Ես երբեք չեմ ասի, որ Մարտի 1-ի գործը փակուղում է․ վստահ եմ, որ դետալները բացահայտվելու են․ գլխավոր դատախազ

Ամեն ողջամիտ մարդ այդ վարկածը լսելիս շատ լավ հասկացել է՝ ինչ պատվերների իրացման մասին է խոսքը։ Այս մասին այսօր` լրագրողների հետ զրույցում, ասաց ՀՀ գլխավոր դատախազ Արթուր Դավթյանը՝ խոսելով որոշ լրատվամիջոցների այն հրապարակումների մասին, ըստ որոնց, իբրեւ ինքն ու ՀՔԾ պետ Սասուն Խաչատրյանը ճնշում են գործադրել նախկին ոստիկանապետ Հայկ Հարությունյանի վրա, որպեսզի նա ցուցմունքներ գրի Ռոբերտ Քոչարյանի եւ ոստիկանության զորքերի շտաբի նախկին պետ Գեղամ Պետրոսյանի դեմ․

«Ինձ ճանաչող ցանկացած մեկը գիտի, որ դա անհնար է, իսկ գլխավոր դատախազի պաշտոնը ե՛ւ իրավական, ե՛ւ բարոյական առումով այդպիսի բան թույլ չի տալիս»,- շեշտեց դատախազը։

Նա ասաց, որ Հայկ Հարությունյանը հրավիրվելու էր դատարան՝ ցուցմունք տալու, որի ժամանակ հարցեր էին հնչեցնելու դատախազները, պաշտպանները, դատավորը, ինչի հնարավորությունն այլեւս չկա։

Խոսելով Մարտի 1-ի գործով անցնող վկաների պաշտպանությունն ապահովելու մասին՝ դատախազն ասաց, որ ընդհանրապես բոլոր քրգործերով վկաների պաշտպանության հարցը կարեւոր խնդիր է․

«Դա իսկապես շատ կարեւոր խնդիր է, եւ մենք մեր երկրում այսօր այդ ինստիտուտը զարգացնելու խիստ անհրաժեշտություն ունենք։ Մենք տարիներ շարունակ Քրդատ օրենսգրքում նախատեսել ենք պաշտպանության կամ անվտանգության միջոցներ, բայց դրանց կառուցակարգեր երբեք նախատեսված չեն եղել. գործնականում բազում բարդություններ են առաջացել։ Արդեն առկա է օրենսդրական փաթեթը, եւ հույս ունենք, որ դրա կիրառման արդյունքում հստակ կառուցակարգեր եւ նյութատեխնիկական բազա կապահովվի՝ ցանկացած քրգործով պաշտպանության անհրաժեշտություն ունեցող վկաների անվտանգությունն ապահովելու համար»։

Ինչ վերաբերում է բուն Մարտի 1-ի գործով մյուս վկաների, հատկապես «Շերիֆ» անունով հայտնի ոստիկանության ներքին զորքերի նախկին հրամանատար Գրիգոր Գրիգորյանի անվտագությանը, դատախազը պատասխանեց․

«Կարեւորում եմ այդ խնդիրը, մեր համապատասխան օպերատիվ-հետախուզական միջոցառում իրականացնող մարմինները պարտավոր են հետեւել, ձեռնարկել օրենքով իրենց ընձեռված միջոցները, որ ցանկացած անձի՝ որպես վկա, հարցաքննվելու կամ նրան հայտնի տեղեկություններ հայտնելու պարագայում, նրա հանդեպ առանձնակի ճնշումների դեպքում, դրանք բացահայտվեն եւ արժանանան իրավական գնահատականի»։

Թե ինչ կոնկրետ քայլեր են իրականացվում այս ուղղությամբ, դատախազն ասաց, որ այն քայլերը, որոնք արվել ու արվում են, ըստ էության, գաղտնիության ռեժիմով իրականացվող քայլեր են, որոնք մեր օպերատիվ մարմինները, ուղղակի, պարտավոր են իրականացնել։

Լրագրողի դիտարկմանը, որ Հայկ Հարությունյանը հրավիրվել էր հարցաքննության, եւ, իրենց տեղեկություններով, այն պետք է տեղի ունենար երեկ, սրա մասին ի՞նչ տեղեկություն ունի գլխավոր դատախազը, վերջինս արձագանքեց․

«Դուք պատկերացնո՞ւմ եք՝ գլխավոր դատախազը քրգործերով իմանա, թե որ վկային երբ են հրավիրելու հարցաքննության»։

ՔԿ-ն երեկ Հայկ Հարությունյանի մահվան դեպքի առթիվ հարուցված քրեական գործով համապատասխան գրություն է ուղարկել «Hayeli.am» եւ «Armlur.am» կայքերի խմբագրություն՝ «Ինձ պարտադրում են սուտ ցուցմունք տալ. ախր, Ռոբերտ Քոչարյանն ու Գեղամ Պետրոսյանը մեղավոր չեն» Հայկ Հարությունյանի վերջին խոսքերն ինքնասպանությունից առաջ և «Հայկ Հարությունյանը դեպքի պահին միայնակ չի եղել. հայտնի են նրա վերջին խոսքերը» վերտառությամբ հոդվածների հեղինակներին պարզելու և գործով պարզաբանման ենթակա հանգամանքների վերաբերյալ նրանց հարցաքննելու համար։ Լրագրողները գլխավոր դատախազից հետաքրքրվեցին՝ ի՞նչ է սպասվում, եթե լրատվամիջոցներն աղբյուրը չբացահայտեն․

«Իրականացվելու են օրենքով սահմանված գործառույթներ։ Ի տարբերություն իրենց մասնագիտական ունակություններն ու հնարավորություններն անբարեխիղճ օգտագործողների՝ իրավապահները ոչ մի պարագայում չեն կարող դրսեւորել անբարեխղճություն եւ ոչ մի պարագայում դուրս չեն գա օրենքի շրջանակից»,- պատասխանեց գլխավոր դատախազը։

Լրագրողի դիտարկմանը, որ դեպքի վայրում այլ անձ է եղել, որը կարող էր ԶԼՄ-ներին ինֆորմացիա տալ, դատախազն արձագանքեց․

«Այդ քրեական գործին ամենաօպերատիվն արձագանքել է պատասխանատվություն ունեցող իրավապահ մարմինը, եւ ձեռք բերված տեղեկություններում այդպիսի տվյալներ չկան։ Մի քանի րոպեում տեղի ունեցած իրադարձություններ են, որոնց վերաբերյալ կա պաշտոնական տեղեկատվություն եւ կա հրապարակում»։

Լրագրողներից մեկը հարցրեց՝ որքանո՞վ է նորմալ, որ նախաքննության այս փուլում պետական մարմինը հրապարակում է ինֆորմացիա, ըստ որի՝ Հայկ Հարությունյանը մեծ քանակությամբ ալկոհոլ օգտագործած է եղել։ Դատախազը պատասխանեց, որ վարույթն իրականացնող մարմինն ինքն է որոշում, թե քրգործի նյութերից որ չափով եւ ինչ ծավալով հրապարակայնություն իրականացնի․

«Ալկոհոլ օգտագործելը չեմ համարում անբարոյական կամ հակաէթիկական վարքագիծ, որի հրապարակումը վիրավորական լինի։ Էական խնդիր չէ»։

Հարցին՝ արդյոք Հարությունյանի մահը կարո՞ղ է էական ազդեցություն ունենալ գործի բացահայտման վրա, գլխավոր դատախազը պատասխանեց, որ Մարտի 1-ի գործի քննությունը շատ ակտիվ իրականացվում է, եւ յուրաքանչյուր դետալ իր առանցքային նշանակությունն է ունենալու վարկածների ընտրության, դրանցով քննությունը շարունակելու վերաբերյալ․

«Ես երբեք չեմ ասի, որ գործը փակուղում է, ոչ թե չեմ ցանկանա ասել, այլ այդ ուղղությամբ միշտ ակտիվ գործողություններ են իրականացվում։ Ես վստահ եմ, որ դետալները բացահայտվելու են: Դա կլինի վաղը, թե մեկ տարուց, չեմ կարող ասել»։

Տպել
1084 դիտում

Կրակոցներ Երևանում. հայտնաբերվել է «Մակարով» ատրճանակի 3 պարկուճ, 1 գնդակ, 2 ավտոմեքենաների վրա՝ կրակոցների հետքեր

Ա. Հարությունյանը Վրաստանի գործընկերոջ հետ քննարկել է Վրաստանի դպրոցներում հայոց լեզվի դասագրքեր ունենալու հարցը

Մրգաշենի նախկին ղեկավարը բնակիչների անուններով գումարներ է դուրս գրել եւ յուրացրել՝ կեղծելով ստորագրությունները

ԱԳ նախարարն ընդունել է ԱՄՆ-ից ժամանած ռեժիսորների և պրոդյուսերների պատվիրակությանը

ԱՄՆ-ը եւ Թուրքիան Սիրիայում կրակը դադարեցնելու մասին պայմանավորվածություն են ձեռք բերել

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց