1 տարի առանց Շառլ Ազնավուրի. անցած տարի այս օրը նա հեռացավ կյանքից

1 տարի է, ինչ լեգենդար շանսոնյե, Հայաստանի Ազգային հերոս Շառլ Ազնավուրը մեզ հետ չէ: Նա կյանքից հեռացել է 2018 թ. հոկտեմբերի 1-ին 94 տարեկան հասակում: 

1 տարի առաջ ցավալի լուրն անմիջապես հասավ ողջ աշխարհին: Միջազգային խոշոր պարբերականները գրում էին այդ մասին: Աշխարհահռչակ արտիստները, ինչպիսիք են՝ իտալացի տենոր Անդրեա Բոչելլին, իսպանացի երգիչ Խուլիո Իգլեսիասը: Նրանք գրառումներ էին կատարում սոցիալական ցանցերում, սրտի մեծ կսկիծով հրաժեշտ էին տալիս նրան:

Ազնավուրի հոգեհանգստի արարողությունը տեղի ունեցավ հոկտեմբերի 5-ին «Հաշմանդամների պալատում»: Ներկա էին Ֆրանսիայի վարչապետ Էդուարդ Ֆիլիպը, նախկին նախագահներ Նիկոլա Սարկոզին եւ Ֆրանսուա Օլանդը, նախագահ Էմանուել Մակրոնը, ինչպես նաեւ ՀՀ նախագահ Արմեն Սարգսյանը, ՀՀ վարչապետ Նիկոլ Փաշինյանը, Ամենայն հայոց կաթողիկոսը: 2 երկրների ղեկավարները հանդես եկան հուզիչ խոսքով:

«Այս անունը 2018 թ. հոկտեմբերի 1-ին մի պահ կանգնեցրեց երկիր մոլորակի եւ միջազգային կյանքի ընթացքը՝ մի անամոքելի թախիծ վրձնելով հարյուր միլիոնավոր մարդկանց դեմքերին՝ իր վերջին եւ ամենազանգվածային աֆիշը թողարկելով աշխարհի առաջատար լրատվամիջոցների առաջին էջերին. «94 տարեկան հասակում մահացել է Շառլ Ազնավուրը»»,- նշեց Փաշինյանը:

«Մենք սովորել ենք, որ այս մարդը միշտ ներկա պետք է լինի մեր կյանքում եւ մեզ բոլորիս միավորի»,- ասաց Մակրոնը:

Արտիստի հուղարկավորությունը տեղի ունեցավ հաջորդ օրը՝ հոկտեմբերի 6-ին: Նա հանգչում է Մոնֆոր Լամորի համայնքի 12-րդ դարի վանքի տարածքում գտնվող ընտանեկան դամբարանում:  

Ազնավուրի վերջին լուսանկարն «Ինստագրամ»-ում հրապարակված է եղել մահվան նախօրեին: Դրանում նա եղել է ֆրանսիացի հանրահայտ դերասան Ժան Պոլ Բելմոնդոյի հետ: Շանսոնյեի վերջին ճանապարհորդությունը եղել է դեպի Ճապոնիա: Այնտեղ նա եղել է դստեր՝ Կատյայի ու վերջինիս ամուսնու հետ, միասին զբոսնել են, գնումներ կատարել:

Վերջին ուղեւորությունը Հայաստան եղել է 2017 թ. մայիսին: Նա մասնակցել է մի քանի միջոցառումների: Ներկա է գտնվել 2017 թ. «Ավրորա» մրցանակաբաշխությանը, իրեն նվիրված «Լա Բոհեմ» բալետային ներկայացմանը եւ նույնպես իրեն նվիրված «Քեզ համար, Ազնավո՛ւր» համերգին: 2018-ի հոկտեմբերին նախատեսվում էր նրա հերթական այցը Հայաստան: Ֆրանկոֆոնիայի օրերի շրջանակում (հոկտեմբերի 11-12-ը) նա պետք է մասնակցեր համերգին:

Ազնավուրի մահից հետո՝ այս մեկ տարվա ընթացքում, տեղի են ունեցել նրան նվիրված բազմաթիվ միջոցառումներ ինչպես Հայաստանում, այնպես էլ Ֆրանսիայում: Վերջիններից մեկը օրերս՝ սեպտեմբերի 24-ին, տեղի է ունեցել Փարիզում: Կայացել է «Շառլի հայացքը» ֆիլմի պրեմիերան: Դրա հիմքում ընկած են կյանքի ընթացքում հենց Ազնավուրի արած տեսանյութերը: Վերաբերում են նրա սիրելի երկրներին, քաղաքներին, մտերիմներին: Ֆիլմի տեքստում շանսոնյեի մտքերն են:

Տպել
578 դիտում

Առավել ընդլայնել հայ-բրիտանական օրակարգը. Զոհրաբ Մնացականյանը հանդիպել է Սայմոն ՄքԴոնալդի հետ

Նոյեմբերյանի ոստիկաններն ապօրինի փայտանյութով բեռնատար են հայտնաբերել (տեսանյութ)

Լուսաձայնային հատուկ միջոցներ, ջրցան մեքենա. զորավարժություն ՀՀ ոստիկանության զորքերում (տեսանյութ)

Առաջիկայում Հայաստան կայցելի սերբական պատվիրակությունը. Արմեն Սարգսյանը հանդիպել է Սերբիայի նախագահին

Ծանրամարտիկ Հակոբ Մկրտչյանն արժանացել է սպորտի վաստակավոր վարպետ կոչման

ԵԱՀԿ դիտարկումն Ակնայից դեպի հարավ-արեւելք ընկած հատվածում նորմալ է անցել

Սիրիայում ազգությամբ հայ հայրն ու դուստրը պայքարում են թուրքական ներխուժման դեմ

Արթուր Ալեքսանյանը կացնով է կտրել իր ծննդյան տորթը (տեսանյութ)

Արդարադատության նախարարությունը ԵՄ-ի հետ հաջողությամբ իրականացնում է լայնամասշտաբ համագործակցություն. փոխնախարար

«Ես ի՞նչ էի անում դրսում, ինչու՞ մինչև հիմա այստեղ չեմ». Նորա Արմանի

Կրկին կոտրել են պատգամավոր Քրիստինե Պողոսյանի մեքենայի ապակիները, այս անգամ ԱԺ-ի տեսախցիկների մոտ (լուսանկար)

«Հյուսիս-Հարավ» ճանապարհի գործով կալանավորվել է ՀՀ տրանսպորտի և կապի նախկին նախարար Գուրգեն Սարգսյանը

Ազատազրկումն իրավաչափ չէ. ՄԻՊ-ը պարզաբանումներ է պահանջել ՀՔԾ-ից Արսեն Բաբայանի գործով

Դաժան սպանություն Երևանում. բնակարանում հայտնաբերվել է 64-ամյա տանտիրուհու՝ դանակի բազմաթիվ հարվածներ ստացած դին

ՀՀ ՊԵԿ-ի ներկայացուցիչները Դուշանբեում քննարկել են մաքսային իրավախախտումների դեմ արդյունավետ պայքարի հնարավորությունը

Օդի մեջ դատարկ-դատարկ հայտարարություններ են. Ծառուկյանը՝ Արման Բաբաջանյանի հաղորդման մասին

Արսեն Բաբայանին ձերբակալելու որոշումը բողոքարկվել է

Հայաստանի և Չինաստանի պաշտպանության նախարարները քննարկել են ռազմատեխնիկական բնագավառում իրականացվող միջոցառումները

Հանրային քննարկման է ներկայացվել Մարդու իրավունքների պաշտպանության ազգային ռազմավարությունը

Հայտնի են «Ոսկե գնդակ»-ի 30 թեկնածուները. գործող մրցանակակիրը չկա