ԱԱ-ում Սիմոն Մարտիրոսյանի կիլոգրամները բավարար չեն օլիմպիական ոսկու համար. մարզիչ

Եթե օլիմպիական փոխչեմպիոն, աշխարհի, Եվրոպայի չեմպիոն Սիմոն Մարտիրոսյանը (109կգ) ցանկանում է օլիմպիական չեմպիոն դառնալ, ապա պետք է ավելի բարձր արդյունքներ գրանցի, քան աշխարհի 2019 թ. առաջնությունում: Այս մասին այսօր՝ հոկտեմբերի 2-ին, լրագրողների հետ հանդիպման ժամանակ ասաց ՀՀ Ծանրամարտի ֆեդերացիայի գլխավոր քարտուղար, տղամարդկանց հավաքականի գլխավոր մարզիչ Փաշիկ Ալավերդյանը: Սեպտեմբերի 18-27-ը Թայլանդում կայացած մրցաշարում Մարտիրոսյանն աշխարհի առաջնության կրկնակի չեմպիոն դարձավ երկամարտի 484կգ արդյունքով (199-230): Մարզիչը նշում է, որ նա կարող է ավելին:

«Նախ՝ հակառակորդներին թույլ տվեց ընդհուպ մոտենալ իրեն: 2-րդ՝ այդ կիլոգրամները չեն բավականացնի օլիմպիական խաղերի համար: Իր անցած տարվա հնարավորությունները՝ 240, եթե կրկնի, եւ 200կգ պոկումը կատարի, հանգիստ կդառնա օլիմպիական չեմպիոն: Հուսահատված չեմ այս կիլոգրամներից. ինչքան պետք լիներ, բարձրացնելու էր»,- ասաց Ալավերդյանը:

Թայլանդում Մարտիրոսյանը ՀՀ հավաքականի միակ չեմպիոնը չէր: Ոսկի նվաճեց նաեւ Հակոբ Մկրտչյանը (89կգ): Նրա քաշային կարգն օլիմպիական չէ: Մարզիկը ցանկանում է փոխել քաշային կարգը, որպեսզի պայքարի խաղերին մասնակցելու համար: Ալավերդյանը շեշտում է, որ Տոկիո 2020-ին նա չի հասցնի:

«8 ամսում քաշային կարգ փոխել եւ գնալ, մասնակցել ՀՀ հավաքականից, այդպիսի մարդ հնարավոր չէ, որովհետեւ նա կա՛մ պետք է 10կգ քաշ իջեցնի, որ 81կգ մասնակցի, կա՛մ էլ 6-7կգ ավելացնի, մասնակցի 96կգ-ների հետ, բայց այսօր նա բարձրացնում է 208-210, այնտեղ պետք է բարձրացնի 230կգ: 20-30կգ ավելացնել 8 ամսում անհնար է»,- ասաց նա:

Մարզիչը խոսեց նաեւ +109կգ քաշային կարգում Գոռ Մինասյանի ու Լաշա Տալախաձեի մրցակցության հարցում: Վերջին տարիներին անպարտելի վրացի օլիմպիական չեմպիոնը միջազգային տարբեր հարթակներում առաջ է անցնում Մինասյանից: Ալավերդյանն ընդգծում է, որ ոչ ոք չի կարող իմանալ Տալախաձեի ուժերի սահմանը: Նաեւ շեշտում է, որ օլիմպիական փոխչեմպիոն Մինասյանը շարունակ բարելավում է իր ցուցանիշները:

«Մրցումների ժամանակ անընդհատ ավելացնում է: Նրա լավագույնը եղել է 211, հիմա արեց 212, չնայած 213, 214 էլ ուղարկեինք՝ կբարձրացներ, բայց տակտիկական խաղ էր. հանկարծ մարզիկ է՝ մի բան լիներ Լաշայի հետ, նա լիներ իր տեղում: Հրումում երբեւէ 247 չէր բարձրացրել, այստեղ բարձրացրեց: Բարելավում է առանց վախենալու հակառակորդից: Հուսով ենք՝ գալու է ժամանակը, որ կարողանանք իսկապես ձեռնոց նետել: Հավատում եմ դրան: Հրաշալի մարզիկ է: Միակն է, որ բարձրանում է մրցահարթակ՝ գիտեմ, որ գնում է բարձրացնելու: Այսպիսի լավ հատկություն ունի նաեւ Սիմոնը. որքան էլ թույլ լինի, մրցահարթակում ամբողջությամբ կարողանում է հավաքվել, այդ մի քանի վայրկյանում ցույց տալ իր ողջ ունակությունները»,- ասաց նա:

