Հուսանք, որ ՍԴ-ն Հրայր Թովմասյանի լիազորությունները դադարեցնելու հարցում անաչառ որոշում կկայացնի․ Մակունց

Օրենսդիր մարմինը պետք է անի առավելագույնը, որպեսզի Սահմանադրական դատարանի դերը եւ հեղինակությունը բարձրացնի եւ վերականգնի հանրության վստահությունը դատարանի նկատմամբ: Այս մասին այսօր ԱԺ-ում՝ լրագրողների հետ զրույցում, ասաց ՀՀ ԱԺ «Իմ քայլը» խմբակցության ղեկավար Լիլիթ Մակունցը: Ըստ Մակունցի՝ ՍԴ նախագահ Հրայր Թովմասյանի լիազորությունների դադարեցման գործընթացը հենց դրա համար են սկսել:

«Մենք համարում ենք, որ սա այն քայլերից մեկն է, որը պետք է արվի՝ անկախ նրանից, թե ինչ արդյունք կունենանք, թե Սահմանադրական դատարանն ի վերջո ինչպիսի եզրակացություն կկայացնի ներկայացված իրավական հիմքերի վերաբերյալ: Մենք կարծում ենք, որ դա որեւէ կերպ խոչընդոտ չի հանդիսանում դատարանի վարկանիշը վերականգնելու առումով: Սա միակ քայլը չէ, որ պետք է կատարվի այդ ուղղությամբ՝ դատաիրավական համակարգի բարեփոխումների համատեքստում»,- ասաց Մակունցը:

Ինչ վերաբերում է հետագա քայլերին, Մակունցն ասաց, որ դրանք կորոշեն ՍԴ դիրքորոշման հրապարակումից հետո։

Մակունցը հայտնեց, որ Սահմանադրական դատարանի անդամ Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին նախագծի շուրջ ԱԺ «Իմ քայլը» խմբակցությունում այլ դիրքորոշում չի ներկայացվել․

«Հենց մենք ենք ներկայացրել նախագիծը, եւ այդ առնչությամբ որեւէ այլ դիրքորոշում պատգամավորները չեն ներկայացրել»,- ասաց Մակունցը:

Հարցին, թե արդյոք խորհրդարանական այլ խմբակցությունները կսատարե՞ն «Իմ քայլի» նախաձեռնությանը, Մակունցը նշեց.

«Ձայների այն քանակը, որը անհրաժեշտ է նախագիծը ՍԴ ներկայացնելու համար, «Իմ քայլը» խմբակցությունում բավարարում են: Բայց մենք շեշտադրում ենք արել, որ սա բացառապես «Իմ քայլը» խմբակցության հարցը չէ, եւ բոլոր խմբակցությունները պետք է շահագրգռված լինեն հարցի պատշաճ քննությունն իրականացնելու գործընթաց սկսել»,- ասաց նա: 

Անդրադառնալով հարցին, թե Սահմանադրական դատարանն այս կազմով կկարողանա՞ անաչառ քննել Հրայր Թովմասյանի լիազորությունները դադարեցնելու հարցը՝ «Իմ քայլը» խմբակցության ղեկավարն արձագանքեց․

«Պետք է, նախեւառաջ, առաջնորդվել այն ելակետով, որ Սահմանադրական դատարանի դատավորները կկայացնեն բացառապես իրավական փաստարկների հիման վրա որոշում: Չեմ ուզում նախապես որեւէ դիրքորոշում ներկայացնել: Հուսանք, որ կկայացնեն անաչառ որոշում»,- ասաց Մակունցը՝ նշելով, որ Թովմասյանի լիազորությունները դադարեցնելու վերաբերյալ իրենց փաստարկները, հիմնավորումները ծանրակշիռ են:

Հիշեցնենք, որ այսօր մեկնարկած քառօրյա նիստերի օրակարգում ընդգրկված է Սահմանադրական դատարանի դատավոր (անդամ) Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին նախագիծը:

 

Տպել
1149 դիտում

Վրաստանի նախկին նախագահը վերադառնում է քաղաքականություն՝ որպես ընդդիմադիր

Է. Ղազարյանի ՀՀԿ-ական անցյալը հայտնի էր. բայց նա ապացուցեց այն, ինչ պահանջվում էր հանրաքվեն նախաձեռնողներից. Ռ.Ռուբինյան

Գեղարքունիքում ավարտվել է անասնագլխաքանակի հաշվառումը. նվազել է խոշոր, ավելացել մանր եղջերավոր անասունների գլխաքանակը

Կառավարության անդամները գրքեր են նվիրել Արմաշի գրադարանին

Ժամը 22:35-ի դրությամբ Սարավան-«Զանգեր» հատվածում 10-15 մ հորիզոնական տեսանելիությամբ մառախուղ է. ԱԻՆ

ԱՄՆ-ը պատրաստ է Իրանի հետ երկխոսության, եթե վերջինս փոխի իր քաղաքականությունը

Արմավիրում 21 և 60 տարեկան կանայք դրամապանակ են գողացել եւ դրանում առկա բանկային քարտով գումար կանխիկացրել

ՄԱԿ-ը 2020 թվականը հայտարարել է բույսերի առողջության պահպանման միջազգային տարի. չկա բույսերի առողջություն՝ չկա կյանք

Անհասկանալի է ռեժիսորի հրապարակ բերած արհեստական օրակարգը. ԿԳՄՍ-ն պատասխանել է Գալստյանի ահազանգին

Հրդեհաշիջման ժամանակ զոհված հրշեջն այսօր կդառնար 23 տարեկան. ծառայակից հրշեջները հուշաքար են տեղադրել

«Նուբարաշեն» ՔԿՀ աշխատակիցները կալանավորված անձի պայուսակից կասկածելի փաթեթ են հայտնաբերվել

Եվրամիության կարեւոր ծրագրերի ֆինանսավորումը կարող է սառեցվել. բյուջեի շուրջ համաձայնություն չկա

Երևանում ՃՈ-ն ուժեղացված ծառայություն է իրականացրել. (տեսանյութ)

Ստեփանծմինդա-Լարս ավտոճանապարհը բացվել է. ԱԻՆ

Հափշտակել են Դադիվանքում տեղադրված գանձանակը. ԱՀ ոստիկանություն

Հայկ Մարությանն այսօր ներկայացրել է Նոր Նորք եւ Աջափնյակ վարչական շրջանների նոր ղեկավարներին

«ՀԿԵ» ՓԲԸ տնօրենը Շիրակի մարզպետին առաջարկել է քննարկել Գյումրու ավտոկայանը երկաթուղային կայարան տեղափոխելու հարցը

Հայաստանը ունեցել է կապեր Եվրոպայի հետ, իսկ Ադրբեջանը՝ ոչ, այն պատճառով, որ նման երկիր գոյություն չի ունեցել. Զատուլին

Դիլիջանի ոստիկանները պետական-հասարակական ունեցվածքի գողության դեպք են բացահայտել

Իրանում կորոնավիրուսի հետեւանքով 2 քաղաքացի է մահացել