Վթարված ավտոբուսի բոլոր ուղեւորները նույն գյուղից էին. նրանք վերադառնում էին բանվորական աշխատանքից

Արտենի-Քարակերտ ավտոճանապարհին տեղի ունեցած խոշոր ավտովթարից տուժած բոլոր վիրավորները դուրս են գրվել բավարար վիճակով, միայն մեկ քաղաքացի է դեռեւս շարունակում բուժումը:

«Մեզ մոտ ավագանու նիստ է, ավարտում ենք, որ գնանք՝ նրանց տեսնելու, բոլորին ճանաչում ենք, մեր գյուղացիներն են»,- նշեց Արագածոտնի մարզի Արագածավան համայնքի ղեկավար Անդրանիկ Պապիկյանը՝ ավելացնելով, որ բոլորին աջակցելու որոշում են կայացրել:

Համայնքի ղեկավարն իր խոսքում նշեց, որ դեպքը տեղի է ունեցել այն ժամանակ, երբ գյուղից գնացած բանվորներին, աշխատողներին ավտոբուսը երեկոյան հետ է բերել: Շարժվել են դեպի գյուղ, այնտեղ էլ մեկ այլ մեքենա վթարված է եղել, վարորդը չի նկատել, խփել է:

«Գյուղից գնում են Արմավիր, Էջմիածին՝ արեւածաղիկ, խաղող են հավաքում, ինչ-որ կա: Մեր բնակիչներն են, լավ օրից չէ, որ գնում են գյուղից դուրս աշխատելու, եւ այդպիսի փորձանք է եկել, պետք է օգնենք»,- իր խոսքում նշեց համայնքի ղեկավարը:

Ինչպես տեղեկացրեց «Թալին» բժշկական կենտրոնի բժշկուհի Սոֆի Բաղդասարյանը, իրենց մոտ ընդունվել է վթարի հետեւանքով տուժած 8 քաղաքացի: Նրանից 6-ը հիվանդանոց է տեղափոխվել շտապօգնության մեքենայով, եւս 2-ը՝ դիմել են ավելի ուշ եւ ստանալով առաջին բուժօգնություն՝ անմիջապես էլ դուրս են գրվել: Թալին» բժշկական կենտրոն ընդունված բոլոր տուժածներն այժմ դուրս են գրվել, բացի 30-ամյա կնոջից: Նա տեղափոխվել է «Արմենիա» հանրապետական բժշկական կենտրոն: Առողջապահության նախարարի խոսնակ Ալինա Նիկողոսյանը «Ֆեյսբուք» սոցիալական ցանցի իր էջում տեղեկացրել է, որ երիտասարդ կնոջ վիճակը դեռեւս գնահատվում է կայուն ծանր: Նրա մոտ ախտորոշվել է գանգուղեղային պոլիտրավմա:

Ավտովթարից տուժած մյուս 6 քաղաքացիները տեղափոխվել էին «Արմավիր» բժշկական կենտրոն: Այստեղից եւս տեղեկացրին, որ նրանք բոլորը ստացել են անհրաժեշտ օգնությունը եւ դուրս են գրվել: 

Հիշեցնենք, որ սեպտեմբերի 29-ին Արտենի-Քարակերտ ավտոճանապարհին տեղի է ունեցել խոշոր ավտովթար, ինչի հետեւանքով մահացել է ՊԱԶ մակնիշի ավտոբուսի վարորդը, իսկ 14 ուղեւոր հոսպիտալացվել է: Նախ 16:30-ի սահմաններում Արմավիր-Գյումրի ավտոճանապարհի 27-րդ կմ հատվածում բախվել են ՀՀ ՊՆ N զորամասի ենթակայության ներքո գտնվող եւ զինվորական շարասյան կազմում ընթացող «Զիլ» մակնիշի 32 UU 875 հաշվառման համարանիշի, «Կամազ» մակնիշի 753 SL 45 հաշվառման համարանիշի, «Կամազ» մակնիշի 548 SL 45 հաշվառման համարանիշի եւ «Կամազ» մակնիշի 625 AF 61 հաշվառման համարանիշի ավտոմեքենաները: Ինչպես հայտնում են ՔԿ-ի մամուլի ծառայությունից, երթեւեկության անվտանգ պայմաններ ապահովված չլինելու եւ հետագա հնարավոր ճանապարհատրանսպորտային պատահարները կանխելու ուղղությամբ միջոցներ ձեռնարկված չլինելու հետեւանքով ժամը 19:30-ի սահմաններում արդեն «ԿԱՎԶ» մակնիշի 35 SN 646 հաշվառման համարանիշի ուղեւորատար ավտոբուսը բախվել է «Կամազ» մակնիշի 625 AF 61 հաշվառման համարանիշի ավտոմեքենային կցված հրանոթին:

Պաշտպանության նախարարության խոսնակ Արծրուն Հովհաննիսյանը տեղեկացրեց, որ ՊՆ՝ վթարի մասնակից մեքենաներում գտնվող անձինք չեն տուժել:

Տպել
1958 դիտում

Պետական եկամուտների կոմիտեում պարգեւավճարներ վճարվել, վճարվում եւ վճարվելու են. Անանյան

Երբ առաջին անգամ պարեցի իմ մահը, այլևս վախ չունեմ մահվանից

Մթության մեջ հարձակվել է մեր 2-րդ ոստիկանի վրա եւ փորձել ազատել ընկերոջը. ոստիկանապետը մանրամասներ է պատմում (տեսանյութ)

Աշխատանքային քննարկումների ժամանակ վարչապետի հնչեցրած դժգոհությունները եղել են գործառույթների վերաբերյալ. Անանյան

Կանադան եւս դադարեցնում է զենքի վաճառքը Թուրքիային

Երեւանում մաքսային ձեւակերպումներ չեն լինելու, Արարատյան մաքսատուն չի լինելու. ՊԵԿ նախագահ

Խոշոր հրդեհ Լոռիում. այրվել է շուրջ 50 հա տարածք, կրակի մուտքն անտառ կանխվել է (լուսանկարներ)

Եվրոպայի խոշոր և էժան ավիաընկերություններից Ryanair-ը 2020 թ.-ից թռիչքներ կիրականացնի Երեւանից դեպի Հռոմ, Միլան և Բեռլին

Երեւանի գործարաններից մեկից ծուխ է նկատվել. փրկարարները մեկնել են հրդեհի բարդության «1-ԲԻՍ» կանչով

Առավոտից վերահսկողություն է սկսվել Արտաշատի բոլոր դպրոցներում. ստուգվում է վաճառվող սնունդը

Քննչական կոմիտեի նախագահը ցավակցել է ոստիկանի մահվան կապակցությամբ

6 թիմեր ժամանակից շուտ հայտնվեցին Եվրո 2020-ում

2019 թվականի ինն ամիսների ընթացքում տպվել է 312 մլն 386 հազար 974 ՀԴՄ կտրոն. Անանյան

Բակո Սահակյանը Երեւանում մասնակցել է «Բարեփոխելով աշխարհը» կինոփառատոնի շրջանակներում միջոցառմանը

Փրկարարները մարել են Կապանի տներից մեկում բռնկված հրդեհը. տուժածներ չկան

Անցկացվել են մարտական կրակի կառավարման գործնական պարապմունքներ

2019 թվականի ինն ամիսների ընթացքում ՊԵԿ-ը հավաքագրել է 1 տրլն 79.2 մլրդ դրամ հարկային եկամուտներ․ Դավիթ Անանյան

Ոստիկանին սպանելու, մյուսին վնասվածք հասցնելու կասկածանքով ձերբակալվածները եղբայրներ են, որոնցից մեկը անչափահաս է

Ռուստամ Բադասյանը ԵԽ գլխավոր քարտուղարի հետ քննարկել է դատաիրավական բարեփոխումներին վերաբերող մի շարք հարցեր

Արտաշատի դպրոցում թունավորված աշակերտները դուրս են գրվել, բացի մեկից. նա պիցցան ամբողջն էր կերել եւ վիճակն ավելի վատ էր