Պետական կարիքների համար օտարված իմ սեփական տարածքն օգտագործվում է Սեդրակ Քոչարյանի խանութի կողմից. բնակիչ (տեսանյութ)

«Փաստն այն է, որ պետական կարիքների համար օտարված իմ սեփական տարածքն այսօր օգտագործվում է Սեդրակ Քոչարյանի «Stefano Ricci» բրենդային խանութի կողմից»,- Ազգային ժողովում շարունակվող՝ «Պետության կողմից Հյուսիսային պողոտա-Կասկադ ծրագրով բացառիկ գերակա հանրային շահ ճանաչելու հետեւանքով սեփականության իրավունքի ոտնահարման խնդիրները» թեմայով լսումների ընթացքում այսօր այս մասին հայտարարեց 2002-ին Հյուսիսային պողոտայի իր տունը կորցրած բնակիչներից Սրբուհի Ղասաբյանը:

Նա ընդգծեց, որ իր տան փոխհատուցումը այս 17 տարիների ընթացքում դեռ վերջնական լուծում չի ստացել: «Փոխհատուցումը կարծես տրվում էր՝ ըստ ընտրական ցուցակի. ով կողմ էր քվեարկել 1998 թվականին (Ռոբերտ Քոչարյանին-խմբ.)՝ շահում էր, ով դեմ էր քվեարկել՝ ենթարկվում էր ինչ-որ ֆինանսական, ֆիզիկական, բարոյական հաշվեհարդարի»,- ասաց տիկին Ղասաբյանը՝ հավելելով, որ առաջարկում է, որ պետությանը պատճառած վնասը վերադարձնող եւ Հայաստանից հեռացող օլիգարխները մինչ հեռանալը վերադարձնեն նաեւ տուժած ընտանիքների գումարները:

Նույն լսումներին մասնակից Արամի փողոցի նախկին բնակիչ Իրինա Փիլոյանն էլ ասաց՝ 1100 քառակուսի մետր հողատարածք եւ 315 քմ շինություն են ունեցել. «Երեւանի սրտում՝ Արամի փողոցում, մեկ քառակուսի մետրը գնահատվել է 250 դոլար՝ 2006 թվականին, երբ մեկ քառակուսի մետր հողի նվազագույն արժեքը 1500 դոլար էր։ Մեզ փոխհատուցել են 250 դոլար՝ քառակուսու համար։ Մենք դիմել ենք ՄԻԵԴ, արդեն անցել է տասը տարի, լիահույս ենք, որ մոտ ապագայում այդ հարցը կքննարկվի»,- նշեց Փիլոյանը։

Ըստ վերջինիս՝ իրենց տարածքի մի մասն օտարվել է Ռուսաստանի հայերի միության նախագահ Արա Աբրահամյանին պատկանող ընկերությանը.

«Պատահական բացահայտեցինք, որ Երեւանի քաղաքապետ Երվանդ Զախարյանը ընդամենը մեկ որոշմամբ մեր սեփական տարածքից 300 քառակուսի մետր հատկացրել է Արա Աբրահամյանին պատկանող ընկերությանը։ Մենք, սեփականատեր լինելով, պատահական ենք իմացել. պարզապես նոր սեփականության վկայական ստանալու գործընթացում տեսել ենք, որ մեր սեփական գույքի մի մասը գրանցված է «СОГЛАСИЕ-АРМЕНИЯ» ընկերության անունով»,- հավելեց նա։

Իրինա Փիլոյանն ասաց նաեւ, որ մասնավոր զրույցներում շատ դատավորներ իրենց ասում են, որ նրանց պայքարը ճիշտ է, բայց ոչինչ անել չեն կարող:

 

 

Տպել
2684 դիտում

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը

Հրդեհ՝ Երևանի Բատիկյան փողոցում. տանը հայտնաբերվել է բնակչի դին

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար