Մեզ համար շոկային էր, 6-7 ժամում 25 հազար դոլար հավաքվեց. փոքրիկ Լեւոնի բուժման գումարը պատրաստ է

1 տարեկան Լեւոնի հետազոտության համար անհրաժեշտ գումարը հավաքված է։ Երեկ ընդամենը 7 ժամում ֆեյսբուքի ֆանդրեյզերի (ֆեյսբուքի վճարովի ծառայություն) միջոցով հավաքվեց պակասող 25.000 դոլարը: Այս մասին գրված է երեխայի աջակցության համար նախատեսված Donate for Levon ֆեյսբուքյան էջում:

Փոքրիկ Լեւոնի բուժզննման եւ նախնական բուժման համար պահանջվող ընդհանուր գումարը կազմում է 37.000 դոլար (29.000 եվրո), որը ներառում է 3-շաբաթյա ստացիոնար պայմաններում մի շարք հետազոտություններ, հետագա բուժման պլանը, նաեւ երեխայի տեղափոխությունը։

Երեխայի մայրը՝ Անահիտ Խաչատուրյանը, «Հայկական ժամանակ»-ի հետ զրույցում հայտնեց, որ մինչեւ երեկ երեկոյան կարողացել էին հայթայթել 12.000 դոլար, պակասում էր՝ 25.000-ը, որն այսօր արդեն հավաքվել է: «Մեզ համար շոկային էր, երբեք չէինք պատկերացնի, որ մի քանի ժամում այդքան գումար կհավաքվի, մինչեւ հիմա հավատներս չի գալիս: Երեխաս դեռ վերակենդանացման բաժանմունքում է, գտնվում է ստաբիլ ծանր վիճակում»,-ասաց Անահիտ Խաչատուրյանը:

Նվիրատվությանը մասնակցել է 1437 օգտատեր, հավաքվել է 38 հազար 714 ԱՄՆ դոլար, ավելին, քան անհրաժեշտ է փոքրիկի տեղափոխման եւ բուժզննման համար: Անահիտ Խաչատուրյանը հայտնեց, որ երեխայի աջակցության համար իրականացվող Ֆանդրեյզերը դեռ չեն անջատել՝ հավելյալ գումարը կօգտագործեն երեխայի հետագա (հնարավոր) բուժման համար։ Գումարի ավելցուկը կհանգանակվի մեկ այլ երեխայի։

Երեխայի մայրը հայտնեց, որ փոքրիկին կտեղափոխեն Գերմանիա, հենց որ ֆեյսբուքյան վճարովի այդ ծառայությունը գումարը փոխանցի հաշվեհամարին: «Ցավոք, Հայաստանից այդ ծառայությունն ակտիվացնել հնարավոր չէ, պետք է ԱՄՆ-ի ռեզիդենտ բացի, կցի ԱՄՆ-ում բացված հաշիվ: Հենց գումարը նստի, այն կփոխանցվի Գերամանիայի Ֆրայբուրգի համալսարանական կլինիկային: Հաշվին նստելուց հետո մեզ այնտեղից հրավեր կուղարկեն, եւ մաքսիմալ արագ ժամկետում կմեկնենք: Օր նշանակելու պրոցեսը 3-ից 6 շաբաթ է տեւում»,- ասաց նա:

1 տարեկան Լեւոնը մոտ 4 ամիս առաջ ծայրահեղ ծանր վիճակում հայտնվել է վերակենդանացման բաժանմունքում։ Մինչեւ այժմ գտնվում է այնտեղ։ Երկու ամիս առաջ բուժող բժիշկը հայտարարել է, որ իր ախտորոշած հիվանդությունը բուժման ենթակա չէ։

Տեղի բժիշկները երեխայի մոտ կասկածել են նեյրո-մեթաբոլիկ գենետիկ խանգարում, որը չի հաստատվել ո՛չ Երեւանում եւ ո՛չ էլ Մոսկվայում անցկացված մի շարք, այդ թվում եւ գենետիկ հետազոտությունների արդյունքներով: Այս ընթացքում նոր ախտորոշման հաստատման ուղղությամբ աշխատանքներ չեն տարվել: Լեւոնն ստացել է միայն սիմպտոմատիկ բուժում վերակենդանացման բաժանմունքում։

Մայրը պատմեց, որ Հայաստանում մի քանի բժիշկներ պնդել են՝ հստակ ախտորոշում ստանալու համար երեխան պետք է հետազոտվի արտասահմանում: Վերջին երկու ամիսների ընթացքում երեխայի հարազատները բազմաթիվ նամակներ են գրել մի շարք եվրոպական կլինիկաների։ Ստացիոնար պայմաններում հետազոտությունների մեծ հերթի պատճառով մերժումներ են ստացել:

Եվ ընդամենը մի քանի շաբաթ առաջ արձագանքել է Գերմանիայում գտնվող Ֆրայբուրգի համալսարանական կլինիկան: Հայտնել են, որ պատրաստ են ընդունել՝ հետազոտելու, ախտորոշելու եւ հնարավոր բուժում նշանակելու նպատակով։ Սա հույս էր: Նաեւ շատ լուրջ փորձություն՝ ֆինանսական տեսանկյունից։

Տպել
6222 դիտում

Աշխատանքի և սոցիալական հարցերի նախարարությունը պատրաստ է ստանձնել «Թռչունյան տան» երեխաների խնամքը

Կարեւոր մրցաշար Գերմանիայում. հայ մարմնամարզիկներին օլիմպիական ուղեգրերի շատ փոքր հույս է մնացել

Օտարերկրացիների կողմից երեխաների ապօրինի որդեգրումը սպառնալիք է երեխաների անվտանգության համար. ԱԽ քարտուղար

Այսօր 12,8 մլրդ դրամի ներդրումների վերաբերյալ որոշումներ կայացվեցին. վարչապետը

Ես ասֆալտին պառկեցվելուց եւ պատերին խփվելուց չեմ վախենում․մի բանից եմ վախենում՝ ահեղ դատաստանից․ Վարդան Ղուկասյան

Երկարաձգվել է Դիաբետոն 60 մգ դեղի գնման գործընթացը. ԱՆ

Հնարավորություն ենք տալիս, որ մարդիկ աջակցեն իրենց իսկ երազած Սահմանադրական դատարանի հաստատմանը․ վարչապետ

Ինչպիսին են լինելու ամանորյա միջոցառումները մայրաքաղաքում. իրադարձություններն ու ծախսերը՝ ամբողջությամբ

Ես ինձ համարում եմ պատանդ քաղաքական իշխանությունների համար. Արսեն Բաբայան

Ակնարկել են, թե՝ «երեխա ունես, քեզ ի՞նչ պետք է. Նազելի Բաղդասարյանը հաստատում է սպառնալիքների մասին տեղեկությունը

ԱԱԾ-ին հանձնարարական եմ տվել՝ պարզելու որոշ շրջանակների ու սատանայի համագործակցության ձեւերն ու ուղիները. Փաշինյան

9 հոգով «Երևանի ՋԷԿ»-ից 1 տոննա պղնձյա փաթույթ են տարել, արդյունքում մոտ 21,5 միլիարդ դրամի վնաս է հասցվել. ՔԿ

«Ryanair»-ն արդեն հաստատել է չորս ուղղություններ, բայց նախատեսում է ավելացնել եւս երեքը. Ռեւազյան

Սենատոր Գրահամը մեկնաբանել է՝ ինչու է վետո դրել Հայոց ցեղասպանությունը ճանաչող բանաձևի վրա

Ես հանձնարարական եմ տվել ՊՎԾ-ին ստուգումներ իրականացնել Եղեգնաձորի քաղաքապետարանում. վարչապետ

Վթար Մարտակերտ-Վարդենիս մայրուղում. զոհվել է Հայաստանի 2, Արցախի 1 քաղաքացի

«Պետք է այնպես անել, որ երեխաների ուշադրությունը գրավեն ոչ թե քուչեքում պպզածները, այլ աշխատանքով հաջողության հասածները»

Խաղաղության կոչ Յոկո Օնոյից՝ աշխարհի 100 լեզվով, այդ թվում՝ հայերեն (լուսանկար)

Կառավարությունը 713 մլն դրամ հատկացրեց՝ «Վանաձորի պետական գյուղատնտեսական քոլեջ»-ի վերանորոգումը շարունակելու համար

Խմորումներ շատ են լինելու, համբերեք, կտեսնեք. Սամվել Բաբայանը՝ սպասվող ընտրությունների, Սերժ Սարգսյանի ծրագրերի մասին