Քչերը կարող են հայելու առաջ կանգնել եւ ասել՝ ես կասկած չունեմ, որ Թովմասյանն անաչառ, արդար դատավոր է․ Միքայել Զոլյան

Բոլորս գիտենք, որ Հրայր Թովմասյանը եղել է ոչ միայն նախկին իշխանության մի մասնիկը, այլեւ այդ իշխանության առանցքային դերակատարներից մեկը։ Այս մասին այսօր Ազգային ժողովում՝ ՍԴ անդամ Հրայր Թովմասյանի լիազորությունները դադարեցնելու մասին ԱԺ որոշման նախագծի քննարկման ժամանակ, իր ելույթում ասաց «Իմ քայլը» խմբակցության պատգամավոր Միքայել Զոլյանը։

Պատգամավորն ափսոսանք հայտնեց, որ այսօր ԱԺ-ում ստիպված են խոսել այս հարցի մասին Հրայր Թովմասյանի բացակայության պայմաններում, բայց ներկայացրեց, որ Թովմասյանի վերջին հարցազրույցից կարող է պատկերացնել՝ այսօր ինչ հակափաստարկներ կներկայացներ նա։ Միեւնույնն ժամանակ Զոլյանն ասաց, որ Թովմասյանն այսօր չի եկել, որովհետեւ ընդհանրապես չունի լուրջ փաստարկներ։

«Մենք այսօր քննարկում ենք, թե, ըստ էության, արդյոք կա՞ն հիմնավոր կասկածներ առ այն, որ Հրայր Թովմասյանը անաչառ, անկողմնակալ եւ արդար չէ։ Այո՛, կան։ Բոլորս գիտենք, որ նա եղել է նախկին իշխանության մի մասը, առանցքային դերակատարներից մեկը: Սահմանադրություն գրել պատահական մարդու չեն վստահում: ԱՄՆ-ում Սահմանադրություն գրողները կոչվում են հիմնադիր հայրեր: Բայց ես հիմա դա չեմ քննարկում, գուցե շատ լավ էր, որ նա գրեց Սահմանադրությունը, գուցե՝ շատ վատ»,- ասաց պատգամավորը, ապա խոսեց Մարտի 1-ի գործով ամբաստանյալ Քոչարյանի պաշտպանների՝ ՍԴ ուղարկած դիմումի մասին․

«ՍԴ-ում կա գործ, որն առնչվում է նախկին իշխանության հետ։ Մանրամասներին չեմ անդրադառնում, բայց ակնհայտ է, որ այդ դիմումը նախկին իշխանությանն է առնչվում։ Արդյոք նախկին իշխանության առանցքային դերակատարը կարո՞ղ է լինել անաչառ դատավոր: Կա՞ կասկած՝ կա՛, արդյոք քայլեր ձեռնարկե՞ց Թովմասյանը, որ փարատվի կասկածը, ո՛չ, չձեռնարկեց»։

Զոլյանն ասաց, որ եթե Հրայր Թովմասյանն այսօր ԱԺ-ում լիներ, ապա հարց կտային՝ ո՞նց է մեկնաբանում վերոնշյալ հանգամանքը․

«Բայց Թովմասյանը երեկվա հարցազրույցում այդ պատասխանը տվեց, եւ այն ինձ համար ապշեցուցիչ էր։ Թովմասյանը պատասխանեց՝ «ես այն մարդը չեմ։ Ով էլ գա, ես իմ խղճի վրա հիմնված որոշում կընդունեմ»։ Այսքանն էր նրա փաստարկը, եւ այն բավարար չէ։ Ըստ այդմ՝ ես ունեմ հիմնավոր կասկածներ նրա անաչառության վերաբերյալ, եւ մենք պարտավոր ենք սկսել այս գործընթացը, որպեսզի այդ կասկածները կա՛մ փարատվեն, կա՛մ հաստատվեն»,- ասաց Զոլյանը՝ հիշեցնելով նաեւ, որ Թովմասյանն իր հարցազրույցում պատգամավորներին կոչ է արել հայելու դիմաց կանգնել եւ ազնիվ լինել․

«Ես էլ կոչ եմ անում՝ ազնիվ լինենք եւ հայելու առջեւ կանգնած կամ առանց դրա ասել՝ ես որեւէ կասկած չունեմ, որ Հրայր Թովմասյանն անաչառ, անկողմնակալ, արդար դատավոր է։ Կարծում եմ՝ շատ քիչ մարդիկ կլինեն այս դահլիճում, որոնք կարող են նման բան ասել եւ կասկած չունենալ։ Հետեւաբար պարզ է, որ այսօր պետք է սկսել այս գործընթացը։ Սա դատավճիռ չէ, ընդամենը գործընթաց ենք սկսում, որը միանգամայն, որպես օրենսդիր, մեր լիազորությունների շրջանակում է եւ մեր պարտականությունն է»։

Պատգամավոր Միքայել Զոլյանը, դիմելով ԲՀԿ-ական պատգամավորներին, որոնք որոշել են չմասնակցել նախագծի քվեարկությանը, կոչ արեց հարցը եւս մեկ անգամ քննարկել, եւ եթե նրանց դիրքորոշումը փոխվի, ապա, դրանից կբարձրանա միայն հենց ԲՀԿ-ականների վարկը։

Տպել
539 դիտում

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը