Ինչպիսի՞ Իսրայելում կբացվի ՀՀ դեսպանատունը. քաղաքական ճգնաժամը շարունակվում է

Սեպտեմբերի 19-ին կառավարության նիստում հաստատվեց Իսրայելում ՀՀ դեսպանություն ստեղծելու մասին նախագիծը։  Թեեւ դեսպանատան բացման հստակ ժամկետ չկա՝ նախագծի հիմնավորման մեջ նշվում է, որ այն նախատեսվում է բացել հնարավորին սեղմ ժամկետում՝ 2019թ. վերջին կամ 2020թ. սկզբին։ Անակնկալ չէ, սակայն հատկանշական է, որ դեսպանատունը կլինի Թել Ավիվում՝ հաշվի առնելով, թե ինչ աղմուկ առաջացավ ԱՄՆ-ի, իսկ մի քանի օր անց նաեւ Գվատեմալայի՝ դեսպանատունը Թել Ավիվից Երուսաղեմ տեղափոխելու որոշումից հետո: Սա ակնարկ է, որ հայ-իսրայելական հարաբերությունների զարգացումը եւ հետագա հնարավոր խորացումը որեւէ բացասական ազդեցություն չպիտի ունենան արաբական աշխարհի հետ հարաբերությունների վրա: Հայ-իսրայելական հարաբերությունների վերաբերյալ այս կարեւոր նախագիծը հաստատվել է Իսրայելում քաղաքական ոչ աննախադեպ, սակայն բավական լուրջ ճգնաժամի ֆոնին, երբ իշխանական ուժի փոփոխության իրական հնարավորություն է առաջացել:

Գրեթե մեկ տարի առաջ՝ 2018թ. նոյեմբերին ՀԱՄԱՍ-ի եւ պաղեստինյան այլ զինյալ խմբերի հետ զինադադարի կնքումից հետո հրաժարական տվեց պաշտպանության նախարար Ավիգդոր Լիբերմանը, իսկ նրա նրա «Իսրայել՝ մեր տուն» կուսակցությունը լքեց իշխող կոալիցիան: Այդպիսով, ուժերի հարաբերակցությունը 120 հոգանոց Կնեսետում հասավ նվազագույնի. կոալիցիայի մաս կազմող կուսակցությունները ներկայացված էին 61 պատգամավորով: Սակայն ճգնաժամի բուն խնդիրը օրակարգ մտած օրինագիծն էր, որի համաձայն՝ ուղղադավան հրեաները եւս պարտավոր են ծառայություն անցնել Իսրայելի Պաշտպանության բանակում, ինչը լուրջ դժգոհություններ էր առաջացրել նաեւ իշխող կոալիցիայում, որը կազմված է հիմնականում ազգային եւ կրոնական ուղղվածության կուսակցություններից:

Իշխող «Լիկուդ» կուսակցության ղեկավարը՝ Իսրայելի վարչապետ Բենիամին Նեթանյահուն, թերեւս, հույսեր ուներ արտահերթ ընտրությունների միջոցով շտկել իրավիճակը եւ բարելավել Կնեսետում աջ ուղվածության ուժերի դիրքերը: Գործնականում ստացվեց հակառակը. ս.թ. ապրիլի 9-ի արտահերթ ընտրություններում ազգային եւ կրոնական ուժերը ստացան 56, իսկ սեպտեմբերի 17-ի արտահերթ ընտրւթյուններում՝ 55 մանդատ: Սեպտեմբերին « Լիկուդին» չհաջողվեց անգամ ստանալ ձայների մեծամասնությունը՝ քվեների մոտ մեկ տոկոսով զիջելով «Կահոլ-Լավան» կուսակցությանը:

Վերջին երկու արտահերթ ընտրությունները լավագույնս ցուցադրում են Իսրայելի հասարակական-քաղաքական կյանքի առանձնահատկություններից մեկը՝ զարգացման երկու, փաստացի հակադարձ միտումների հավասարազորությունը: Մի կողմից դա ազգայնականության հետ սահմանակից սիոնիզմի հետեւորդներն են, մյուս կողմից «աշխարհիկ ինտելեկտուալները», որոնք ազգային հարցն այդքան ցավոտ չեն ընդունում, թեեւ նույնպես միտված չեն արաբների հետ ջերմ հարաբերություններ հաստատելուն:

Ինչ վերաբերվում է վերջին արտահաերթ ընտրությունների արդյունքներին, ապա իրավիճակն իրոք պատային է: Ազգային եւ կրոնական՝ աջ կուսակցությունները ստացել են ընդհանուր առմամբ 55 մանդատ, ձախ եւ կենտրոնամետ կուսակցությունները, անգամ երրորդ տեղը գրաված եւ 13 մանդատ ստացած «Միավորված արաբական ցուցակի» հետ միասին՝ 57 մանդատ: Մնացած 8 մանդատները ստացել է «աշխարհիկ պետություն կառուցելու» դիրքերից հանդես եկող Ավիգդոր Լիբերմանի «Իսրայել՝ մեր տուն» կուսակցությունը:

Կոալիցիա կազմելու հեռանկարը մշուշոտ է. գաղափարակամ եւ կրոնական տարաձայնությունները թույլ չեն տալիս ուժերից որեւէ մեկին առնվազն 61 հոգանոց կոալիցիա ստեղծել:  33 մանդատ ստացած «Կահոլ-Լավանի» ղեկավար, ԳՇ նախկին պետ Բենի Գանցը պատրաստակամություն է հայտնել «բոլոր ուժերի հետ քննարկել» միասնության կառավարության կազմավորումը: «Բոլոր ուժերը», սակայն, անհամատեղելի տարաձայնություններ ունեն, ընդ որում ոչ միայն գաղափարական, այլեւ ազգային հողի վրա: Նեթանյահուն եւ Լիբերմանը բացառում են կոալիցիայի հնարավորությունը «Միավորված արաբական ցուցակի» հետ: Լիբերմանը դեմ է արտահայտվել նաեւ ծայրահեղ կրոնական կուսակցությունների (աջակողմյան բլոկի բոլոր ուժերը բացի «Լիկուդից») հետ կոալիցիային:

Ստացվում է, որ ընդամենը 8 մանդատ ստացած կուսակցության համար հարմար իրավիճակ է ստեղծվել որոշակի պայմաններ թելադրելու համար: Ընտրության օրը, երբ արդեն պարզ էր ուժերի մոտավոր հարաբերակցությունը, Լիբերմանը հայտարարել է, որ անհրաժեշտ է ստեղծել «ազգային միասնության կառավարություն»՝ իր կուսակցության, «Կահոլ-Լավանի» եւ «Լիկուդի» մասնակցությամբ: Ընդ որում նա նաեւ մի քանի պայման է առաջ քաշել. վերացնել կրոնական հաստատությունների ուսանողների տարկետումը, Շաբաթի ընթացքում թույլատրել առեւտրի եւ հասարակական տրանսպորտի աշխատանքը:  «Ազգային միասնության կառավարությունը» Կնեսետում կունենա 72 մանդատ, ինչը կայունության ամուր գրավական է: Սակայն այդ սցենարի համար եւս կա խոչընդոտ. Բենի Գանցը պատրաստակամություն է հայտնել կոալիցիա կազմել «Լիկուդի» հետ միայն Նեթանյահուի հրաժարականի պայմանով: Նեթանյահուն, բնականաբար, հնարավորինս երկար խուսափելու է այդ պայմանն ընդունելուց՝ առավել եւս հաշվի առնելով, որ նա մի շարք գործերով մեղադրվում է կոռուպցիայի եւ պաշտոնեական դիրքի չարաշահման  համար:

Իսրայելի նախագահ Ռեուվեն Ռիվլինը սեպտեմբերի 25-ին կհայտնի, թե ում վրա է դնում նոր կառավարություն ձեւավորելու պարտականությունը: Եթե այդ թեկնածուին 28 օրվա ընթացքում չհաջողվի կառավարություն կազմել, նա կարող է եւս 14 օր խնդրել, ինչից հետո նախագահն իրավունք ունի այլընտրանքային թեկնածուի վրա դնել այդ պարտավորությունը: Եթե այլընտրանքային թեկնածուն եւս 28 օրում չկարողանա կառավարություն կազմավորել՝ երեք շաբաթվա ընթացքում  սեփական թեկնածուի առաջադրման հնարավորւթյուն կունենան Կնեսետի պատգամավորները:

Այդպիսով, վարչապետի եւ կառավարության հարցը կարող է ձգվել մինչեւ այս տարվա վերջ, կամ, եթե բոլոր այս ընթացակարգերով էլ չհաջողվի կառավարություն կազմավորել՝ հաջորդ տարվա առաջին կես: Ամեն դեպքում, ՀՀ դեսպանատունը բացվելու է Իսրայելում քաղաքական տուրբուլենտության պայմաններում, ինչը մի կողմից լուրջ մնարտահրավեր է, մյուս կողմից՝ ստուգատես եւ հարաբերությունների զարգացման ավելի հաջող հիմք դնելու հնարավորություն:

Տպել
4854 դիտում

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից