ԵԱՏՄ-ում առկա մի քանի տասնյակ խոչընդոտների հարցը ներառված է համատեղ աշխատանքների օրակարգում․ վարչապետ

Եվրասիական տնտեսական միության տարածքում առկա 60-ից ավելի խոչընդոտների ու արգելքների լուծման հարցը ներառված է համատեղ աշխատանքների օրակարգում, որոնց լուծումը կլինի քայլ առ քայլ: Այս մասին այսօր ԱԺ-ում կառավարության անդամների հետ հարց ու պատասխանի ժամանակ ասաց ՀՀ վարչապետ Նիկոլ Փաշինյանը՝ ի պատասխան «Իմ քայլը» խմբակցության պատգամավոր Վիկտոր Ենգիբարյանի հարցի:

Պատագամավորն ասաց, որ քաղաքացիները հաճախ բողոքում են, որ ապրանքներն արտահանելիս բախվում են կոռուպցիոն ռիսկերի, եւ կա նաեւ իրավական ակտերի հարմոնիզացիայի խնդիր։  Ենգիբարյանը հարցրեց, թե խնդիրների ուղղությամբ ինչպիսի քայլեր են տարվում Հայաստանի նախագահության տարում եւ ինչպիսին պետք է տարվեն:

Վարչապետն ինքը շեշտեց, որ հենց ԵԱՏՀ-ն եւ կոլեգիան արդեն մեկ տարուց ավելի է, ինչ արձանագրել են, որ ԵԱՏՄ տարածքում կան 60-ից ավելի արգելքներ, որոնք խոչընդոտում են ինտեգրացիոն գործընթացին:

«Այդ խոչընդոտներն ու արգելքները վերաբերում են օրենսդրությանը, կարգավորումներին: Դրանք ԵԱՏՄ-ի ընդհանուր տրամաբանության մեջ պետք է, որ գոյություն չունենային, բայց շարունակում են գոյություն ունենալ: Ընդհանրապես ,ԵԱՏՄ-ն 4 ազատ տեղաշարժի՝ աշխատուժի, կապիտալի, ապրանքների եւ մարդկանց ազատ տեղաշարժերի մասին է: Հենց ԵԱՏՄ-ի մարմիններն են արձանագրում, որ այս խնդիրները լիարժեքորեն լուծված չեն: Եվ այդ 60 խոչընդոտներն ու արգելքները ներգրավված են մեր համատեղ աշխատանքի օրակարգում, մենք պետք է քայլ առ քայլ գնանք լուծման ուղղությամբ»,- մեկնաբանեց Փաշինյանը՝ ընդգծելով, որ հնարավոր չէ 60 խոչընդոտը միանգամից վերացնել, քանի որ խոսքը տարբեր երկրների օրենսդրությունները նույնականացնելու, մոտարկելու մասին է․

«Ընդ որում՝ այդ երկրների օրենսդրությունների սինխրոնիզացիայի համար յուրաքանչյուրում տարբեր գործընթացներ են անհրաժեշտ»,- ընդգծեց Փաշինյանը։

Խոսելով ՌԴ նախագահի հետ հանդիպման մասին՝ վարչապետը եւս մեկ անգամ ասաց, որ ինչպես հրապարակայնորեն նշվել է, երկուստեք արձանագրվել է երկու պետությունների հարաբերությունների ռազմավարական բնույթը, եւ որ երկու երկրների կառավարությունները, պետական կառավարման մարմինները պետք է ավելի սերտ համագործակցեն՝ այդ համագործակցության ռազմավարական բնույթն ու բովանդակությունը, իրողությունները ավելի արդյունավետ դարձնելու համար։

Տպել
609 դիտում

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը