Ֆրանսիան հրաժեշտ է տալիս Ժակ Շիրակին. այսօր ազգային սգի օր է հռչակված

Այսօր ազգային սգի օր է հռչակված Ֆրանսիայում՝ երկրի նախկին նախագահ Ժակ Շիրակի մահվան կապակցությամբ:

1995-2007 թվականներին Ֆրանսիան ղեկավարած Շիրակը մահացել է սեպտեմբերի 26-ին:

Հազարավոր ֆրանսիացիներ շտապում էին ստորագրել Ելիսեյան պալատում բացված ցավակցական մատյանում կամ վերջին հրաժեշտը տալ նախկին նախագահին Սեն-Լուի-դեզ-Էնվալիդ տաճարում, ուր երեկվանից դրված է նրա աճյունը: Այստեղից է, որ Փարիզի Սեն-Սյուլպիս եկեղեցի կբերվի Ժակ Շիրակի աճյունը, որտեղ ժամը 12-ին՝ հուղարկավորությունից առաջ, հատուկ հանդիսավոր արարողություն կկատարվի նախագահ Էմանուել Մակրոնի գլխավորությամբ և նախկին նախագահներ Ֆրանսուա Օլանդի, Նիկոլա Սարկոզիի ու Վալերի Ժիսկար դ՛Էստենի ներկայությամբ, գրում է Ազատությունը:

Երկրում առաջացած մեծ հուզումը Ժակ Շիրակի մահվան կապակցությամբ զարմանալի չէ: Նա մոտ էր կանգնած իր ժողովրդին, անմիջական էր և ջերմ, ժողովուրդն էլ այսօր իր հարգանքն է մատուցում նրան՝ ըստ արժանվույն:

Ըստ այս օրերին կատարված մի հարցախույզի՝ Ժակ Շիրակին ֆրանսիացիները համարում են Հինգերորդ հանրապետության լավագույն նախագահը՝ Շառլ դը Գոլի հետ հավասարապես:

Այսօր նշվում է հատկապես այն վճռականությունը, որ ցուցաբերել է Շիրակը, երբ 2003 թվականին մերժել է Ֆրանսիայի մասնակցությունը Իրաքյան պատերազմին՝ ընդդիմանալով ամերիկյան դաշնակցին և կամ էլ երբ 1995 թվականի իր մի ելույթում, հակառակ իր նախորդներին, ընդունել է Ֆրանսիայի իշխանությունների մեղսակցությունը Երկրորդ աշխարհամարտի ընթացքում գերմանական նացիստների հետ համագործակցելու համար:

Հայերի համար Ժակ Շիրակը կմնա իբրև այն նախագահը, որը վավերացրել է Ֆրանսիայի կողմից Հայոց ցեղասպանությունը ճանաչող 2001 թվականի հունվարի 29-ի օրենքը և եղել է Հայաստան այցելած Ֆրանսիայի առաջին նախագահը:

Այս հանգամանքները նշելով՝ Ֆրանսահայ կազմակերպությունները համակարգող խորհուրդը ցավակցական ուղերձ է հղել Ժակ Շիրակի ընտանիքին, ինչպես նաև Ֆրանսիայի ներկայիս նախագահին:

Ժակ Շիրակը նախ՝ իբրև Փարիզի քաղաքապետ, ապա նաև իբրև Ֆրանսիայի նախագահ՝ բազմաթիվ հանդիպումներ է ունեցել հայ համայնքի ներկայացուցիչների հետ: 2004 թվականի հուլիսին Ամենայն Հայոց կաթողիկոս Գարեգին երկրորդի Փարիզ այցի ժամանակ կազմակերպված ընդունելությանը Շիրակը հանդես էր եկել շատ ջերմ ելույթով, որում շեշտել էր, որ Ֆրանսիան առանձնահատուկ սեր է տածում Հայաստանի հանդեպ և ցանկանում է օգնել նրան: Նույն ելույթի ժամանակ դիմելով Վեհափառին՝ նա ասել էր․ -«Այն առասպելական բնաշխարհում, ուր կանգ էր առել Նոյյան տապանը, այնքան արգավանդ էին դաշտերը, այնքան գեղեցիկ, ընդերքը՝ այնքան հարուստ, որ Հայկը կարծեց, թե հայտնաբերել է Աստծո դրախտավայրը: Մի երկիր, որը, ավաղ, հրի ու սրի է ենթարկվել հաճախ»:

Ժակ Շիրակը շատ զարգացած անձնավորություն էր և քաջատեղյակ էր հայոց պատմությանը:

Ֆրանսիայի նախկին նախագահի հոգեհանգստի արարողությանը կմասնակցի Հայաստանի արտգործնախարար Զոհրաբ Մնացականյանը:

Տպել
241 դիտում

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին

«Ռեալ»-ն ու «Բարսա»-ն ուզում են խաղալ դեկտեմբերի 18-ին, առաջնության ղեկավարները համաձայն չեն