Հրայր Թովմասյանի լիազորությունները դադարեցնելու որոշման նախագիծը դրական եզրակացություն ստացավ ԱԺ հանձնաժողովում

Ազգային ժողովի Պետական-իրավական հարցերի մշտական հանձնաժողովն այսօրվա նիստում քննարկեց եւ դրական եզրակացություն տվեց «Իմ քայլը» խմբակցության ներկայացրած Սահմանադրական դատարանի նախագահ Հրայր Թովմասյանի լիազորությունները դադարեցնելու մասին ԱԺ որոշման նախագծին։

Նախագիծը հանձնաժողովին ներկայացրեց ԱԺ «Իմ քայլը» խմբակցության պատգամավոր Սուրեն Գրիգորյանը։ Նա նշեց, որ փաստաթղթում նշվում է 4 հիմք, որոնց հիման վրա «Իմ քայլը» խմբակցությունը պատրաստվում է ներկայացնել ՍԴ՝ ՍԴ նախագահի լիազորությունները դադարեցնելու համար․

«Հրայր Թովմասյանը մինչև ՍԴ անդամ լինելը, եղել է Հանրապետական կուսակցության անդամ եւ 2010 թվականից ի վեր ՀՀ-ում զբաղեցրել է մի շարք առանցքային պաշտոններ՝ Արդարադատության նախարար, ԱԺ աշխատակազմի ղեկավար, ԱԺ պատգամավոր եւ պետա-իրավական հանձնաժողովի նախագահ։ Եւ մեզ համար գաղտնիք չէ՝ ինչպիսի փոխկապակցված շահեր ուներ ՀՀԿ-ն դիմումատու Ռոբերտ Քոչարյանի հետ։ Այդ մասին նշվում է հենց ՍԴ ներկայացրած դիմումում», - դիմումի առաջին հիմքը ներկայացրեց Գրիգորյանը։

ՍԴ նախագահ Հրայր Թովմասյանի լիազորությունները դադարեցնելու երկրորդ հիմքը, ինչպես ներկայացրեց պատգամավորը, Թովմասյանի եւ Ռոբերտ Քոչարյանի պաշտպաններից Արամ Օրբելյանի քավոր-սանիկական հարաբերություններն են․

«Խոսքն այստեղ բացառապես պարոն Թովմասյանի՝ նման կապի առկայության պարագայում դրա մասին չբարձրաձայնելու եւ վարույթից չհեռանալու հարց չբարձրացնելու մասին է, բոլորս հասկանում ենք, որ քավոր-սանիկ լինելն ինքնին արատավոր երեւույթ չէ»,- ասաց Գրիգորյանը՝ ընդգծելով, որ այդ հարաբերություններն, ուղղակի, կարող են օբյեկտիվ կասկած հարուցել դատավորի անաչառության վերաբերյալ։

Երրորդ հիմքը, ինչպես ներկայացրեց Սուրեն Գրիգորյանը, ըստ էության, Հրայր Թովմասյանի՝ Մարտի 1-ի վերաբերյալ տարբեր կարծիքներ հնչեցնելն է․

«Դիմումի մեջ արտացոլվել են պարոն Թովմասյանի կարծիքները՝ մարտիմեկյան իրադարձությունների եւ դրան հաջորդած դատավարությունների մասին, որոնցում նա մինչեւ ՀՀԿ-ական դառնալը եւ մինչ Արդարադատության նախարար դառնալը, արտահայտում է կարծիք, որ մարտիմեկյան իրադարձությունները ամոթ էին մեր երկրի համար, եւ դատավարությունները պետք է կարճվեին։ Դրանից հետո լինելով կառավարության անդամ՝ այլ կարծիքներ է արտահայտել, որ մարտիմեկյան դեպքերի ժամանակ տեղի են ունեցել զանգվածային անկարգություններ, արտակարգ դրություն սահմանելու հրամանագիրը լիովին համապատասխանել է օրենքի պահանջներին։ Սա ընդգծում եմ, քանի որ ԱԺ-ն ոչ թե ուզում է այս փաստաթղթով գնահատական տալ Մարտի 1-ի իրադարձություններին, այլ ուզում է նշել, որ կանխակալության հիմք հանդիսացող ցանկացած կարծիքի արտահայտումը վարույթից հեռանալու հիմք կարող է հանդիսանալ՝ անկախ բովանդակությունից»։

Չորրորդ հիմքը, Գրիգորյանի ներկայացմամբ, այն է, որ Ռոբերտ Քոչարյանի դիմումը քննելուց առաջ Սահմանադրական դատարանը քննության առարկա չի դարձրել այդ գործին մասնակցելու անհնարինության հարցը։

ԱԺ ԲՀԿ խմբակցության պատգամավոր Նաիրա Զոհրաբյանը նիստի ժամանակ հայտարարեց, որ իրենց խմբակցությունը կքննարկի որոշման նախագիծը եւ դրա վերաբերյալ դիրքորոշումը կհայտնի ավելի ուշ, իսկ «Լուսավոր Հայաստան» խմբակցությունն արդեն որոշում է կայացրել, որ կողմ է քվեարկելու։

Ի դեպ, նախագծի մասին վերջնական որոշումը կայացնում է Սահմանադրական դատարանը։

Տպել
857 դիտում

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է

Լիբանանում ՀՀ դեսպանությունը հորդորում է Բեյրութ այցելած ՀՀ քաղաքացիներին հեռու մնալ մարդաշատ վայրերից

Բանջարաբոստանային կրքեր. նախընտրական կմախքներ ՀՀԿ-ից

Երևանի տոնին նվիրված հրավառությունից հետո հրդեհ է բռնկվել Մատենադարանի հետնամասում. այրվել է մոտ 4000 քմ խոտածածկույթ

Ձայներ առնեմ ցորենով. իրավախախտ «բարեգործները»

Բենդերը, բայց ոչ՝ օստապ. ո՞ւր են կորել դպրոցի փողերը

Հրդեհ՝ Երևանի Բատիկյան փողոցում. տանը հայտնաբերվել է բնակչի դին

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը