է հերթական բուժզննությունն անցնի Ավստրիայում, ինչի վերաբերյալ համապատասխան փաստաթղթեր են ներկայացվել դատարանին։ Արմեն Գեւորգյանն էլ իր հերթին հայտարարեց, որ ավստրիական կլինիկայում երկու տարին մեկ սրտի անոթների հետ կապված հետազոտության է ենթարկվում:

Գեւորգյանը նաեւ նշեց, որ այցի շրջանակներում նախատեսում է նաեւ գործնական բանակցություններ վարել։ «Եթե դատարանը նպատակահարմար կգտնի բուժման նպատակով բացակայել, այդ ժամանակահատվածում նաեւ այդ գործնական հանդիպումները կկազմակերպենք»,- ասաց Գեւորգյանը:

Նախկին փոխվարչապետ Արմեն Գեւորգյանը մեջբերեց նաեւ «Արինս գրուպ» ընկերության նամակը՝ դատավոր Աննա Դանիբեկյանին, որում նշված էր, թե ընկերության խորհրդի անդամները երաշխավորում են Արմեն Գեւորգյանի վերադարձը բժշկական զննումից հետո։

«Այստեղ ու կողքի դահլիճում նստած շատ մարդկանց փորձը վկայում է այն մասին, որ անգամ այս կարգավիճակով ես կարող եմ մեր պետության համար օգուտ բերել, օտարերկրյա ներդրումներ ներգրավել Հայաստանի տնտեսության զարգացման համար, ապա դա ոչ մեկի մոտ կասկած չպետք է առաջացնի, գոնե այս էտապում ու այս վիճակում»,- ասաց Արմեն Գեւորգյանը։

Գործով մեղադրող դատախազ Գևորգ Բաղդասարյանը եւ տուժող կողմի ներկայացուցիչներն առարկեցին ներկայացված միջնորդության դեմ։ Բաղդասարյանի խոսքով՝ Արմեն Գեւորգյանը չի ներկայացրել կոնկրետ փաստարկներ, որ այստեղ նրա բուժումը հնարավոր չէ ապահովել:

Դատարանը հեռացավ խորհրդակցական սենյակ՝ միջնորդության վերաբերյալ որոշում կայացնելու, որը կհրապարակվի վաղը՝ ժամը 13:00-ին:

Նիստի ավարտից հետո Գեւորգյանը, լրագրողների հետ զրույցում խոսելով ներդրումների մասին, ասաց. «Եթե ՀՀ կառավարությունը շարունակի այսպես աշխատել ու արդարադատությունը շարունակվի այսպես, Հայաստան ներդրումներ չեն գալու»:

Հիշեցնենք, որ Արմեն Գեւորգյանը մեղադրվում է սահմանադրական կարգի տապալմանն օժանդակելու, կաշառք ստանալու եւ փողերի լվացման համար:

Տպել
1908 դիտում

Մղձավանջ Հայաստանի ֆուտբոլի հավաքականի համար. Իտալիան ջախջախեց 9:1 հաշվով

Բասեն գյուղում մոտ 500 հա խոտածածկույթ է այրվել. ԱԻՆ

Իտալիա-Հայաստան ֆուտբոլային հանդիպման մեկնարկային կազմերը

Բազումը նոր բաժնի պետ ունի. ոստիկանապետի պաշտոնակատարը նոր նշանակումներ է կատարել

Չարենցավանում վագոն-տնակ է այրվել. ԱԻՆ

«Գազպրոմ Արմենիա»-ն չի մեկնաբանում Նոր Հաճնում տեղի ունեցած ողբերգական դեպքը. միայն հիշեցնում է գազօգտագործման կանոնները

Աննա Հակոբյանը հանդիպել է Լիտվայի նախագահ Գիտանաս Նաուսեդայի կնոջ՝ Դիանա Նաուսեդիենեին

Սկանդալ թուրքական մամուլում. Հայոց ցեղասպանությունը ժխտող լրագրողը ազատման դիմում է գրել

Վեդիի ԲԿ-ն համալրվել է ժամանակակից տեխնիկայով

Զանգվածային ցույցեր Իրանի տասնյակ քաղաքներում. ցուցարարները հրդեհում են բանկերը, բենզալցակայանները, երկրում քաոս է

Արցախյան պատերազմի ժամանակ, երբ այս առարկաները պարտադիր չէին, պակաս հայրենասերներ չենք ունեցել. Արայիկ Հարությունյան

Բարձր կարգի թոշակ՝ հրաժարականի դիմաց. ՍԴ անդամները կգնա՞ն այս քայլին

Փակված հանքի տարածքում տնկվել է ավելի քան 600 ծառ

Ղարաբաղը պետք է վերադարձվի Ադրբեջանին. Սահակաշվիլին Ալիեւին իր եղբայրն է անվանել

Կառավարությունում քննարկվել են պետություն-եկեղեցի հարաբերություններում հարկային և մաքսային ոլորտի հարցեր

Վրաստանի խորհրդարանի մուտքերը արգելափակված էին 24 ժամ. ջրցան, հատուկջոկատայիններ և տուժածներ, ցույցը ցրվել է

Մոսկվայում Մհեր Գրիգորյանի նախագահությամբ կայացել է ԵԱՏՀ խորհրդի հերթական նիստը

ԿԳՄՍ նախարարության աջակցությամբ ընդլայնվել են կեցության փոխհատուցում ստացող ուսանողների խմբերը

Տավուշի մարզում եւ Արցախում ականի պայթյունից զինծառայողներ են վիրավորվել. նրանց կյանքին վտանգ չի սպառնում

Հերթ պահող քաղաքացիները երբեմն իրենց հերթերը վաճառում են. շահագործվեց Գյումրու ավտոմաքսատան առաջին հատվածը