Ալավերդյանին այս աշխարհի առաջնությունում հիասթափեցրել է Անդրանիկ Կարապետյանի (81կգ) ելույթը: Պոկում վարժությունում նա փոքր ոսկի նվաճեց, սակայն հրումում 0 ստացավ: Մարզիչը նշում է, որ նա կարծես «Ձախորդ Փանոս»-ը լինի:

«Մեծահասակների Եվրոպայի չեմպիոն է, ուսանողական խաղերի չեմպիոն է, պատանիների, երիտասարդների ռեկորդակիր է եւ չեմպիոն, եւ այդ տարիքում թեւը կոտրեց: Դրանից հետո ուղիղ տեղը հրման ժամանակ 2000-ից մեկը կարող է կոտրել թեւը, այդ 2000-ից մեկն ինքն էր, հետո 1000-ից մեկը կարող է քաշին չկանգնել, 80գ ավելի մնաց, չնայած դրա մեղավորությունը բոլորս էլ գտանք մեր մեջ, բայց ինչո՞ւ նրա հետ: «Ձախորդ Փանոս», որ ասում են, ահա՛: Եվրոպայից վերադարձանք՝ սկսվեց պատրաստությունը, հունիսի 1-ին՝ թոքաբորբ»,- պատմեց Ալավերդյանը:

Ընդհանուր առմամբ ՀՀ տղամարդկանց հավաքականի ելույթներից մարզիչը գոհ էր: Ոսկիների նրա սաները պայքարում են այնպիսի երկրի դեմ, ինչպիսին Չինաստանն է: Ինչ վերաբերում է կանանց ընտրանուն, ապա այն ԱԱ-ում մեդալների համար չպայքարեց: Իզաբելլա Յայլյանը (59կգ) զբաղեցրեց 14-րդ, Տաթեւ Հակոբյանը (81կգ)՝ 10-րդ տեղը: Ալավերդյանը նշեց, որ պատճառն այն է՝ իրենք մի պահ սխալ են աշխատել սերնդափոխության հարցում, եւ պետք է շտկեն դա: Նա նաեւ հաստատեց, որ հավաքականի նախկին ծանրորդ Սոնա Պողոսյանի դոպինգ սկանդալից հետո հավաքականի որակազրկված գլխավոր մարզիչ Արտաշես Ներսիսյանը վերադարձել է: Ըստ Ալավերդյանի՝ նա միշտ թիմի հետ է եղել, պարզապես միջազգային մրցումների չի գնացել, իսկ հիմա միջազգային ֆեդերացիայից թույլտվությունն ունի:

«Արտաշեսը վերադարձել է: Նա չէր էլ գնացել, իմիջայլոց ասեմ, օգնում էր, միշտ կար հավաքականում, բայց չէր գնում մրցումների, որովհետեւ կար բան, որ պետք է միջազգայինին ցույց տայինք, որ այդ մարդուն արգելել ենք եւ այլն, եւ այլն»,- ասաց նա:

Անցած տարի հայ ծանրորդները բոլոր մրցումներում նվաճած են եղել 81 մեդալ: Այս տարի Ալավերդյանը դրանց քանակն 90-ի հասցնելու նպատակ ունի: Առաջիկայում հայ ծանրորդները մասնակցելու են մինչեւ 20 ու 23 տարեկանների Եվրոպայի 2019 թ. առաջնությանը: Հետո մասնակցելու են Բելառուսում կայանալիք մրցաշարի, ապա տեղի է ունենալու Եվրոպայի պատանեկան առաջնությունը: Հետագայում հնարավոր է՝ Ալավերդյանը նաեւ 1-2 մարզիկ ուղարկի օլիմպիական վարկանիշային մրցաշարի: ՀՀ հաջորդ առաջնությունը տեղի կունենա 2020 թ. փետրվարի 10-15-ին:

Տպել
552 դիտում

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը