«Հայաստան» համահայկական հիմնադրամի դրամահավաք-հեռուստամարաթոնն այս տարի տեղի կունենա նոյեմբերի 28-ին

Հոկտեմբերի 14-ին «Հայաստան» համահայկական հիմնադրամի նոր կայքի պաշտոնական բացումն է, որի միջոցով արդեն ցանկացած հայ հնարավորություն կունենա օրը 1 դոլար կամ ամիսը 5 դոլար փոխանցել հիմնադրամին: Այս մասին «Հայկական ժամանակ»-ի հետ զրույցում ասաց հիմնադրամի տնօրեն Հայկակ Արշամյանը՝ անդրադառնալով հարցին, թե ի՞նչ քայլեր են ձեռնարկվել Լիբանանում՝ հայերի եւ վարչապետ Նիկոլ Փաշինյանի հանդիպման ժամանակ բարձրացված հարցի առնչությամբ:

Հիշեցնենք, որ դեռեւս 2018 թվականի հոկտեմբերին, երբ ՀՀ վարչապետ Նիկոլ Փաշինյանը մեկնել էր Լիբանան եւ այնտեղ հանդիպել տեղի հայ համայնքի ներկայացուցիչների հետ, լիբանանահայերից մեկն առաջարկեց մեխանիզմ ստեղծել, որպեսզի ամեն մի հայ հնարավորություն ունենա թեկուզ ամսական մեկ դոլար փոխանցել հայրենիքին ու այդպիսով Հայաստանի մասը կազմելու զգացում ունենա: Ի պատասխան վարչապետն ասաց, որ նման հնարավորություն ստեղծելու ուղղությամբ ծրագրեր մշակվում են: Նա նաեւ հավելեց, որ նպատակ կա ունենալ էլեկտրոնային բաժանորդագրության միջոցով ավտոմատ փոխանցումներ կատարելու տարբերակ՝ հավելյալ բարդություններից խուսափելու համար, ինչպես նաեւ թափանցիկությունն ապահովելու նպատակով ստեղծել հնարավորություն, որպեսզի էլեկտրոնային տարբերակով կարելի լինի հետեւել հիմնադրամի դրամական մուտքերին ու ելքերին: Փաշինյանն առաջին անգամ հայտարարեց, որ այսուհետ կարելի է վստահել «Հայաստան» համահայկական հիմնադրամին:

«Հոկտեմբերի 14-ին մենք մեր կայքի պաշտոնական բացումն ենք անելու: «ԱԿԲԱ» բանկի հետ համատեղ միջոցառում ունենք, քանի որ իրենք վճարային համակարգի հետ կապված մեզ հետ շատ լավ համագործակցում են: Այդ կայքի միջոցով մարդը հնարավորություն կունենա օրը 1 դոլար կամ, ասենք, ամիսը 5 դոլար փոխանցել հիմնադրամին: Հարցն այստեղ 1 կամ 10 դոլարը չէ, հարցն այստեղ մարդու ներգրավվածությունն է, որը համաձայնվում է մի փոքր ներդրում ունենալ հիմնադրամի ծրագրերի եւ նաեւ Հայաստանի ու Արցախի զարգացման ծրագրերի մեջ»,- ասաց Արշամյանը:

Հիմնադրամի տնօրենի խոսքով՝ «Գուգլ» քարտեզի վրա հիմնադրամի ամբողջ ծրագրերը լինելու են՝ թե՛ ընթացիկ, թե՛ անցած, ինչը հնարավորություն կտա մարդկանց ներկայացնել ցանկացած ծրագրի շրջանակներում ծախսված գումարը, ընթացքը, դոնորներին, ժամանակահատվածը. «Այսինքն՝ դա հիմնադրամի հաշվետվողականությունն ու թափանցիկությունն է ապահովելու, որպեսզի էլ ընդհանրապես հարցեր չլինեն, թե մեր գումարներն ինչ եղան, այս ծրագիրն ինչ եղավ: Օնլայն ռեժիմով դա անընդհատ թարմացվող համակարգ է»:

Հարցին՝ փոխանցողների անուններն է՞լ է բաց լինելու, Արշամյանը պատասխանեց. «Փոխանցողների անունները չէ, խոսքը ծրագրի դոնորների մասին է, այսինքն՝ որտեղից է գումարը գեներացվել՝ 1 դոնոր է, ազգային տուրքից է, թե, ասենք, հեռուստամարաթոնից: Իսկ վճարային համակարգի պարագայում, ովքեր օնլայն համակարգով գումար են փոխանցել, հնարավորություն կունենան մեր կայքում իրենց հաշիվ մուտք գործել եւ տեսնել, թե իրենց գումարը որտեղ է օգտագործվում: Մի ուրիշ տարբերակ էլ ունենք. կոնկրետ ծրագրի համար գումար կհավաքվի: Օրինակ՝ մի ծրագրի համար արշավ կկազմակերպենք, հենց այդ գումարը հավաքվի, կսկսենք այդ ծրագիրն իրականացնել: Հիմա մեր նոր կայքի բետա տարբերակն աշխատում է, հոկտեմբերի 14-ին նորմալ կաշխատի»:

Հարցին՝ սփյուռքից պատրաստակամություն կա՞ հիմնադրամին գումար փոխանցելու, Արշամյանը պատասխանեց. «Պատրաստակամություն կա: Այդ օրական կամ ամսական փոքր գումար փոխանցելու գաղափարն ինչքան ժամանակ է՝ օդում պտտվում է, եւ մարդկանց հետ հանդիպումների ժամանակ բոլորը նույն բանն են ասում՝ որ ես չսպասեմ այդ հեռուստամարաթոնին, ինչպե՞ս անեմ: Այսինքն՝ այդ պահանջարկն ընդհանուր առմամբ կա»: Արշամյանը նշեց, որ փոխանցում կատարելը շատ հեշտ է լինելու:

