Ծանրորդ Հակոբ Մկրտչյանն աշխարհի չեմպիոնի տիտղոսը նվիրում է ապագա որդուն

Աշխարհի նորընծա չեմպիոն ծանրորդ Հակոբ Մկրտչյանի հաջողությունն աշխարհի 2019թ. առաջնությունում հատուկ հասցեատեր ունի: Այս մասին մարզիկը նշեց «Հայկական ժամանակ»-ի հետ զրույցում: Նա ասաց, որ այն նվիրում է իր ապագա երեխային:

«Նվիրում եմ հունվարին լույս աշխարհ եկող տղայիս»,- ասաց նա:

Թայլանդական Պատայա քաղաքում ընթացող մրցաշարի 89կգ քաշային կարգում Հակոբ Մկրտչյանը երեկ՝ սեպտեմբերի 23-ին, չեմպիոն դարձավ երկամարտի 375կգ արդյունքով: Պոկում վարժությունը նա 167կգ-ով ավարտեց 4-րդ տեղում: Հրումում շտկեց իրավիճակը: 2-րդ մոտեցմամբ գլխավերեւում պահելով 208կգ-ը՝ ոչ միայն փոքր արծաթ նվաճեց, այլեւ ապահովեց չեմպիոնությունը: Աշխարհի 2018թ. առաջնությունում Մկրտչյանը նույնպես կարող էր պայքարել ոսկու համար, սակայն 213կգ-ը հրել չստացվեց: Այս տարի նպատակ էր դրել ամեն ինչ անել՝ սխալը չկրկնելու համար:

«Տպավորություները շատ մեծ են: Սխալս պետք է ուղղեի, դա էր իմ առջեւ դրված, եւ արեցի դա: Ես առհասարակ չեմ լարվում մրցումների ժամանակ՝ ինչ ուզում է լինի»,- ասաց նա՝ ավելացնելով, որ արդեն խոսել է ընտանիքի անդամների հետ, ու բոլորը շատ ուրախ են:

Այս տարի Հակոբ Մկրտչյանը նաեւ Եվրոպայի չեմպիոն էր դարձել: Այն ժամանակ ծանրորդը նշում էր՝ չի կարողանում հավատալ, որ հասել է դրան: Խոստովանում է, որ հիմա էլ նմանատիպ հոգեվիճակում է։

«Դե, նույն զգացողություններն են մոտս, ուղղակի ավելի մեծ»,- ասաց նա:

Եվրոպայի առաջնությունից հետո Մկրտչյանի հիմնական նպատակն աշխարհի առաջնությունն էր: Հիմա էլ մտածում է Տոկիո 2020-ի մասին: Ցանկանում է օլիմպիական ոսկին:

«Նպատակը մեկն է՝ հասնել ամենաբարձրին»,- ասաց նա՝ հաջողություն մաղթելով աշխարհի 2019թ. առաջնությունում ՀՀ-ն ներկայացնող մյուս մարզիկներին:

Աշխարհի առաջնությունում Մկրտչյանի ոսկին միանգամայն սպասելի էր ՀՀ տղամարդկանց հավաքականի գլխավոր մարզիչ Փաշիկ Ալավերդյանի համար: ՀԺ-ի հետ զրույցում մասնագետն ընդգծեց, որ Մկրտչյանը կարող էր անել դա նաեւ աշխարհի 2018թ. առաջնությունում, եւ ընդգծեց, որ նա շարժվում էր դեպի այս հաղթանակը:

«Անցած տարի, եթե 213կգ-ը հրեր, դառնում էր չեմպիոն: Անցած տարի չարեց, այս տարի արեց: Եվրոպայի չեմպիոնն է, իհարկե գնում էր դրան»,- ասաց նա՝ ավելացնելով, որ անցած տարվա համեմատությամբ Մկրտչյանն այս տարի բարելավել էր պոկում վարժությունը, ինչն էլ նպաստեց արդյունքին:

Երեկ 89կգ քաշային կարգում Հայաստանն էր ներկայացնում նաեւ Դավիթ Հովհաննիսյանը: Երկամարտի 355կգ-ով գրավեց 12-րդ տեղը:

Աշխարհի 2019թ. առաջնությունը մեկնարկել է սեպտեմբերի 18-ին: Ավարտվում է 27-ին: Ավելի վաղ ՀՀ հավաքականի կազմում պոկում վարժությունում փոքր բրոնզե մեդալ էր նվաճել Եվրոպայի չեմպիոն Անդրանիկ Կարապետյանը (81կգ): Հրումում նա 0 էր ստացել: Վաղը պայքարի մեջ կմտնի ՀՀ ընտրանու եւս 2 ծանրորդ՝ Տաթեւ Հակոբյանը (81կգ), եւ Սամվել Գասպարյանը (102կգ):

Աշխարհի 2019թ. առաջնությունում Հակոբ Մկրտչյանի մոտեցումների տեսանյութերը՝ այստեղ:

Տպել
638 դիտում

ԵԽ-ում իտալացի պատգամավորը ցուցադրաբար գետնին է շպրտել թուրքական շոկոլադի տուփը (տեսանյութ)

Մինչեւ 6 ժամ լույս չի լինելու Երևանի ու ևս 8 մարզերի որոշ հատվածներում

Հանրապետականներն այդպես էլ ոչինչ չեն հասկացել

Դիլիջանի բաժին տեղափոխված «ֆորդի» սրահում մարիխուանայի տարբեր քաշերով զանգվածներ էին (տեսանյութ)

Զարեհ Սինանյանը Փարիզի հայկական վարժարանի վրա հարձակումը վանդալիզմ է որակել

Հնդկաստանը դադարեցրել է ռազմական արտադրանքի արտահանումը Թուրքիա

Գորիս-Որոտան ավտոճանապարհին մեքենա է կողաշրջվել

Փոխվարչապետ Տիգրան Ավինյանը հանդիպել է Վրաստանի էկոնոմիկայի ու կայուն զարգացման նախարարին

Վարդաշենում տեղի ունեցած 64-ամյա կնոջ սպանությունը բացահայտվել է․ կասկածվողը ներկայացել է (տեսանյութ)

Սուրեն Պապիկյանի գլխավորությամբ կայացել է Լոռու մարզխորհրդի նիստ

Ներկայացված մեղադրանքը որեւէ աղերս իրականության հետ ունենալ չի կարող․ Արսեն Բաբայանի պաշտպան

Այսօրվանից մի շարք խոշոր հիվանդանոցներում առողջապահության նախարարությունը ունենալու է մշտական ներկայացուցիչներ. նախարար

ԵՊՀ-ի՝ հաշմանդամություն ունեցող ուսանողներին աջակցություն կտրամադրվի. դրա համար կընդունվեն հատուկ աշխատակիցներ

Քլոե Քարդաշյանը հայկական զինանշանով վզնոց է կրել (լուսանկար)

Կարմրուկով վարակված երեխան շարունակում է մնալ հոսպիտալացված. հիվանդությունը երբեմն շատ վտանգավոր կարող է լինել

Ջերմուկում տղամարդ է ինքնասպան եղել

Պետությունը նախատեսում է Գյումրու տուն-ինտերնատի ծառայությունը պատվիրակել բարեգործական կազմակերպությանը

Մենք Ադրբեջանի իշխանություններին անընդհատ կոչ ենք անում գալ կառուցողական դաշտ․ վարչապետ

ՀՀ առողջապահության նախարարությունը համալրել է հիմնական դեղերի ցանկը

Այս տարվա 9 ամիսներին զինծառայողների ապահովագրության հիմնադրամին 648.8 մլն դրամ ավելի է փոխանցվել․ Փաշինյան