Համայնքային հիմնարկը միայնակ է կազմակերպելու քաղաքի աղբահանությունն ու սանմաքրումը. ռեսուրսները բավարար կլինե՞ն

«Սանիթեք» ընկերությունն առայժմ չի մեկնաբանում Երեւանի քաղաքապետ Հայկ Մարությանի հայտարարությունը՝ ընկերության հետ կնքված պայմանագրերը միակողմանի խզելու մասին: «Սանիթեք»-ը կատարվածի վերաբերյալ դիրքորոշում կհայտնի քաղաքապետարանից պաշտոնական ծանուցում ստանալուց եւ դրան ծանոթանալուց հետո: 

Այս մասին «Հայկական ժամանակ»-ի հետ զրույցում ասաց «Սանիթեք» ընկերության մամուլի պատասխանատու Քնարիկ Առաքելյանը: «Ոչինչ չեմ կարող ասել, քանի որ դեռ չենք ստացել քաղաքապետարանի պաշտոնական ծանուցումը, որի հիման վրա էլ լինելու է մեր հայտարարությունը: Ստանալուց հետո՝ ողջամիտ ժամկետում, կհրապարակենք ընկերության հայտարարությունը»,- նշեց նա:

Երեւանի քաղաքապետարանն ամբողջությամբ խզել է «Սանիթեք» ընկերության հետ ունեցած երկու պայմանագրերը: Տեղեկությունը երեւանցիներին ուղղված իր տեսաուղերձում առավոտյան հայտնեց քաղաքապետ Հայկ Մարությանը:

Դեռ օգոստոսի 29-ից մայրաքաղաքի աղբահանությամբ զբաղվում է միայն աղբահանության համայնքային հիմնարկը: Այս մասին «Հայկական ժամանակ»-ի հետ զրույցում նշեց Երեւանի քաղաքապետի մամուլի քարտուղար Հակոբ Կարապետյանը: Նրանից հետաքրքրվեցինք, թե համայնքային հիմնարկը, որը, ի դեպ, ստեղծվել է այս տարվա ապրիլին, արդյոք բավարար ռեսուրսներ ունի՞ ամբողջ քաղաքի աղբահանությունն իրականացնելու համար, տեխնիկական միջոցներն ու աշխատուժը բավարարո՞ւմ են: Հակոբ Կարապետյանը պատասխանեց, որ այս պահին համայնքային հիմնարկի միջոցները բավարարում են, բայց համալրման կարիք կա ու համալրումն ընթացքի մեջ է։

«Այսօր փոքր տարողությամբ 5 աղբատար է եկել, սպասվում է՝ եւս 15-ը: Բացի դրանից, մի քանի հազար աղբաման ենք ստանալու, որից շուրջ 1000-ը՝ մետաղական»,- ասաց նա: Վերջինիս փոխանցմամբ՝ քաղաքապետարանը շուտով ձեռք կբերի սանմաքրման եւ ձնամաքրման համար անհրաժեշտ տեխնիկա. «Անցած տարվանից ձեռքբերված 9-ը ձնամաքրման մեքենա ունենք: Այս տարվանը, ամենայն հավանականությամբ, կհասնի մինչեւ առաջին ձյունը»:

Հարցին, թե քաղաքապետարանը նախատեսո՞ւմ է «Սանիթեքի» փոխարեն նոր օպերատոր ներգրավել՝ համապատասխան մրցույթ հայտարարելով, թե՞ որոշվել է, որ աշխատանքների ամբողջ ծավալը մշտապես պետք է ստանձնի համայնքային հիմնարկը, մամուլի քարտուղարը դժվարացավ պատասխանել:

Ավելի վաղ Երեւանի քաղաքապետը հայտնել էր, որ 2017 թվականից ի վեր «Սանիթեք» ընկերությունը սկսել է թերանալ աղբահանության գործում: Նրա խոսքով՝ թերացումներն առավել ցայտուն էին դարձել 2018 թվականի ընթացքում եւ շարունակվել մինչեւ 2019 թվականի սեպտեմբերը:

Այս հանգամանքները պարզելու համար 2019 թվականի հունիսից Երեւանի քաղաքապետարանի աշխատակիցներն սկսել են «Սանիթեք» ընկերության տեխնիկայի, ինչպես նաեւ գործունեության համար անհրաժեշտ այլ պայմանների ուսումնասիրությունը: Այն ավարտվել է օրեր առաջ. ուսումնասիրությունների արդյունքում Երեւանի քաղաքապետ Հայկ Մարությանն ամբողջությամբ խզել է «Սանիթեք» ընկերության հետ ունեցած պայմանագրերը:

Տպել
2391 դիտում

Առավել ընդլայնել հայ-բրիտանական օրակարգը. Զոհրաբ Մնացականյանը հանդիպել է Սայմոն ՄքԴոնալդի հետ

Նոյեմբերյանի ոստիկաններն ապօրինի փայտանյութով բեռնատար են հայտնաբերել (տեսանյութ)

Լուսաձայնային հատուկ միջոցներ, ջրցան մեքենա. զորավարժություն ՀՀ ոստիկանության զորքերում (տեսանյութ)

Առաջիկայում Հայաստան կայցելի սերբական պատվիրակությունը. Արմեն Սարգսյանը հանդիպել է Սերբիայի նախագահին

Ծանրամարտիկ Հակոբ Մկրտչյանն արժանացել է սպորտի վաստակավոր վարպետ կոչման

ԵԱՀԿ դիտարկումն Ակնայից դեպի հարավ-արեւելք ընկած հատվածում նորմալ է անցել

Սիրիայում ազգությամբ հայ հայրն ու դուստրը պայքարում են թուրքական ներխուժման դեմ

Արթուր Ալեքսանյանը կացնով է կտրել իր ծննդյան տորթը (տեսանյութ)

Արդարադատության նախարարությունը ԵՄ-ի հետ հաջողությամբ իրականացնում է լայնամասշտաբ համագործակցություն. փոխնախարար

«Ես ի՞նչ էի անում դրսում, ինչու՞ մինչև հիմա այստեղ չեմ». Նորա Արմանի

Կրկին կոտրել են պատգամավոր Քրիստինե Պողոսյանի մեքենայի ապակիները, այս անգամ ԱԺ-ի տեսախցիկների մոտ (լուսանկար)

«Հյուսիս-Հարավ» ճանապարհի գործով կալանավորվել է ՀՀ տրանսպորտի և կապի նախկին նախարար Գուրգեն Սարգսյանը

Ազատազրկումն իրավաչափ չէ. ՄԻՊ-ը պարզաբանումներ է պահանջել ՀՔԾ-ից Արսեն Բաբայանի գործով

Դաժան սպանություն Երևանում. բնակարանում հայտնաբերվել է 64-ամյա տանտիրուհու՝ դանակի բազմաթիվ հարվածներ ստացած դին

ՀՀ ՊԵԿ-ի ներկայացուցիչները Դուշանբեում քննարկել են մաքսային իրավախախտումների դեմ արդյունավետ պայքարի հնարավորությունը

Օդի մեջ դատարկ-դատարկ հայտարարություններ են. Ծառուկյանը՝ Արման Բաբաջանյանի հաղորդման մասին

Արսեն Բաբայանին ձերբակալելու որոշումը բողոքարկվել է

Հայաստանի և Չինաստանի պաշտպանության նախարարները քննարկել են ռազմատեխնիկական բնագավառում իրականացվող միջոցառումները

Հանրային քննարկման է ներկայացվել Մարդու իրավունքների պաշտպանության ազգային ռազմավարությունը

Հայտնի են «Ոսկե գնդակ»-ի 30 թեկնածուները. գործող մրցանակակիրը չկա