Անդրադառնալով այս տարի սպասվող հեռուստամարաթոնին՝ Արշամյանը նշեց, որ այն տեղի է ունենալու նոյեմբերի 28-ին:

Հարցին՝ կայքի միջոցով փոխանցվելիք գումարն այլ ծրագրի համա՞ր է նախատեսվելու, հեռուստամարաթոնի միջոցով փոխանցվողն ա՞յլ, Արշամյանը պատասխանեց. «Սկզբում պիտի հասկանանք, թե մոտավորապես մեր ակնկալիքներն ինչքան են: Օրինակ՝ կարող ենք ասել, որ այս ամիս եկած գումարները կգնան այսինչ հատուկ ծրագրին, հեռուստամարաթոնին փոխանցված գումարները կգնան դրա համար նախատեսված թեմային: Հեռուստամարաթոնի թեմաները միշտ շատ կոնկրետ են լինում ու հիմնականում ուղղվում են հենց այդ գործունեությանը»:

Արշամյանն ասաց, որ հիմնադրամի գլխավոր ծրագիրն այս պահին Գյումրու բնակարաշինարարական ծրագիրը չէ. «Գյումրին մեր խոշոր ծրագրերից մեկն է, որի մոտեցումն ուղղակի նոր է եւ ինովացիոն, դա լրիվ առանձին ծրագիր է: Այս տարվա հեռուստամարաթոնի ծրագիրն էլ արդեն հաստատվել է՝ «Խմելու ջուր եւ արեւային էներգիա»: Խոսքը հիմնականում Արցախում խմելու ջրի խնդիրները լուծելն է, նաեւ Հայաստանում մի քանի ծրագրեր կանենք դրանով: Մոտավորապես այսպես՝ 2/3-ը՝ Արցախում, 1/3-ը՝ Հայաստանում: Նույնը եւ արեւային էներգիան: Դա հիմնականում հանրային օբյեկտների վրա ենք ցանկանում դնել՝ դպրոցների, մանկապարտեզների, հիվանդանոցների վրա: Այն համայնքում, որտեղ գումարները պետք է տրվեն հոսանքի համար, կուղղվեն այդ համայնքի զարգացմանը: Մեծ խնայողությունների կբերի սա»:

Տպել
556 դիտում

Թուրքիայի զինապահեստներից մեկում 2 պայթյուն է որոտացել. կան վիրավորներ

2020-ի բյուջեով օտար երկրներում հայագիտական առարկաների դասավանդման ֆինանսավորումը կրկնակի ավելացել է. ԿԳՄՍՆ

Հանրապետության տարածքում տեղումներ չեն սպասվում, բայց ջերմաստիճանը շարունակում է նվազել

Հայտնի է՝ հավաքականից ով կկրի Մխիթարյանի 18 համարը նրա բացակայության պայմաններում

Գիշերօթիկ հաստատություն մտած տղամարդը մետրոյի մոտ պարողների վրա «զելյոնկա» լցնողն է․ ինչ կապ ունի նա «Ադեկվադներ»-ի հետ

Կադաստրի կոմիտեի ղեկավարի տեղակալն ազատվել է աշխատանքից

Խմբակները, որ իրենց կուսակցություն են համարում, առաջիկայում ասելիք չեն ունենալու եւ շարունակելու են սատանաներ փնտրել

16-17 տարեկան տղաները տասը հոգով մի երեխայի են ծեծել. ոստիկանություն

Ռազմարդյունաբերության ոլորտում բյուջետային հատկացումներն ավելացել են շուրջ 122%-ով․ Հակոբ Արշակյան

Երևանի Սիլիկյան թաղամասում մեքենան դուրս է եկել ճանապարհից և բախվել սյանը

Հնարավոր է՝ աշակերտների արտաքին ընթացիկ գնահատականը շուտով փոխարինի միասնական քննությանը․ նախագիծը քննարկվում է

Հայաստանը բնական աղետի մեջ է, 16 միլիարդի 1-2 ծրագրով չենք լուծում բնապահպանական խնդիրները․ Մանե Թանդիլյան

Ոստիկանության պաշտոնյաների կողմից պետությանը պատճառված վնասը գերազանցում է 700 միլիոն դրամը. ՊՎԾ

Վերականգնվում է Օշականի Սուրբ Մեսրոպ Մաշտոց եկեղեցու «Փառք հայ գրի և դպրության» որմնանկարը

Կենսաթոշակառուների բողոքների հիման վրա «Հայփոստ»-ի Սարի թաղի բաժանմունքի աշխատակազմը կփոխվի

Մեղադրանք 40-ամյա լոռեցուն՝ գողության, ապօրինի ռազմամթերք պահելու, զենք պատրաստելու և թմրամիջոցների համար

Արա Վարդանյանը կմնա կալանավորված. դատարանը հրապարակեց որոշումը

ԿԳՄՍ-ն վերահաստատում է բոլոր առկա հարցերը քննարկելու պատրաստակամությունը. հանդիպման օրակարգ կսահմանվի

Վազգեն Մանուկյանը՝ Դավիթ Շահնազարյանի, Ռուբիկ Հակոբյանի կողքին. Հանրային խորհրդի նախկին նախագահը համաժողով է հրավիրել

Նիկոլ Փաշինյանի որոշմամբ՝ պաշտոնանկություն Առողջապահության նախարարությունում