Հիմա կասեն, թե ուզում ենք վերահսկել լրատվամիջոցներին, որովհետեւ ուզում ենք պարզել իրական սեփականատերերին. վարչապետ

Իրավաբանական անձանց պետական ռեգիստրի տվյալներն այսուհետ հասանելի կլինեն լրատվամիջոցներին` առանց լրացուցիչ վճարի։ Այս կարգավորումը նախատեսված է ՀՀ կառավարության այսօր ընդունած օրենսդրական կարգավորմամբ։

«Նախագծերի փաթեթն արտոնություն է սահմանում լրատվական գործունեություն իրականացնող իրավաբանական անձանց եւ անհատ ձեռներեցների համար։ Իրավաբանական անձանց պետական գործակալության ռեգիստրի գրանցամատյանում առկա տեղեկությունները ստանալիս»,- ասաց ՀՀ արդարադատության նախարար Ռուստամ Բադասյանը: Նա հիշեցրեց, որ այժմ այդ տեղեկատվությունն ստանալու համար ԶԼՄ–ները պարտավոր են տուրք վճարել։

Ընդ որում, լրատվամիջոցներին տրամադրվող տեղեկատվության ծավալը չի սահմանափակվել օրենքով։ Մինչդեռ նախկինում այն 1 ամսվա ընթացքում չէր կարող գերազանցել 10 էջը։

Փոխարենը հայտի մեջ լրատվամիջոցը պարտավոր է լինելու գրել լրատվական գործունեություն իրականացնող իրավաբանական անձի լրիվ անվանումը, իրավաբանական անձի պետական գրանցման համարը, գտնվելու վայրը, իր անունը, ազգանունը, հաշվառման, ինչպես նաեւ լրատվական գործունեության իրականացման հասցեն եւ պետական հաշվառման համարը։

Բադասյանը նշեց, որ այս վերջին պահանջը լրագրողների շրջանում միանշանակ չի ընդունվել։

«Լրատվամիջոցների կամ դրանց մի մասի շրջանակներում անհանգստություն էր հայտնվում, որ ԶԼՄ-ների գործունեության նկատմամբ հսկողություն իրականացնելու տարրեր կան»,- ասաց նախարարը։

Վարչապետ Նիկոլ Փաշինյանն էլ հիշեցրեց, որ պետռեգիստրի տվյալների բազան ազատականացնելու առաջարկը շուրջ 1 տարի առաջ ներկայացրել էին հենց լրագրողները. «Երբ որ լուծեցինք, սկսեցին աղմուկ անել, հա՞։ Չեն ուզում՝ կարող ենք չընդունել. իրենց խնդրանքով ենք այս փոփոխությունն անում»:

Փաշինյանը նաեւ հետաքրքրվեց՝ արդյոք պետռեգիստրում նշվո՞ւմ է, թե ովքեր են լրատվամիջոցների իրական սեփականատերերը, ինչին ի պատասխան Բադասյանը բացասական պատասխան տվեց։

Արձագանքելով նախարարին՝ վարչապետն ասաց. «Լավ չի, լավ չի, հիմա կասեն, թե ուզում ենք վերահսկել լրատվամիջոցներին, որովհետեւ ուզում ենք պարզել, թե ովքեր են իրական սեփականատերերը»։ Կառավարությունը հաստատեց առաջարկվող օրենսդրական փոփոխությունների փաթեթն ու այն առաջիկայում կներկայացվի ԱԺ-ի ընդունմանը։

Տպել
1152 դիտում

Արսեն Բաբայանը քիչ առաջ ազատ արձակվեց ՔԿՀ-ից

Երեւանի 2020-ի բյուջեն աննախադեպ աճ է գրանցում. եկամտային մասը շուրջ 24 մլրդ դրամով ավելի կլինի. Կարապետյան

Վարդգես Գասպարիին չեն թույլատրում մասնակցել Քոչարյանի եւ մյուսների գործով նիստին

2020-ից կկիրառվեն նոր դրոշմապիտակներ՝ անվտանգ անգամ երեխաների կողմից կուլ տալու դեպքում (տեսանյութ)

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, նկատվել են հրդեհի օջախներ

ՀՀ-ում Ուկրաինայի դեսպանությունը հորդորում է պահպանել օկուպացված Ղրիմի տարածք մտնելու կարգը

Ի՞նչ եք խոսում, մի հատ էլ քֆուր դնեիք քվեարկելու վրա․ Պետրոսյանի հարցադրումը վրդովեցրեց Միրզոյանին (տեսանյութ)

Քաղաքացին սպառնում է նետվել 5-րդ հարկից. ԱԻՆ խումբը դեպքի վայրում է

Արսեն Բաբայանն անձնական երաշխավորությամբ ազատ կարձակվի. Գլխավոր դատախազի խորհրդական

Դեռևս անհայտ զինված խմբավորումներ տարածել են սպանված հայ հոգևորականի ID քարտի լուսանկարը. թուրքագետ

Ժողովուրդը ձեռամբ իշխանությունը մատուցեց ձեզ․ Տիգրան Ուրիխանյանի հայտարարությունը դուր չեկավ ԱԺ նախագահին

Իջևան-Դիլիջան ավտոճանապարհին մեքենան դուրս է եկել երթևեկելի հատվածից և ընկել ձորը

Երեւանում հրդեհվել է 3 ավտոտնակ, 2-ը՝ ամբողջությամբ, մեկը՝ մասամբ

Նազիկ Ամիրյանը հարցաքննվել է առանձնապես խոշոր չափերի հափշտակության գործով

ՀՀ մշտական ներկայացուցիչը հանդիպել է Ցեղասպանության կանխարգելման հարցերով ՄԱԿ-ի ԳՔ հատուկ խորհրդականի հետ

Երևանում թալանել են ԱԺ պատգամավորին` տանելով մի քանի հազար դոլար արժողությամբ «Ռոլեքս» ժամացույցը

Լոռիում հրդեհաշիջման ժամանակ այրվածքներ ստացած փրկարարը պարգեւատրվեց Մարտական ծառայության մեդալով

Հրդեհաշիջման ժամանակ զոհված փրկարարին հետմահու շնորհվեց Արիության մեդալ

Փոխվարչապետ Մհեր Գրիգորյանն ընդունել է Միջազգային ֆինանսական կորպորացիայի տարածաշրջանային ղեկավարին

Հայաստանի և Ռուսաստանի քննչական կոմիտեների նախագահների հանդիպման ընթացքում ստորագրվել է 2 փաստաթուղթ