Փարաքարում կիրակի օրը նախընտրական պայքարը կլինի գործող համայնքապետի, նրա տեղակալի եւ ավագանու երկու անդամների միջեւ

Լուսանկարում՝ վերեւից՝ Սամվել Վարդանյանը, Դավիթ Մինասյանը, ներքեւից՝ Սամվել Ավետիսյանը, Սարդուր Թեւոսյանը։

Սեպտեմբերի 29-ին Հայաստանի մի շարք համայնքներում սպասվում են Տեղական ինքնակառավարման մարմինների ընտրություններ։

Ընտրապայքարը հատկապես հետաքրքիր է Արմավիրի մարզի Փարաքար համայնքում, որտեղ համայնքապետի պաշտոնի համար պայքարում է չորս թեկնածու՝ գործող համայնքապետ Սամվել Վարդանյանը, նրա տեղակալ Սարդուր Թեւոսյանը, ավագանու անդամներ Դավիթ Մինասյանը եւ Սամվել Ավետիսյանը: Բոլորն էլ ինքնաառաջադրվել են: «Հայկական ժամանակ»-ը զրուցել է համայնքի ղեկավարի թեկնածուների հետ՝ պարզելու նախընտրական քարոզարշավի ընթացքն ու համայնքում տիրող տրամադրությունները։

Համայնքի գործող ղեկավարը՝ Սամվել Վարդանյանը, նախկին ՀՀԿ-ական է, որն այս պաշտոնը զբաղեցնում է շուրջ 18 տարի։ Մեր զրույցում նա ասաց, որ դեռ անելիք ունի, պատրաստվում է լուծել համայնքի խնդիրները։ Վարդանյանը, ի դեպ, ըստ մամուլի հրապարակումների եւ թեկնածուներից Դավիթ Մինասյանի նախընտրական շտաբի հայտարարության՝ սեպտեմբերի 24-ին պոկել է Մինասյանի նախընտրական պաստառները։

Սամվել Վարդանյանը մեր զրույցում պարզաբանեց, որ համայնքի ղեկավարի պաշտոնակատար Տիգրան Ավետիսյանի որոշմամբ՝ սահմանվել են պաստառները փակցնելու համար նախատեսված տարածքներ, սակայն Դավիթ Մինասյանը չի հետեւել այդ որոշմանը եւ իր քարոզչանյութերը փակցրել է չնախատեսված վայրերում։ Վարդանյանն այս խնդրով դիմել է տարածքային ընտրական հանձնաժողովի նախագահին, որն էլ բանավոր կերպով Մինասյանին զգուշացրել է հեռացնել պաստառները. մասնավորապես՝ օդանավակայան տանող ճանապարհի երկայնքից։

Թեկնածու Դավիթ Մինասյանը մեր զրույցում ասաց, որ զգուշացումից հետո Երեւանից «Զվարթնոց» օդանավակայան տանող ճանապարհահատվածից հեռացրել են իրենց պաստառները, թեեւ, նրա պնդմամբ, համայնքի ղեկավարի որոշման հետ կապված իրավական որոշակի խնդիրներ կան։ Դավիթ Մինասյանն իր ֆեյսբուքյան  էջում մեջբերել է ՀՀ ընտրական օրենսգրքի 21-րդ հոդվածի 3-րդ կետը, որի համաձայն` նախընտրական քարոզչությունն սկսելուց 10 օր առաջ համայնքի ղեկավարը պարտավոր է համայնքի տարածքում քարոզչական պաստառ, քարոզչական տպագիր եւ այլ նյութեր փակցնելու համար անվճար տեղեր առանձնացնել(...): Սույն լիազորությունը համայնքի ղեկավարի համար պարտադիր լիազորություն է: Մինասյանի գրառման մեջ նշված է, որ նախընտրական քարոզչության մեկնարկի վերաբերյալ որոշումը կայացվել է օրենքի խախտումով, հետեւաբար որոշումն անվավեր է:

Ի դեպ, ըստ մամուլի հրապարակումների՝ Դավիթ Մինասյանին հովանավորում է ՀՀԿ-ական նախկին պատգամավոր Առաքել Մովսիսյանը (Շմայսը)։ Կան լուսանկարներ, որ Մինասյանը 2017 թվականին մասնակցում է նաեւ Մովսիսյանի նախընտրական քարոզարշավին։ Նշվում է նաեւ, որ Դավիթ Մինասյանը նախկինում դատված է եղել՝ սպանության փորձի համար։

Անդրադառնալով այս խոսակցություններին՝ նա մեր զրույցում ասաց՝ քանի որ քարոզարշավը մտել է բավականին ակտիվ փուլ, մարդիկ ինչ ասես՝ կարող են հորինել՝ զուտ իրեն սեւացնելու համար.

«Պաշտոնապես հայտարարում եմ՝ այդ լուրերն իրականությանը չեն համապատասխանում, իրականում այդ լուրերին ուշադրություն չեմ էլ դարձնում, այլ շարունակում եմ շփումս քաղաքացիների հետ։ Ես Առաքել Մովսիսյանի հետ նախկինում ունեցել եմ գործնական շփում, ինչը տրամաբանական է, քանի որ վերջինս մեր մարզից ընտրված պատգամավոր էր, իսկ ես՝ ավագանու անդամ։ Նրան պարբերաբար ներկայացրել եմ մեր համայնքի խնդիրները, որ նա՝ որպես պատգամավոր, փորձի լուծել դրանք։ Ամեն օր՝ առավոտյան ժամը 9:00-ից մինչ ուշ երեկոյան, շրջում եմ համայնքի տարածքով՝ տուն առ տուն թակելով դռներ, կարող եք գալ ու համոզվել ինքներդ, որ ինձ որեւէ մեկը չի առաջնորդում, կարող եք նաեւ իմ շտաբ այցելել, հետաքրքրվել ու հասկանալ, որ հովանավոր չունեմ»։

Առաքել Մովսիսյանի քարոզարշավին մասնակցության լուսանկարի մասին էլ Մինասյանն ասաց, թե մենք առաջինը չենք, որ նման հարցադրում եք անում. «Քարոզարշավի մեկնարկից ակտիվ տարածվում էր այդ լուսանկարը, գիտեմ՝ ով էր հեղինակը, բայց փակագծեր չեմ բացի՝ քարոզարշավի վերջին մարդկանց չսեւացնելու համար»,- ասաց նա։

Մինասյանը հերքեց այն տեղեկությունները, որ ինքը նախկինում դատված է եղել սպանության փորձի համար. «Իրականությունն այլ է՝ վիճաբանություն. փորձել եմ փրկել ընկերոջս կյանքը, որի արդյունքում պատիժ եմ կրել մարմնական վնասվածք հասցնելու համար։ Ասեմ, որ կոռումպացված դատական համակարգի  կայացրած դատավճիռը բողոքարկել եմ վերաքննիչ ու վճռաբեկ դատարաներում, սակայն օգտվել եմ հանրային պաշտպանի ծառայությունից, քանի որ չունեի համապատասխան միջոցներ։ Կարծում եմ՝ պարզ է, որ ինձ մատուցված իրավաբանական ծառայությունը եղել է, մեղմ ասած, ոչ որակյալ։ Ազատազրկումից հետո ընդունվել եմ, ավարտել, ստացել մագիստրոսի աստիճան։ Այդ դեպքը եղել է իմ կյանքի առաջին ու վերջին նման իրավիճակը, ինչը, կարծում եմ, շատ բանի մասին է վկայում։ Համագյուղացիներս էլ գիտեն իրականությունը, ավելին ասեմ՝ փաստը շահարկողներն էլ գիտեն իրականությունը: Միայն կասեմ՝ այդ թեման նորից շահարկողներն այլ թեմա չունեն իմ դեմ»,- պարզաբանեց նա։

Մեր զրուցակիցն ասաց, որ քարոզարշավն իր սպասածից ավելի լավ է անցնում. ինքը բաց ճակատով լսում է յուրաքանչյուրի խնդիրը:

«Ամեն մի նոր տուն մտնելիս մի նոր խնդիր եմ բացահայտում, հասկանում, որ համայնքն ավելի շենացնել եւ հզորացնել կարող ենք համախմբված լինելու դեպքում։ Քարոզարշավի ընթացքում հասկացա, որ մեր գյուղացիները հեղափոխությունից հետո ակնկալիքներ ունեն, որոնք պետք է  կատարվեն։ Մարդիկ մեծ բան չեն պահանջում՝ մաքուր համայնք, նորմալ աշխատող կոյուղի, ոռոգման ջուր, կահավորված դպրոց եւ այլն, ինչն այս տարիների ընթացքում չեն ունեցել։ Հավատացնում եմ ձեզ, որ անգամ առկա բյուջեի օպտիմալ ու ճիշտ կառավարման դեպքում խնդիրների մեծ մասը կլուծվի»,- ասաց Մինասյանը։

Թե որքան է գնահատում իր  շանսերը՝ թեկնածուն պատասխանեց. «Բոլորիս համար հասկանալի է՝ նոր Հայաստանում քաղաքացու ձայնը այսուհետեւ հեղափոխող եւ որոշիչ է, վստահ եմ, քաղաքացին սեպտեմբերի 29-ին իր ձայնը կտա այն թեկնածուին, որն այս տարիների ընթացքում իր կողքին է եղել, փորձել օգնել, աջակցել։ Մրցակիցներիս չեմ թերագնահատում, բայց հույս ունեմ, որ Փարաքարը զարգացնելու գործը համագյուղացիներս ինձ կվստահեն։ Նրանք արդեն իսկ մեկ անգամ ինձ վստահել են, քանի որ ես ամենաշատ ձայն հավաքած ավագանու անդամն եմ, կարծում եմ, որ շանսերս քիչ չեն»։

Թեկնածուներից Սամվել Ավետիսյանը, որը նաեւ ավագանու անդամ է, մեր զրույցում հայտնեց, որ քարոզարշավն ընդհանրապես եւ մասնավորապես իրենը հանգիստ է ընթանում, կոնֆլիկտային իրավիճակ չի ստեղծվել։ Նշեց, որ գործնական, նորմալ հարաբերություններ ունի մյուս թեկնածուների հետ։

Սամվել Ավետիսյանից հետաքրքրվեցինք՝ ճի՞շտ է, որ ինքն ունի «Քաղաքացիական պայմանագիր» կուսակցության աջակցությունը: Պատասխանեց, որ կուսակցությունը պաշտոնապես նման դիրքորոշում չի հայտնել, ինքն էլ անկուսակցական է, բայց «Իմ քայլը» դաշինքում ունի ընկերներ։ Նա մեր զրույցում ներկայացրեց, որ համայնքի ամենակարեւոր խնդիրներից մեկը տեղի մաքրության հարցն է. «Բիոլճակը չի աշխատում։ Մոտ 82 մլն դրամի չափ գումար է ծախսվել կառուցելու համար, բայց հիմա չի գործում։ Մի քանի տարի կառուցվեց, հանձնեցինք ջրային տնտեսությանը, ջրային տնտեսությունը լրիվ քանդեց։ Խմելու ջուրն էլ է շատ վատ վիճակում, ջուրը տալիս են օրումեջ։ Կոյուղագծերն էլ շատ վատ վիճակում են, գյուղի կենտրոնական փողոցներով ժամանակ առ ժամանակ կոյուղաջրեր են գնում։ Ասֆալտապատման խնդիր կա։ Գյուղում ընդամենը երկու հիմնանորոգված փողոց կա, մեկն էլ գյուղապետի տան դիմացի փողոցն է»,- ասաց մեր նա՝ նշելով, որ ընտրվելու դեպքում պատրաստվում է լուծել այս եւ մյուս խնդիրները։

Փարաքարի համայնքի ղեկավարի թեկնածուներից Սարդուր Թեւոսյանը, որը գյուղապետի տեղակալն է եւ նախկինում եղել է Հանրապետական կուսակցության անդամ, ՀԺ-ի հետ զրույցում հայտնեց, որ իր քարոզարշավը եւս խաղաղ է ընթանում։ Թեւոսյանը մեր զրույցում ասաց, որ ծանոթ է գյուղի խնդիրներին եւ ընտրվելու դեպքում պատրաստվում է լուծում տալ դրանց։

Ինչ վերաբերում է նախկինում ՀՀԿ-ին անդամակցելու հանգամանքին, Թեւոսյանն ասաց, որ ինքը ՀՀԿ-ական եղել է այն ժամանակ, երբ աշխատանքի է անցել Էրեբունի վարչական շրջանում. «Այդ ժամանակ կուսակցության պայմանն էդ էր, որ պիտի անցնենք իրենց շարքերը, որ աշխատանք ստանանք։ 2012-2014 թթ. աշխատել եմ այդտեղ, որից հետո աշխատանքից դուրս եմ եկել, անդամակցությունս էլ՝ դադարեցրել»,- ասաց Թեւոսյանը։

Վերջինս նախընտրական ծրագիր, ըստ էության, չի ներկայացրել, քանի որ արդեն մեկ տարի է՝ աշխատում է որպես համայնքի ղեկավարի տեղակալ, եւ արդեն ունի համայնքի բոլոր խնդիրների ցանկը.

«Կոյուղու խնդիր ունի համայնքը, մասամբ խմելու ջրի խնդիր՝ դադարներով է մատակարարվում, ասֆալտապատում, գիշերային լուսավորություն, ունենք բուժամբուլատորիայի վերանորոգման խնդիր, գերեզմանատների ճանապարհների վերանորոգում։ Իմ ծրագրով նախատեսում եմ ցիստեռն գնել, որովհետեւ համայնքի ծառերը խնամքով պետք է ջրել»,- ասաց մեր զրուցակիցը՝ նշելով, որ բոլոր թեկնածուների ծրագրերում, ըստ էության, այս խնդիրները նշված են։

Ընտրվելու դեպքում Սարդուր Թեւոսյանը պատրաստվում է նշյալ խնդիրներին հերթականությամբ, կամաց-կամաց լուծում տալ: «Պետական սուբվենցիոն ծրագրեր շահելով, վարկերով, դոնոր կազմակերպություններ գտնելով, ճիշտ համագործակցությամբ հնարավոր է լուծել այս բոլոր խնդիրները»,- եզրափակեց Թեւոսյանը։

Տպել
1752 դիտում

Ապրիլյան պատերազմի քննիչ հանձնաժողովում լսել են Լելե Թեփեի հատվածում մարտական գործողությունների մասնակցած ավագ սերժանտի

Ծանրամարտիկ Հակոբ Մկրտչյանին շնորհվել է սպորտի վաստակավոր վարպետի կոչում

2 տղամարդիկ մտել են բջջային օպերատորներից մեկի սպասարկման սրահ ու բռնվել (տեսանյութ)

Տնտեսական հեղափոխությունը ոչ թե մի քանի ամսվա, այլ մի քանի տարվա գործ է. տնտեսագետ

Երեւանի բազմաբնակարան բնակելի 90 շենքի տանիքնի կտեղադրվի արևային ֆոտովոլտային համակարգ

ՊՆ 5-րդ զորամիավորման ստորաբաժանումներն անցկացրել են կրակային պատրաստության պարապմունքներ

Գորիս-Կապան հատվածի 8-14-րդ կմ-երը բեռնատարների համար դեռ փակ են լինելու

Անասնաշուկայում ուսումնասիրություններ են կատարվել, բրուցելոզ չի հայտնաբերվել

Փրկարարները լողավազանից դուրս են բերել շներին

Հայկական ավանդական ընտանիքի իմ պատկերացումը սա է, երբ ամուսինները թեւ ու թիկունք են իրար. Աննա Հակոբյան

Նախարար Սուրեն Պապիկյանն այցելել է «Հարավկովկասյան երկաթուղի» ՓԲԸ Երևանի մասնաճյուղ

Ձերբակալվածի անձնական խուզարկությամբ թմրամիջոց է հայտնաբերվել եւ դանակ (տեսանյութ)

Պաշտոնեական կեղծիք կատարելու կասկածանքով ձերբակալվել է ՀՀ ԱԺ աշխատակազմի ղեկավարի նախկին տեղակալը. ՀՔԾ

Շավարշ Գրիգորյանը նշանակվել է «Առողջապահական ծրագրերի իրականացման գրասենյակ»-ի տնօրենի պաշտոնակատար

ԱՄԷ արհեստական բանականության նախարարն ընդունել է Հայաստան այցելելու՝ Հակոբ Արշակյանի հրավերը

Վարչապետ Նիկոլ Փաշինյանը ցավակցական հեռագիր է հղել Հենրի Էլիբեկյանի մահվան կապակցությամբ

Գյումրիում ծեծի են ենթարկել թոշակառու կնոջն ու բնակարանից հափշտակել ոսկյա մատանիներ և գումար

2019-ի 9 ամիսների ընթացքում գրանցված հանցագործությունների ընդհանուր թվաքանակն աճել է 6,7%-ով

Վերջին սրացումները նաեւ երկկողմանի իրականացվող ինժեներական աշխատանքների հետ են կապված. Բալայան

Կարճաժամկետ շահն ու խնդիրների այսօրեական լուծումները մեզ՝ որպես հասարակություն, զարգացման չեն տանելու. Ղուլյան