Ֆաբրիկային անհրաժեշտ է շուրջ 100 կարող բանվորուհի. Վանաձորում մեկնարկել է աշխատանքի տոնավաճառը

Վանաձորի Հայքի հրապարակում այսօր մեկնարկել է աշխատանքի տոնավաճառը: Այս տարվա աշխատանքի տոնավաճառին մասնակցում է տարբեր ոլորտներ ներկայացնող 30 գործատու, որոնց կողմից ներկայացվում է 498 եւ ավելի թափուր աշխատատեղ:

ՀԺ-ի հետ զրույցում Վանաձորի զբաղվածության տարածքային կենտրոնի ղեկավար Արա Առաքելյանն ասաց, որ աշխատատեղերը տարբեր են՝ թեթեւ արդյունաբերությունից մինչեւ առողջապահություն ու սպասարկում. «Աշխատատեղերի բնույթը եւս բազմազան է: Կարիք կա ոչ միայն բարձրագույն կրթություն ունեցող աշխատակիցների, այլ նաեւ բանվորական մասնագիտությունների առումով: Գերակշռող մասը առողջապահության ոլորտն է»:

Արա Առաքելյանի խոսքով՝ Վանաձորի զբաղվածության տարածքային կենտրոնում հաշվառված է 4682 աշխատանք փնտրող, որոնցից գործազուրկ են 4434-ը. «Տարեսկզբից մինչ այս պահը աշխատանքի ենք տեղավորել 357 անձի, իսկ մարզի կտրվածքով՝ սեպտեմբերի 1-ի դրությամբ, աշխատանք փնտրողների թիվը կազմում է 10 հազար մարդ, որը նախորդ տարվա նույն ժամանակահատվածի դրությամբ աճել է 5.6 տոկոսով»:

Կենտրոնի պատասխանատուի խոսքով՝ նախորդ տարվա աշխատանքի տոնավաճառից հետո աշխատանքի է տեղավորվել 95 անձ: Առաքելյանը հույս ունի, որ այս տարի ավելի մեծ թվով քաղաքացիներ կկարողանան աշխատանքի տեղավորրվել:

Աշխատանքի տոնավաճառի ժամանակ կիրականացվեն նաեւ պանելային քննարկումներ, սեմինար-քննարկումներ, մոտիվացիոն զրույցներ ու վարպետաց երեք դասեր:

Լոռու մարզպետ Անդրեյ Ղուկասյանը խոսելով միջոցառման կազմակերպման կարեւորությունից, հայտնեց, որ այն արատավոր երեւույթները, որոնք նախկինում եղել են աշխատանքի տեղավորման հետ կապված, այսօր իսպառ վերացել են: «Այժմ թե՛ պետական և թե՛ մասնավոր հատվածում աշխատանքի տեղակվորման միակ կարեւոր պայմանը կրթությունն է, համապատասխան գիտելիքները եւ հմտությունները»,- ասաց նա՝ աշխատանք փնտրողներին կոչ անելով ստեղծել սեփական փոքր բիզնեսը՝ շեշտադրում կատարելով հատկապես ներկայում պահանջարկված հատկապես զբսաշրջության, գյուղատնտեսության եւ այլ ոլորտների վրա:

Վանաձորի աշխատաշուկայում հատկապես մեծ է առողջապահության բնագավառի (բացառությամբ բժշկական խնամքի եւ մանկաբարձության), սպասարկման ոլորտի աշխատողների, բնակարանային կոմունալ տնտեսությունների եւ առեւտրի ոլորտի մասնագետների, մշակման արդյունաբերության բանվորների պահանջարկը:

Տոնավաճառին ներկա էին նաեւ աշխատանքի եւ սոցիալական հարցերի նախարարության ներկայացուցիչները: Տոնավաճառի ավարտին մարզի ղեկավարը ոլորտին առնչվող խնդիրների վերաբերյալ իր աշխատասենյակում զրույց ունեցավ նախարարության ներկայացուցիչների հետ:

Տոնավաճառին մասնակցած շինարարական կազմակերպություններից մեկին, օրինակ, անհրաժեշտ է 10 հյուսն ու նույնքան եռակցող: Պահանջված են նաեւ կարող բանվորուհիները: Միայն Վանաձորի խոշոր կարի ֆաբրիկաներից մեկին շուրջ 100 կարող բանվորուհի է պետք: Մաքրուհիները, մատուցողներն ու խոհարարները Վանաձորում եւս պահանջված են: Տոնավաճառին մասնակցել են նաեւ պետական ու մասնավոր հիմնարկերը, առողջապահական կենտրոններն ու կրթական հաստատությունները: «Հարավկովկասյան երկաթուղի» ՓԲԸ-ի  Վանաձորի բժշկական կենտրոնը եւս մասնակցել է տոնավաճառին:

Տպել
2217 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